Ol Miting Bilong Wok

Wik i Kirap Long Mas 12

Singsing 112

10 min: Ol toksave bilong kongrigesen. Sampela Toksave bilong Wok Kingdom. Stori tu long tok “Ol Bokis Kontribiusen” long pes 7.

15 min: Kuskus i stori long tok “Tilim Ol Buk na Nius na Kisim Kontribiusen Tasol” i stap long Wok Kingdom, Septemba 1999, p. 4.

20 min: “Epril​​—⁠Taim Bilong Wok Strong Tru.” (Par. 1-13) Wasman siaman i ken mekim dispela tok. Toktok gut wantaim ol brata sista long ol samting yumi laik mekim long Epril. Kirapim olgeta long kongrigesen long wok strong long winim mak long yumi olgeta bai insait long wok autim tok long Epril.

Singsing 147 na beten.

Wik i Kirap Long Mas 19

Singsing 166

8 min: Ol toksave bilong kongrigesen. Ripot bilong ol akaun.

15 min: Long olgeta yia Sosaiti i save wokim buklet Skelim Sampela Tok Bilong Baibel. Yu save mekim gutpela wok long dispela buklet? Stori long ol gutpela as na yumi mas skelim skripsa ol i putim long teks bilong de. Stori long ol tok i go pas long dispela buklet, long p. 3, 4. Askim ol pablisa long stori long olsem wanem ol yet o olsem wanpela famili ol i wok strong long skelim teks bilong de na ol stori bilong en long olgeta de.

22 min: “Epril​​—⁠Taim Bilong Wok Strong Tru.” (Par. 14-30) Wasman bilong wok autim tok i ken mekim dispela tok. Wanpela tok na ol askim na bekim. Olgeta i mas wokim gutpela sedyul ol i ken bihainim bilong insait tru long mekim wok autim tok long Epril. Toksave long ol bung bilong wok autim tok kongrigesen bai mekim long Epril. Kirapim olgeta pablisa em ol inap mekim wok painia haptaim long mekim olsem, na ol i ken kisim aplikesen bilong mekim wok painia haptaim bihain long miting.

Singsing 188 na beten.

Wik i Kirap Long Mas 26

Singsing 204

10 min: Ol toksave bilong kongrigesen. Toksave long kongrigesen olsem i gat taim i stap yet bilong ol i ken putim aplikesen bilong mekim wok painia haptaim long Epril. Kirapim olgeta long ritim ol skripsa ol i makim bilong Memorial kirap long Epril 3-8, i stap long buklet Skelim Sampela Tok Bilong Baibel Long Olgeta De​—⁠2001. Toksave long taim bilong mekim Stadi Wastaua long wik bilong Memorial. No ken lusim tingting long bikpela pablik-tok bai kamap long dispela Sande, Epril 1, nem bilong en “God Inap Kisim Bek Husat?” Kirapim olgeta long mekim wok autim tok long dispela de, na wok bilong yumi long mun Epril bai i kirap gut.

20 min: “Yumi Mas Litimapim Nem Bilong Jehova na Jisas.” Wanpela elda i mekim dispela tok i kirapim ol brata sista. Kirapim olgeta long insait tru long mekim wok autim tok long Epril na wok strong tru long singautim ol manmeri i kam long Memorial.

15 min: Redim Ol Tok Bilong Tilim Ol Magasin. Bai yumi tilim Wastaua na Kirap! long Epril. Stori long ol tok i stap long p. 4, par. 3, na 10, long Wok Kingdom bilong Oktoba 1996. Kamapim (1) wanpela stori long nius, (2) wanpela gutpela tok i stret long man, (3) wanpela askim bilong kirapim tingting, na (4) wanpela skripsa i stret em yumi inap mekim wok long en taim yumi tilim ol nupela magasin. Wok strong long mekim wok long buklet Yumi Mas Mekim Wanem? o buk Save, bilong kirapim Baibel-stadi wantaim ol man i harim tok. Bilong pinisim tok, mekim wanpela gutpela soim long pasin bilong kirapim Baibel-stadi long namba wan taim yu bungim man.

Singsing 207 na beten.

Wik i Kirap Long Epril 2

Singsing 220

9 min: Ol toksave bilong kongrigesen. Kirapim olgeta pablisa long putim ripot bilong wok autim tok bilong Mas. Skelim “Ol Samting Bilong Tingim Long Memorial.”

18 min: “Pasin Sori i Kirapim Yumi Long Autim Tok.”a (Lukim sta daunbilo.) Stori long ol skripsa i stap long dispela tok. Sapos inap, stori long ol tok i stap long buk Insight, Vol. 2, p. 673, par. 1. Singautim wanpela pablisa i bin mekim wok autim tok inap planti yia long stori long olsem wanem pasin bilong laikim tru God i kirapim em long mekim yet wok autim tok. Kirapim olgeta pablisa long insait long wok autim tok long Epril na long olgeta mun bihain.

18 min: “Helpim Ol Narapela Long Kam Long Ol Miting.”b (Lukim sta daunbilo.) Pepa yumi kisim wantaim Wok Kingdom bilong Jun 1996, par. 14-16, i gat sampela moa tok bilong helpim ol Baibel-stadi long kam insait long oganaisesen. Stori long olsem wanem yumi ken mekim wok long buklet Yumi Mas Mekim Wanem? (stadi 5, par. 7) na buk Save (sapta 5, par. 22) bilong kirapim hariap ol nupela long kam long ol miting. Mekim gutpela soim long dispela, long gutpela pasin wanpela pablisa i gat save i kirapim wanpela Baibel-stadi long tingim tru olsem em i bikpela samting long kam long ol miting.

Singsing 47 na beten.

[Ol Futnot]