Ol Miting Bilong Wok

HARIM: Wok Kingdom Bilong Yumi bai putim ol Miting Bilong Wok bilong olgeta wik long ol mun bilong kibung. Ol kongrigesen i ken senisim miting bambai ol i gat taim bilong i go long “Ol Man Bilong Bihainim Tok Bilong God” Kibung Distrik. Sapos i stret, orait yupela i ken mekim wok long 15 minit bilong laspela Miting Bilong Wok bai kamap paslain long kibung na stori long sampela bikpela tok bilong pepa yumi kisim wantaim Wok Kingdom bilong nau. Tokim olgeta wan wan long lusim sampela minit long lukim program long olgeta moning paslain long ol program i kirap long moningtaim na belo bek na ol i ken tingting long ol tok bai kamap. Dispela bai mekim na i no hatwok long putim gut yau long ol tok na raitim ol sotpela tok i kamapim ol bikpela tok. Long namba 2 o namba 3 o namba 4 wik bihain long kibung, makim 30 minit long wanpela Miting Bilong Wok bilong stori gen long ol bikpela tok bilong kibung. Tripela brata i gat save long mekim, ol bai lukautim dispela hap bilong miting, na ol bai askim olgeta long stori liklik long ol tok bilong kibung. Ol i ken kamapim olsem ol tok yumi harim long kibung i helpim yumi wan wan long ol samting bilong i stap bilong yumi na long wok yumi mekim bilong autim tok. Ol i ken kamapim wanpela o tupela sotpela ekspiriens. Sapos olgeta i redim gut dispela hap bilong Miting Bilong Wok long dispela wik, dispela hap bilong miting bai i gutpela na i kirapim tru tingting bilong ol brata sista na skulim gut ol.

Wik i Kirap Long Oktoba 9

Singsing 11

7 min: Ol toksave bilong kongrigesen. Sampela Toksave bilong Wok Kingdom.

13 min: “Yu Save Amamas Long Ol Samting God i Givim Long Yu?” Wanpela elda i ken mekim dispela tok. Kamapim klia bilong wanem em i bikpela samting yumi go long 3-pela de olgeta bilong kibung distrik.

25 min: “Nupela Milenium​—⁠Wanem Samting Bai Painim Yu Long Bihain?” Wasman bilong wok autim tok i ken stori gut long dispela tok. Kaunim dispela toksave i stap long pas bilong Julai 3, 2000, em Sosaiti i salim i go long ol lain elda, na bihain tilim wanpela Kingdom Nius Namba 36 long olgeta manmeri i kam long miting. Orait nau mekim ol askim na bekim long ol tok i stap long dispela nius. Tokaut long rot kongrigesen i stretim bilong autim tok long olgeta hap bilong teritori. Stori long olsem wanem yupela i ken helpim ol nupela man na ol pikinini long winim mak bilong kamap pablisa i no baptais. Mekim sotpela soim. Toksave gen olsem olgeta i mas insait long wok bilong tilim dispela nius.

Singsing 53 na beten.

Wik i Kirap Long Oktoba 16

Singsing 104

7 min: Ol toksave bilong kongrigesen. Ripot bilong ol akaun. Tokim ol pablisa long tilim nius Wastaua na Kirap! wantaim Kingdom Nius Namba 36 long taim ol i autim tok long Sarere Sande.

10 min: “Ol Nupela Program Bilong Kibung Bilong 2001.” Ol askim na bekim.

13 min: “Ol Tul Bilong Skulim Yumi, Kirapim Yumi, na Strongim Yumi.” (Paragraf 1 na 2 tasol.) Wanpela tok. Stori liklik long olsem wanem Sosaiti i bin kirap long wokim ol video. (Lukim buk Proclaimers, p. 600, 601.) Toksave long rot kongrigesen i stretim bilong lukim video Jehovah’s Witnesses​​—⁠The Organization Behind the Name bambai kongrigesen i ken redi long tok bai kamap long Miting Bilong Wok long wik i kirap long Oktoba 30.

15 min: “Tingim Ol Narapela Taim Yupela i Mekim Ol Samting.” Askim na bekim. Stori long sampela hevi i save kamap taim sampela i no bihainim ol tok Sosaiti i kamapim bilong painim ples slip.

Singsing 131 na beten.

