Ol Toksave

◼ Samting bilong tilim long mun Ogas: Yupela i ken tilim wanpela bilong ol dispela buklet: Stap Amamas Oltaim Long Graun!, Wanpela Gavman Em Bai Kamapim Paradais, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Tru God i Save Tingim Yumi?, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim Yu o Nogutim Yu? Septemba: Buk Rot Bilong Famili i Ken Stap Amamas. Oktoba: Tilim nius Wastaua na Kirap! Taim yu mekim ol gobek na sapos ol i gat laik tru long harim tok, yu inap tilim sabskripsen long ol. Long pinis bilong mun bai yumi kirap tilim Kingdom Nius Namba 36. Novemba: Tilim yet Kingdom Nius Namba 36. Sapos kongrigesen i tilim pinis Kingdom Nius Namba 36 long olgeta haus i stap long teritori bilong ol, ol i ken tilim buklet Yumi Mas Mekim Wanem? o buk Save. Sapos ol i kisim pinis dispela tupela buk samting, yu inap tilim buk Stap Oltaim long ol. Disemba: Yupela i ken tilim ol dispela buk: Nambawan Man Tru i Winim Olgeta Narapela Man, Baibel Stori Buk Bilong Mi, Yu Inap i Stap Oltaim Long Paradais Long Graun.

◼ Wasman siaman o wanpela brata em wasman i makim, em i mas skelim ol akaun bilong kongrigesen long Septemba 1 o kwiktaim bihain long en. Taim em i mekim pinis, orait toksave long dispela samting long kongrigesen taim yupela i kamapim ripot bilong ol akaun long narapela miting.

◼ Ol kongrigesen i ken kirap odaim ol kalenda bilong ol Witnes Bilong Jehova bilong yia 2001 taim ol i putim oda bilong litresa long mun Septemba.

◼ Long Ogas 31, 2000 o kwiktaim bihain long dispela de, ol brata i lukautim buk-rum i mas kaunim hamas buk na nius i stap long kongrigesen. Dispela wok em i wankain olsem wok kodineta bilong buk-rum i save mekim long pinis bilong olgeta mun, na yupela i mas raitim namba bilong ol buk na nius long pepa Bilong Kaunim Ol Buk Samting Long Septemba 1 (S-18-MP). Ol brata i lukautim ol magasin inap tokim kodineta bilong buk-rum long hamas magasin olgeta i stap long wan wan kongrigesen i save bung long wanpela Haus Kingdom. Ol kuskus bilong kongrigesen bilong stretim oda bilong litresa bai kisim 3-pela pepa Bilong Kaunim Ol Buk Samting Long Septemba 1 (S-18-MP). Plis salim namba wan kopi long brens-ofis paslain long Septemba 7. Holim namba tu kopi, olsem kabon kopi, bilong putim long fail bilong kongrigesen. Namba tri kopi em i bilong mekim wok long en taim yupela i wok long kaunim ol buk samting. Kuskus bilong kongrigesen bilong stretim oda bilong litresa i mas bosim dispela wok. Kuskus na wasman siaman bilong kongrigesen bilong stretim oda bilong litresa bai sainim dispela pepa.

◼ Ol Nupela Buk Yu Inap Kisim:

Watchtower Publications Index 1999​—⁠Tok Inglis

◼ Ol Kaset Yu Inap Kisim Gen:

Sing Praises to Jehovah​—⁠Five-Album set (i gat 113 kaset)​—⁠Tok Inglis