Ol Miting Bilong Wok
Wik i Kirap Long Novemba 13
Singsing 4
10 min: Ol toksave bilong kongrigesen. Sampela Toksave bilong Wok Kingdom.
13 min: Askim. Wanpela elda i mekim olsem wanpela tok.
22 min: “Helpim Ol Man i Bin Harim Tok Taim Yumi Tilim Kingdom Nius Namba 36.” Ol askim na bekim long paragraf 1-5. Toksave long wok yupela bai mekim bilong tilim nius long ol teritori yupela i no mekim yet. Stori long ol tok yupela i ken kamapim taim yupela i mekim ol gobek, olsem i stap long paragraf 7 na 8, na mekim tupela soim long dispela tok. Kamapim klia olsem em i bikpela samting long go bek lukim ol man i harim tok na wok strong long kirapim Baibel-stadi. Bilong pinisim tok, stori long paragraf 9 na ol skripsa i stap long en.
Singsing 63 na beten.
Wik i Kirap Long Novemba 20
Singsing 111
10 min: Ol toksave bilong kongrigesen. Ripot bilong ol akaun.
15 min: Ol Ekspiriens Long Wok Bilong Tilim Kingdom Nius Namba 36. Stori long wok yupela i mekim pinis long teritori. I gat sampela long kongrigesen em namba wan taim ol i bin autim tok? Stori long ol gutpela tok ol man i bin mekim long yumi. Olsem wanem? I gat sampela pablisa i kirapim Baibel-stadi? Sapos i gat, orait askim ol long stori long dispela o mekim soim long olsem wanem ol i bin kirapim stadi. Toksave gen long olgeta long mekim gobek long ol man i bin harim tok.
20 min: “Wok Yet Long Mekim Wok Autim Tok!” Wanpela tok na toktok wantaim sampela. Sampela i bin bung wantaim oganaisesen bilong Jehova long olgeta yia ol i stap laip na ol i strong yet long mekim wok autim tok. Ol i gat stretpela tingting, na ol i bin amamas long mekim olsem. (Lukim buk Save, p. 179, par. 20, na Wastaua, Me 1, 1992, p. 21, 22, par. 14, 15.) Askim wanpela pablisa i bin mekim wok autim tok inap planti yia long stori long ol samting i bin helpim em long wok strong long autim tok.
Singsing 141 na beten.
Wik i Kirap Long Novemba 27
Singsing 153
10 min: Ol toksave bilong kongrigesen. Kirapim ol pablisa long putim ripot bilong wok autim tok bilong Novemba na kolim ol samting yumi bai tilim long Disemba.
20 min: Mekim Gutpela Wok Long Buk Toktok Gut. Ol askim na bekim long ol tok i stap long pes 7, 8. Kamapim olsem wanem ol i wokim dispela buk bilong helpim yumi long redi gut na mekim gut wok autim tok. Sapos i stret long kongrigesen bilong yu, stori long olsem wanem yumi inap mekim wok long dispela buk long taim yumi autim tok long telefon. Soim ol long olsem wanem yumi ken painim ol gutpela tok bilong bekim wanpela askim. Kirapim olgeta long save gut long dispela buk, na putim long paus bilong autim tok, na mekim wok long en long olgeta taim.
15 min: Olsem Wanem Mi Inap Bosim Pasin Bilong Mi Long Lukim TV? Wanpela elda i toktok wantaim wanpela yangpela brata i save lusim planti aua long olgeta de long lukim TV. Pastaim brata i strong olsem dispela i no inap nogutim em. Em i tok olsem dispela samting em i mekim em i bilong kisim malolo na dispela i no bagarapim em. Elda i stori long ol bikpela tok long sapta 36 long buk Askim Bilong Ol Yangpela. Elda i kamapim olsem taim yumi lusim bikpela taim long lukim TV, dispela i pulim bikpela hap taim em yumi inap mekim stadi bilong yumi yet long en, go autim tok, o mekim sampela wok bilong helpim kongrigesen. Dispela yangpela brata i tok tenkyu long gutpela tok bilong helpim em, na em i tok bilong helpim em long ol samting bilong spirit, em bai senisim pasin bilong em long lukim TV.
Singsing 175 na beten.
Wik i Kirap Long Disemba 4
Singsing 189
10 min: Ol toksave bilong kongrigesen.
15 min: Sampela tok bilong helpim kongrigesen. O wanpela elda i ken kisim tok long buk Wanbel, p. 99-102, par. 10-14, na mekim wanpela tok, olsem “Baptais Bilong Yu i Makim Wanem Samting?”
20 min: “Mekim Tok Long Taim Stret.” Ol askim na bekim, na mekim sampela soim. Planti pablisa i pilim olsem taim ol i laik traim long kirapim tok ol i no inap mekim gut, ol i save kranki na ting ol i mas i gat bikpela save bambai gutpela samting inap kamap. Stori long olsem wanem yumi olgeta, ol nupela na ol yangpela pablisa tu, inap kirapim tok wantaim ol man taim yumi mekim liklik tok tasol. Stori long ol tok bilong kirapim tok i stap long paragraf 4 na kamapim olsem wanem ol dispela tok i no hatwok long mekim, na askim 2-pela o 3-pela pablisa long mekim soim long dispela tok. Lukim Wok Kingdom bilong Mas 1998, p. 8 bilong lukim sampela moa kirap bilong tok yu inap mekim wok long en. Kirapim olgeta long kisim stretpela tingting na bai ol i kisim amamas moa long wok autim tok ol i mekim.
Singsing 218 na beten.