Wik i Kirap Long Oktoba 23

Singsing 150

5 min: Ol toksave bilong kongrigesen.

12 min: “Putim Gut Yau Long Harim Tok Bilong God.” Ol askim na bekim. Kamapim klia i gat wanem as na yumi olgeta i mas sindaun long sia bilong yumi taim olgeta wan wan program i kirap.

15 min: “Mekim Yet Gutpela Pasin i Litimapim Nem Bilong God.” Wanpela elda i toktok wantaim wanpela famili long dispela tok. Ol i stori long ol samting ol i ken mekim bilong bihainim stretpela pasin, mekim gutpela pasin, stap klin, na bilas gut long ai bilong ol man.

13 min: Redim Gut Ol Tok Bai Kamap Long Miting. Wanpela tok na ol askim na bekim. Taim yumi wok strong long redim gut ol tok bai kamap long miting, ol miting i save helpim gut yumi. Stori long ol gutpela tok yumi ken bihainim em i stap long Wastaua, Mas 1, 1998, p. 15, 16, par. 8-11. Askim ol brata sista long stori long olsem wanem ol i save painim taim bilong redim gut ol tok bai kamap long miting.

Singsing 211 na beten.

Wik i Kirap Long Oktoba 30

Singsing 167

8 min: Ol toksave bilong kongrigesen. Toksave long ol pablisa long putim ripot bilong Oktoba.

12 min: Ol Ekspiriens Long Wok Bilong Tilim Kingdom Nius Namba 36. Askim ol pablisa long stori long ol gutpela samting i kamap taim ol i tilim Kingdom Nius Namba 36. Askim ol painia haptaim na painia oltaim long kamapim olsem ol i amamas long bikpela wok ol i mekim long dispela taim na ol i gat rot long wok wantaim ol narapela narapela pablisa.

25 min: Jehovah’s Witnesses​​—⁠The Organization Behind the Name. Askim na bekim. Skelim ol askim i stap long par. 3 long dispela tok “Ol Tul Bilong Skulim Yumi, Kirapim Yumi, na Strongim Yumi.” Stori long sampela rot yumi ken bihainim bilong mekim wok long dispela video long helpim ol man i gat laik long harim tok na bai ol i save gut long oganaisesen bilong yumi. Kamapim wanpela o tupela sotpela ekspiriens.​—⁠Lukim Wastaua, Oktoba 1, 1992, p. 30, 31.

Singsing 15 na beten.

Wik i Kirap Long Novemba 6

Singsing 198

15 min: Ol toksave bilong kongrigesen. Stori long wok yupela i mekim bilong tilim Kingdom Nius Namba 36. Toksave long hamas teritori yupela i autim tok pinis long en na yupela i mas mekim wanem bilong pinisim olgeta teritori i stap yet inap long Novemba 17.

20 min: Yumi Olgeta i Ken Kamapim Pasin Olsem Bilong Ol Painia. Wasman bilong wanpela Buk-Stadi i ken toktok wantaim brata i stap olsem helpim bilong em, na ol i kisim tok long Wastaua, Oktoba 15, 1997, p. 22, 23. Ol i toktok long olsem wanem i gutpela sapos yumi gat planti painia long kongrigesen, na olgeta brata sista i ken mekim wanem bilong winim dispela mak. Tupela i stori long rot bilong strongim ol brata sista i mekim wok painia na bai ol i ken mekim yet dispela wok, na ol i stori long kongrigesen i ken mekim wanem bilong kisim pasin bilong givim bel long mekim wok autim tok.

10 min: Singsing​—⁠Wanpela Hap Wok Lotu Bilong Yumi. Wanpela wasman bilong Buk-Stadi i toktok wantaim tupela pablisa long pasin bilong ol long singsing long ol miting. Em i bin lukim olsem tupela i no save singsing strong long miting. Em i stori wantaim tupela pablisa long sampela tok bilong Wastaua, Februeri 1, 1997, p. 27, 28. Ol i skelim ol tok bilong wanpela singsing ol i makim bilong mekim long Stadi Wastaua bilong dispela wik, olsem Wastaua bilong Julai 1, 1999, p. 20, par. 12 i tok long mekim. Taim yumi givim bel tru long mekim ol singsing, yumi kamapim klia bel bilong yumi, olsem yumi givim bel long litimapim nem bilong Jehova.

Singsing 223 na beten.