Ol Toksave

◼ Samting bilong tilim long Janueri: Buk Yu Inap i Stap Oltaim Long Paradais Long Graun. Februeri: Buk Rot Bilong Famili i Ken Stap Amamas. Mas: Buk Save i Bringim Man Long Laip Oltaim. Wok strong long kirapim ol Baibel-stadi. Epril: Tilim nius Wastaua na Kirap! Taim yu mekim gobek na man i harim tok, orait yu ken tilim sabskripsen. Tilim buk Save o buklet Yumi Mas Mekim Wanem?, na traim kirapim Baibel-stadi.

◼ Memorial bilong yia 2002 bai kamap long Fonde, Mas 28, taim san i go daun pinis. Mipela i mekim dispela toksave hariap, long wanem, sapos tupela kongrigesen i save mekim wok long Haus Kingdom na wanpela i mas painim narapela hap bilong mekim Memorial, orait ol brata inap putim nem o wokim kontrak wantaim ol bos bilong ol dispela ples. Ol elda i mas stretim tok wantaim ol bos bilong dispela ples​—⁠nogut ol narapela samting i kamap long dispela ples na ol pairap samting i pulim tingting bilong yumi taim yumi mekim Memorial. Memorial em i bikpela samting, olsem na taim ol elda i makim brata bilong mekim tok, ol i mas makim wanpela brata em inap tru long mekim dispela tok​—⁠ol i no ken senis senis long mekim tok o makim wanpela brata tasol long mekim tok long olgeta yia. Wanpela elda i mas mekim dispela tok, tasol sapos i no gat wanpela elda orait wanpela brata i gat save i ken mekim dispela tok.

◼ Olgeta pablisa i baptais pinis na ol i kam long Miting Bilong Wok long wik i kirap long Janueri 8, ol inap kisim kat Advance Medical Directive/Release na kat Identity bilong ol pikinini bilong ol.

◼ Kirap long Februeri i go inap long Mas 4, ol wasman sekit bai mekim nupela pablik-tok nem bilong en “De Bilong Kot​—⁠Taim Bilong Pret o Taim Bilong Wetim Gutpela Samting i Kamap?”

◼ Ol kongrigesen i mas redim ol samting bilong mekim Memorial bilong dispela yia long Sande Epril 8, taim san i go daun pinis. Tok bilong Memorial i ken kirap paslain long taim san i go daun, tasol yupela i mas tilim bret na wain taim san i go daun pinis. Yupela i no ken mekim ol narapela miting long dispela de, yupela i ken mekim bung bilong autim tok tasol, olsem na stretim rot bilong mekim ol miting long narapela de. Ol miting yupela i save mekim long Sande yupela i mas mekim long narapela de​—⁠sapos yupela i laik yupela i ken lusim pablik-tok bilong dispela wik. Ol wasman sekit i mas senisim program bilong wik na mekim ol miting long de i stret long kongrigesen ol i stap long en. Em i gutpela long olgeta wan wan kongrigesen i mekim Memorial bilong ol yet. Sapos inap, mipela i laik bai yupela i gat hap taim inap 40 minit namel long tupela miting bambai Memorial i ken helpim olgeta. Dispela bai givim taim bilong sekanim ol man i kam na strongim bel bilong ol nupela man. Yupela i mas tingim tu hevi bilong ples bilong putim ol ka, na tu, sampela ka bai kam tasol bilong lusim o kisim sampela lain. Ol elda i mas pasim tok long wanem rot i gutpela long bihainim long hap bilong ol. Ol i mas skelim tu olsem ol bai mekim wok long narapela haus samting bilong mekim Memorial o nogat.

◼ Bikpela pablik-tok long taim bilong Memorial bilong 2001, em bai kamap long Sande Epril 1. Nem bilong dispela tok em “God Inap Kisim Bek Husat?” Bihain mipela bai salim autlain long yupela. Ol kongrigesen i gat raun bilong wasman sekit o kibung sekit o bikpela de kibung long dispela wik, ol bai mekim dispela bikpela pablik-tok long wik i kirap long Epril 9. No ken mekim dispela bikpela tok paslain long Epril 1, 2001.

◼ Ol Nupela Buk Samting Yu Inap Kisim:

Kalenda bilong yia 2001—Tok Inglis

Jehovah’s Witnesses​—⁠Who Are They? What Do They Believe?—Tok Inglis

◼ Ol Kaset Yu Inap Kisim Gen:

Album of Hebrew Scriptures​—⁠Vol. 3; Proverbs to Malachi (18 kaset)—⁠Tok Inglis

Jeremiah, Lamentations (4-pela kaset)—⁠Tok Inglis