Riviu Bilong Skul Tiokratik Bilong Autim Tok
Riviu bilong ol tok i bin kamap insait long Skul, kirap long Janueri 1 i go inap long Epril 23, 2001. Long narapela hap pepa, traim raitim planti bekim insait long taim bilong mekim Riviu.
[Harim: Long taim bilong mekim Riviu long Skul, yu ken lukim Baibel tasol bilong helpim yu long bekim ol askim. Long pinis bilong ol askim i gat mak bilong ol buk samting, na taim yu kisim dispela pepa i go long haus paslain long taim bilong mekim Riviu, yu ken lukim ol dispela buk samting bilong helpim yu long raitim stret ol bekim bilong Riviu long Skul. Sampela taim ol i no putim namba bilong pes na paragraf bilong Wastaua.]
Makim ol dispela tok I Stret o I No Stret:
1. Tru yumi no ken sori nating na lusim bikpela rong man i mekim long yumi. Tasol yumi ken bihainim pasin bilong Josep olsem taim wanpela i bin rongim yumi na em i kamapim olsem em i bel hevi long rong em i bin mekim, orait long pasin marimari yumi ken lusim rong bilong em. (Stt 42:21; 45:4, 5) [1, w99 1/1 p. 31 par. 2, 3] I Stret.
2. Namba 1 Stori em i lista bilong ol nem, na em i kolim gen sampela tok bilong Buk Samuel na Buk King na em tasol. [4, si Janueri 22 par. 1] I No Stret. Long Namba 1 Stori yumi painim sampela gutpela tok i litimapim moa yet nem bilong Jehova, winim planti narapela hap bilong Baibel; na tu, em i givim yumi gutpela save long ol samting bilong stretpela Kingdom bilong God.
3. Baibel i stori long wanpela “birua bilong Krais” em bai kamap bihain. [4, rs p. 76] I No Stret. Tok bilong aposel Jon long 1 Jon 2:18 i makim olsem “planti birua bilong Krais” ol i kamap pinis long taim bilong ol aposel.
4. Jisas i kamapim pasin daun bilong em taim em i orait long kisim wok bilong lusim heven na kam daun long graun na kamap wanpela man nating bilong graun i aninit tru long ol ensel. (Fl 2:5-8; Hi 2:7) [5, w99 2/1 p. 6 par. 3] I Stret.
5. Ol samting bilong bipo em ol saveman i bin painim i kamapim long ples klia olsem ol samting King Sisak i bin mekim, olsem em i go insait long ples Juda na “kisim ol gutpela samting bilong haus bilong Jehova na ol gutpela samting bilong haus bilong king,” dispela i bin kamap tru. (2 Sto 12:9, NW ) [11, Hap bilong Baibel yumi kaunim long olgeta wik; lukim w88 9/1 p. 28 par. 3.] I Stret. Wanpela piksa bilong dispela pait ol i bin sapim long banis bilong haus lotu bilong Amon long Kanak, Isip, em i kamapim klia olsem dispela samting i bin kamap tru.
6. Ol Kristen bilong pastaim ol i no bin baptaisim ol bebi. [12, rs p. 51] I Stret.
7. Man i mekim wok bilong God em i no ken tingting liklik long kisim gutpela samting long bihain. [13, w99 4/15 p. 16 par. 1] I No Stret. Olsem Hibru 11:6 i kamapim, Kristen i mas bilip olsem God i save amamas long ol man i bihainim laik bilong em na em i laik mekim gut long ol.
8. Long Song 103:2, taim Devit i toktok long “ol gutpela samting [Jehova] i bin mekim,” em i tingim ol samting Jehova i bin wokim olsem graun na ol sta samting. [15, w99 5/15 p. 21 par. 5, 6] I No Stret. Long dispela song, Devit i stori long ol samting God i bin mekim bilong kamapim sori bilong em long yumi, na namba wan samting em i stori long en em pasin bilong God long lusim rong bilong yumi. (Song 103:3)
9. Olgeta wan wan haus lotu em Solomon, Serubabel na Herot i wokim na haus lotu sel em Moses i sanapim, ol i olsem piksa na i makim wankain samting. [17, bsi01 Esra par. 16] I Stret. Ol i makim “haus tru bilong God,” o haus lotu spirit, em pasin God i kamapim bilong lotu long em long rot bilong ofa bilong Krais. (Hi 8:2; 9:2-10, 23)
10. Lista bilong ol nem long Namba 1 Stori i no bin helpim tumas kongrigesen Kristen bilong pastaim. [8, bsi01 1 Stori par. 23] I No Stret. Matyu na Luk i bin mekim wok long ol lista i gat nem bilong ol tumbuna long en bilong kamapim klia olsem Jisas Krais em i “pikinini bilong Devit” na em i Mesaia tru tru. (Mt 1:1-16; Lu 3:23-38)
Bekim ol dispela askim:
11. I gat wanem as na Jehova i strafim tru lain bilong Ahap? (1 Kin 16:31; 2 Kin 9:7, 26) [3, bsi00 p. 24 par. 34] Long wanem, ol i lotuim god Bal na kapsaitim blut bilong planti man taim ol i lotuim dispela god giaman.
