Ol Miting Bilong Wok

Wik i Kirap Long Janueri 8

Singsing 29

7 min: Ol toksave bilong kongrigesen. Sampela Toksave bilong Wok Kingdom.

15 min: “Tingim Gut Ol Gutpela Wok Bilong God.”a Sapos inap, stori long sampela piksa long nupela buk i helpim yumi long laikim ol tok profet Aisaia i bin mekim.

23 min: Gutpela Samting Bilong Helpim Yumi Taim Yumi Sik. Wanpela elda i gat save em i mekim dispela tok, em i kisim ol tok long pas bilong Sosaiti bilong Disemba 1, 2000. Kamapim olsem em i bikpela samting long wokim kat Advance Medical Directive/Release. Ol pablisa i baptais pinis ol i ken kisim wanpela kat bihain long miting. Sapos inap, ol brata sista i ken sainim nem na raitim det samting long kat bihain long miting, na wasman bilong Buk-Stadi i ken helpim ol brata sapos em i mas mekim olsem. Ol brata i sainim nem olsem witnes i mas lukim brata o sista i sainim nem bilong em long dispela kat. Wasman bilong Buk-Stadi i mas stretim ol samting bambai olgeta long grup bilong em ol i kisim helpim bilong wokim kat Advance Medical Directive/Release, bihain long miting o long sampela de bihain. Bihain long dispela miting, ol papamama i ken kisim wanpela kat Identity bilong ol pikinini. Ol pablisa i no baptais yet, ol i ken kisim sampela tok i stap long dispela kat na wokim kat i stret long tingting na bilip bilong ol yet na bilong pikinini bilong ol.

Singsing 1 na beten.

Wik i Kirap Long Janueri 15

Singsing 51

10 min: Ol toksave bilong kongrigesen. Ripot bilong ol akaun.

15 min: Wanpela tok bilong helpim kongrigesen. O stori gen na mekim askim na bekim long tok “Stiaim Ol Baibel-Stadi i Kam Long Oganaisesen Bilong Yumi,” i stap long Wok Kingdom, Epril 1997, p. 3, 4.

20 min: Yu Save Skelim Sampela Tok Bilong Baibel Long Olgeta De? Wanpela tok na toktok wantaim sampela. Skelim ol tok bilong Wastaua, Disemba 15, 1996, p. 17, 18, par. 12-14, na kamapim klia bilong wanem em i gutpela tingting long skelim teks bilong de olsem famili. Toktok wantaim wanpela famili em olgeta inap tingim wanpela teks bilong de ol i bin skelim na dispela i bin helpim ol, na stori long as na dispela i bin helpim ol. Kamapim klia olsem wok bilong skelim teks em i hap bilong ol samting famili i mas mekim oltaim bilong mekim famili-stadi, na dispela bai strongim famili bilong yumi na helpim famili long mekim wok autim tok long olgeta taim.

Singsing 67 na beten.

Wik i Kirap Long Janueri 22

Singsing 90

7 min: Ol toksave bilong kongrigesen.

18 min: Pasin Bilong Redim Kirap Bilong Tok. Wanpela tok na ol soim. Stori long ol bikpela tok i stap long buk Toktok Gut, p. 9. Stori long olsem wanem yumi ken makim ol kirap bilong tok i gutpela long pasin bilong yumi long toktok na i gutpela long teritori. Kolim sampela kirap bilong tok yumi ken mekim wok long en bilong tilim buklet Yumi Mas Mekim Wanem? na mekim tupela soim long dispela. (Lukim Wok Kingdom bilong Epril 1997, p. 8.) Kirapim olgeta long mekim gutpela wok long ol tok i stap long buk Toktok Gut na Wok Kingdom long taim bilong autim tok.

20 min: “Putim Gut Yau.” Wanpela tok na ol askim na bekim. Stori long ol tok i stap long Wastaua, Mas 15, 2000, p. 17, 18, par. 7-​11. Wanpela gutpela rot bilong save long pasin bilong yumi long harim gut ol tok em olsem: Yumi inap tingim planti tok o nogat. Askim ol brata sista long kamapim sampela bikpela tok ol brata i bin mekim long Skul Tiokratik Bilong Autim Tok long nau.

Singsing 96 na beten.

Wik i Kirap Long Janueri 29

Singsing 139

10 min: Ol toksave bilong kongrigesen. Kirapim olgeta pablisa long putim ripot bilong wok autim tok bilong Janueri. Toksave long samting bilong tilim long Februeri.

15 min: Kisim Gut Save Long Man Bilong Wokim Yumi. Kisim ol tok long Wastaua, Jun 15, 1999, p. 24-26 na mekim dispela tok.

20 min: “Ol Papamama​​—⁠Skulim Ol Pikinini Long Bihainim Ol Gutpela Pasin.” Wanpela tok na toktok wantaim papamama em pikinini bilong ol i kamap gutpela long ol samting bilong spirit. Papamama i stori long ol gutpela samting ol i bin mekim bilong helpim ol pikinini long insait long wok autim tok. Sapos i gat taim, stori long sampela tok i stap long buk Famili i Ken Stap Amamas, p. 55-59.

Singsing 149 na beten.

Wik i Kirap Long Februeri 5

Singsing 168

8 min: Ol toksave bilong kongrigesen.

15 min: “Amamas Long Bihainim Tok.”b Sapos inap, kolim ol samting i save helpim yumi long amamas moa yet long mekim wok bilong God, olsem buk Insight Volyum 2, p. 120, par. 6-8 i stori long en.

22 min: Yu Inap Painim Gutpela Amamas. Wanpela famili i stori long ol gutpela tok i stap long Kirap! bilong Jun 8, 1997. Papa i tingting planti long amamas ol famili i save kisim. Pastaim ol i ken stori liklik long dispela tok “Olsem Wanem Long Ol Amamas?” (pes 4-7), na bihain ol i ken stori long ol amamas em i gutpela na em inap helpim ol. Stori long ol tok i stap aninit long het-tok “Malolo” i stap long buk Lo, p. 131, 132, na ol tok aninit long het-tok ‘Mekim Olgeta Samting Bilong Litimapim Nem Bilong God,’ i stap long p. 135, 136. Kamapim klia olsem em i wok bilong papamama long go pas long skelim amamas famili bai kisim, na famili i mas wok gut wantaim bambai olgeta long famili i ken kisim helpim.

Singsing 190 na beten.

[Ol Futnot]