Ol Toksave

◼ Samting bilong tilim long Novemba: Tilim yet Kingdom Nius Namba 36. Ol kongrigesen em ol i tilim pinis Kingdom Nius Namba 36 long olgeta haus long teritori bilong ol, ol i ken tilim buklet Yumi Mas Mekim Wanem? o buk Save. Sapos ol i kisim pinis dispela tupela buk samting, yu ken tilim buk Stap Oltaim long ol. Disemba: Yupela i ken tilim ol dispela buk: Nambawan Man Tru i Winim Olgeta Narapela Man, Baibel Stori Buk Bilong Mi, Yu Inap i Stap Oltaim Long Paradais Long Graun. Janueri: Tilim buk Yu Inap i Stap Oltaim Long Paradais Long Graun. Februeri: Buk Rot Bilong Famili i Ken Stap Amamas. Mas: Buk Save i Bringim Man Long Laip Oltaim.

◼ Taim wok bilong tilim Kingdom Nius Namba 36 i pinis, sapos sampela nius i stap yet long kongrigesen, orait kirapim ol pablisa long tilim ol long pasin olsem yumi save tilim ol liklik nius taim yumi autim tok long ol haus na long ol narapela hap. Sapos i gutpela long mekim, ol pablisa i ken lusim wanpela nius long ol haus i no gat man long en, tasol ol i no ken putim long ples klia na bai ol man long rot i ken lukim. Yumi mas wok strong long tilim olgeta bilong dispela nius i gat bikpela tok long en.

◼ Wasman siaman o wanpela brata em wasman i makim, em i mas skelim ol akaun bilong kongrigesen long Disemba 1 o kwiktaim bihain long en. Taim em i mekim pinis, orait toksave long dispela samting long kongrigesen taim yupela i kamapim ripot bilong ol akaun long narapela miting.

◼ Ol kongrigesen i ken kirap nau long putim oda bilong yiabuk bilong ol Witnes Bilong Jehova bilong yia 2001 wantaim oda bilong ol buk samting bilong Novemba. Inap long taim yiabuk i redi na mipela i salim i kam, mipela bai raitim long pepa Packing List olsem “Mipela bai salim bihain.” Ol yiabuk em ol spesel rikwes aitem.

◼ Ol Buk Yu Inap Kisim Gen:

Buk Toktok Gut Wantaim Ol Man Long Baibel​—⁠Tok Pisin

◼ Ol Disk (CD) Yu Inap Kisim Gen:

Sing Praises to Jehovah (8-pela disk)​—⁠Tok Inglis