12. Olsem Matyu 24:45-51 i kamapim, ol man i bikhet na lusim lotu i tru ol i save mekim wanem ol pasin? [4, rs p. 61, 62] Ol i lusim lotu i tru na tu ol i kirap “paitim” ol wanwok bilong ol bilong bipo—ol i toknogutim ol long ai bilong ol man o mekim ol narapela samting bilong pasim wok bilong ol; ol i wok strong long bagarapim bilip, ol i no strongim bilip. (Kain tok olsem em inap)
13. Stori bilong King Usia bilong Juda em inap lainim yumi long wanem bikpela samting long strong bilong yumi? (2 Sto 26:15-21) [14, Hap bilong Baibel yumi kaunim long olgeta wik; lukim w99 12/1 p. 26 par. 1, 2.] Sapos yumi gat strong, tasol yumi no gat gutpela tingting, na save, na pasin daun, orait dispela strong inap kamap olsem samting bilong pundaunim yumi o nogutim yumi.
14. Jisas i no kirapim wanpela pasin bilong lotu taim em i wasim lek bilong ol aposel bilong em, nogat; tasol dispela samting em i mekim i skulim yumi long wanem bikpela samting? (Jo 13:4, 5) [7, w99 3/1 p. 31 par. 1] Jisas i skulim yumi tru long mekim pasin daun; yumi no ken ting olsem yumi yet i bikpela man na ol narapela i mas mekim wok bilong yumi, na yumi no ken tingting long kisim namba na biknem; yumi mas laik long mekim wok i no gat nem bambai narapela i ken helpim narapela. (Kain tok olsem em inap)
15. I gat wanem as na ol tok bilong 1 Stori 14:8-17 i bikpela samting long taim bilong Aisaia, na bilong wanem em i bikpela samting long ol lotu i holim nating nem Kristen long nau? (Ais 28:21) [6, Hap bilong Baibel yumi kaunim long olgeta wik; lukim w91-E 6/1 p. 21 par. 2, 3.] Jehova i bin mekim narakain samting bilong bagarapim ol Filistia, na Aisaia i tokaut olsem Jehova bai mekim narakain samting bilong bagarapim ol Juda i spak long ol samting bilong spirit. Samting i painim ol Juda em i olsem piksa bilong ol samting bai painim ol lotu i holim nating nem Kristen long nau. (Kain tok olsem em inap)
16. Wanem ol samting long lotu bilong Bal i mekim na planti Israel i amamas long bihainim? [12, w99 4/1 p. 29 par. 3-6] Bilong lotuim Bal, ol i no gat wok long mekim planti samting; em i mekim na ol Israel i no gat wok long bihainim Lo Bilong Moses; ol pasin bilong lotu i inapim ol laik bilong skin; ol Israel i lukim olsem ol Kenan i lotuim Bal ol i gat planti samting bilong skin. (Kain tok olsem em inap)
17. Bikpela wok Hesekia i bin mekim bilong givim sampela wara moa long Jerusalem na lukautim dispela wara, dispela inap skulim yumi long wanem gutpela samting? (2 Sto 32:3, 4) [15, Hap bilong Baibel yumi kaunim long olgeta wik; lukim w96 8/15 p. 6 par. 1, 2.] Long olgeta de i gat planti wok yumi mas mekim, tasol sapos yumi wok strong tru—olsem ‘digim wanpela baret’—bilong painim taim bilong mekim stadi na yumi was gut na i no larim wanpela man o wanpela samting i pasim yumi long stadi, bai yumi kisim ol wara bilong tok i tru em bilong givim laip long yumi.
18. Olsem wanem gutpela pasin bilong Josaia inap strongim ol yangpela long nau long mekim wok bilong God na sanap strong long sakim lotu giaman? (2 Sto 34:3, 8, 33) [16, Hap bilong Baibel yumi kaunim long olgeta wik; lukim w00 9/15 p. 29 par. 3–p. 30 par. 1.] “Long taim em i gat 15 krismas tasol,” em i kirap long lotu long God; paslain long em i gat 20 krismas, em i kirap long rausim olgeta samting bilong ol lotu giaman na bihain em i stretim haus bilong God na kamapim bek trupela lotu.
19. Olsem wanem? Ol Juda i bin stap olgeta long Babilon, olgeta i lusim Jehova? Dispela inap lainim yumi long wanem samting? (Esr 1:3-6) [17, Hap bilong Baibel yumi kaunim long olgeta wik; lukim w86-E 1/15 p. 8 par. 4, 7.] Ating sampela Juda ol i laikim tumas mani kago samting o ol i no tenkyu liklik long Jehova i larim ol i go bek long Jerusalem, tasol sampela ol i lapun o ol i gat sik samting na ol i no inap go bek long as ples bilong ol. Long nau, i no olgeta inap long mekim wok bilong God long olgeta taim, olsem wok painia samting, tasol olsem ol Israel, ol inap long helpim na strongim ol narapela em ol i mekim bikpela wok moa bilong mekim lotu i tru i kamap bikpela long olgeta hap.
