Ol Miting Bilong Wok
Wik i Kirap Long Septemba 11
Singsing 139
10 min: Ol toksave bilong kongrigesen. Sampela Toksave bilong Wok Kingdom.
15 min: “Jehova i Mekim Gut Long Yumi na Yumi Gat Planti Samting.” Kirap bilong tok i no ken abrusim wanpela minit, na bihain mekim ol askim na bekim.—Lukim buk Insight, Vol. 2, p. 804, par. 6, 7.
20 min: “Stori Long Ol Samting i Kamap Long Nau Bilong Kirapim Ol Man Long Harim Tok.” Toktok wantaim ol brata sista na mekim ol soim. Kolim sampela samting i kamap long nau long hap bilong yu em ol man i stori planti long en. Dispela i mekim na ol man i tingting planti long wanem ol samting bilong bihain? Mekim wok long buk Toktok Gut, p. 12, na stori long olsem wanem yumi ken redim wanpela kirap bilong tok i opim rot bilong toktok wantaim ol man long Baibel. Mekim tupela gutpela soim ol brata sista i ken bihainim.
Singsing 224 na beten.
Wik i Kirap Long Septemba 18
Singsing 2
10 min: Ol toksave bilong kongrigesen. Ripot bilong ol akaun.
15 min: Yumi Bin Mekim Wanem Ol Wok Long Yia i Go Pinis? Wasman bilong wok autim tok i mekim dispela tok. Stori long ol bikpela samting bilong ripot bilong kongrigesen long yia bilong wok bilong yia 2000. Tok amamas long ol gutpela wok kongrigesen i bin mekim. Kolim sampela samting ol i mas wok long kamap gutpela moa long en. Stori long namba bilong ol man i kam long ol miting, long pasin bilong kirapim na lukautim ol Baibel-stadi, na long pasin bilong autim tok long olgeta taim. Kolim sampela mak kongrigesen i ken putim bilong nupela yia.
20 min: “Bagarap i Laik Painim Ol Man!” Ol askim na bekim. Stori long ol skripsa i stap long dispela tok.
Singsing 30 na beten.
Wik i Kirap Long Septemba 25
Singsing 93
15 min: Ol toksave bilong kongrigesen. Toksave long ol pablisa long putim ripot bilong wok autim tok bilong mun Septemba. Askim. Lukim blok “Wanpela Toksave.”
15 min: “Wok Long Betel—Yu Tingting Long Mekim?” Wanpela elda i lukautim dispela hap na mekim ol askim na bekim.
15 min: Ol Magasin Bilong Yumi i Gutpela Yet Bilong Helpim Man. Taim ol olpela nius Wastaua na Kirap! i hip i stap, yu save mekim wanem? Sampela pablisa i ting ol tok bilong en i olpela na ol i laik tromoi. Tasol Wok Kingdom bilong Oktoba 1993, p. 2, i kirapim yumi long kisim ol olpela nius tu long wok autim tok na tilim sapos i stret long man. Yu inap kisim ol stori i stret long ol man, ol meri, ol saveman, ol lapun, o ol yangpela, na kisim ol dispela olpela nius bilong yu ken tilim taim rot i op. Soim olsem wanem ol brata i ken makim wanem nius i stret long man na olsem wanem ol i ken tilim ol dispela nius. Kamapim sampela gutpela ekspiriens ol pablisa i bin kisim taim ol i tilim ol olpela nius.
Singsing 115 na beten.
Wik i Kirap Long Oktoba 2
Singsing 169
15 min: Ol toksave bilong kongrigesen. Toksave long kongrigesen long bikpela wok bilong tilim Kingdom Nius Namba 36, em bai kirap long Mande, Oktoba 16 i go inap long Fraide, Novemba 17. Kirapim olgeta, ol yangpela na ol nupela tu long wok strong long insait long dispela wok. Ol wasman bilong Buk-Stadi i mas kirap nau long strongim olgeta long grup bilong ol na stretim ol samting bambai olgeta i ken givim bel long insait long dispela wok. Stori long sampela gutpela ekspiriens ol brata i bin kisim taim ol i tilim Kingdom Nius long bipo.
15 min: “Olsem Wanem? Bai Mi Go?” Wanpela elda i mekim olsem wanpela tok. Kamapim gut olsem i gat wanem as na man i mas tingting gut taim em i laik i go sindaun long narapela hap na autim tok. Stori long olsem wanem yumi ken bihainim tok i stap long Sindaun 22:3. Stori tu long sampela tok bilong helpim yumi long tingting gut olsem i stap long Wastaua (tok Inglis), Ogas 15, 1988, p. 22.
15 min: Stori Long Sampela Ekspiriens Long Pasin Bilong Kirapim Tok. Long Miting Bilong Wok long wik bilong Septemba 11, ol i tokim yumi long mekim wok long ol stori bilong ol samting i kamap long nau bilong kirapim ol man long harim tok na toktok wantaim yumi. Askim ol brata sista long stori long sampela gutpela samting i bin kamap taim ol i bihainim ol dispela tok.
Singsing 205 na beten.