20. Long ol tok bilong 2 Stori 5:13, 14, wanem samting i makim olsem Jehova i harim ol gutpela singsing ol Israel i mekim bilong litimapim nem bilong em, na em i amamas long en? [9, Hap bilong Baibel yumi kaunim long olgeta wik; lukim w94 5/1 p. 10 par. 7.] Em i mekim na wanpela narapela kain klaut na lait bilong em i pulapim haus bilong em.
Raitim wanem hap tok i stret bilong pinisim ol dispela tok:
21. Man i givim sampela tok bilong stretim wanpela wanbilip Kristen em i mas kamapim tingting bilong God, na em i no ken kamapim tingting bilong ol man. (Kl 2:8) [2, w99 1/15 p. 22 par. 1]
22. Yumi no inap long stap nating long pait bilong Armagedon. (Mt 12:30; 2 Te 1:8) [9, rs p. 31]
23. Olsem ol rop i gat nil inap pasim rot long ol pikinini kaikai i kamap bikpela, olsem tasol, sapos yumi no bosim gut tingting na yumi tingting planti tumas na yumi bilip long mani dispela inap pasim rot bilong yumi long kamap strong long ol samting bilong spirit. (Mt 13:19, 22) [10, w99 3/15 p. 22 par. 5]
24. Tok bilong Pol long 1 Korin 15:29, NW, olsem “sampela man i kisim baptais bilong kamap man i dai pinis,” i makim olsem ol i go insait tru long rot bilong holimpas ol lo bilong God inap long ol i dai olsem Krais i bin mekim, na bai ol inap kirap bek na kisim laip long heven olsem em i bin mekim. [13, rs p. 53]
25. Sapos wanpela Kristen i no laik mekim wankain popaia olsem Solomon i bin mekim, orait em i no ken givim hap bel tasol long lotuim Jehova na em i mas bihainim tok bilong Jisas long ‘laikim tru God, Bikpela bilong em, long bel bilong em.’ (Mt 22:37; 1 Sto 28:9) [8, Hap bilong Baibel yumi kaunim long olgeta wik; lukim w86-E 6/1 p. 19 par. 17, 18.]
Makim wanem tok i stret:
26. Stori long 2 King 17:5, 6 i kamapim olsem wanem (Tiklat Pileser; Salmaneser Namba 5; Esarhadon) i go pait wantaim 10-pela lain bilong Israel long hap not, na em i banisim taun Samaria inap 3-pela yia, na long (740; 607; 537) B.C.E. ol Asiria i daunim Samaria. [2, Hap bilong Baibel yumi kaunim long olgeta wik; lukim w88 10/1 p. 29 par. 7.]
27. Ol stori bilong 2 King sapta 25 long ol samting i kamap long Jerusalem bihain long ol Israel i bin go kalabus long Babilon em i kamapim olsem (Daniel; Esekiel; Jeremaia) i bin raitim dispela buk, na tu, em i kamapim olsem wok bilong raitim dispela buk i pinis long yia (580; 537; 455) B.C.E. samting. (2 Kin 25:27) [3, Hap bilong Baibel yumi kaunim long olgeta wik; lukim bsi00 p. 21 par. 3.]
28. Olsem Kisim Bek 4:11 i tok, God Jehova ‘i save mekim man i yaupas o mauspas o ai i lukluk o aipas,’ olsem na (em asua bilong Jehova na ol dispela sik i kamap long ol man; em i save makim ol man long mekim sampela wok bilong em; em i larim ol dispela sik i kamap long ol man). [14, w99 5/1 p. 28 par. 2]
29. Dispela hap taim bilong 70 yia em 2 Stori 36:17-23 i toktok long en, em i pinis long yia (537; 607; 677) B.C.E. [16, bsi01 2 Stori par. 35]
30. I gat tupela stori tasol bilong pati bilong betde long Baibel, na dispela tupela stori (i makim olsem em i gutpela samting; i makim olsem em i no gutpela samting; i no givim liklik save long pati bilong betde). (Stt 40:20-22; Mt 14:6-10) [17, rs p. 54]
Putim wanem skripsa i stret long ol dispela tok:
Kis 21:22, 23; Snd 25:11; Ro 12:2; 2 Pi 3:15, 16; KTH 16:13, 14
31. Yumi mas redi long mekim sampela wok bilong senisim tingting bilong yumi na pulapim ol tok i tru bilong God long tingting bilong yumi. [Ro 12:2] [11, w99 4/1 p. 22 par. 2]
32. Taim yu givim tok long man, em i bikpela samting long tingim gut tok yu laik mekim. [Snd 25:11] [2, w99 1/15 p. 23 par. 1]
33. Jehova i bin tokaut pinis olsem em i gat tok long man i bagarapim pikinini i stap long bel. [Kis 21:22, 23] [1, rs p. 381]
34. Satan i wok long pulim ol lain man bilong i go pait long God. [KTH 16:13, 14] [9, rs p. 32]
35. Sapos yumi senisim ol tok bilong Baibel, yumi inap bagarap. [2 Pi 3:15, 16] [16, rs p. 44]