Ol Toksave

◼ Samting bilong tilim long Epril na Me: Tilim nius Wastaua na Kirap! Taim yu mekim gobek na man i harim tok, orait yu ken tilim sabskripsen. Tilim buk Save o buklet Yumi Mas Mekim Wanem?, na traim kirapim Baibel-stadi. Jun: Buklet God i Laik Yumi Mas Mekim Wanem? o buk Save i Bringim Man Long Laip Oltaim. Wok strong long kirapim ol Baibel-stadi. Julai na Ogas: Yupela i ken tilim wanpela bilong ol dispela buklet: Stap Amamas Oltaim Long Graun!, Wanpela Gavman Em Bai Kamapim Paradais, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Tru God i Save Tingim Yumi?, Yumi Stap Bilong Mekim Wanem—⁠Yu Ken Save Olsem Wanem?, na Tewel Bilong Ol Daiman​—⁠Yu Ting Ol Inap Helpim Yu o Nogutim Yu?

◼ Tok namba 3 na 4 long “Sediul Bilong Skul Tiokratik Bilong Autim Tok Bilong 2001” ol i kisim long buk Toktok Gut na ol i makim pes na ol paragraf. Taim yupela i skelim wanem ol paragraf yupela bai kisim tok long en, tingim dispela: Namba wan sentens bilong wan wan paragraf i surik i go insait liklik.

◼ Ol kuskus bilong kongrigesen i mas i gat ol Pepa Bilong Mekim Wok Painia Oltaim (S-205-MP) na Aplikesen Bilong Wok Painia Haptaim (S-205b-MP). Mipela i save salim nupela Pepa Bilong Mekim Wok Painia Oltaim (S-205-MP) taim mipela i salim pas long kongrigesen i makim wanpela long kamap painia oltaim. Sapos yupela i mas kisim sampela aplikesen moa, yupela i ken putim oda na raitim long pepa Literature Request Form (S-14). Yupela i mas holim planti bilong dispela fom, inap bilong wanpela yia. Skelim gen ol aplikesen bilong mekim wok painia oltaim bilong save ol i bin raitim gut olgeta tok o nogat. Sapos ol brata sista i laik mekim wok painia ol i no inap tingim de stret ol i kisim baptais, ol i mas makim wanpela de na raitim dispela na tingim dispela de.

◼ Taim yu laik raun long narapela kantri na yu laik go long ol miting bilong kongrigesen, o kibung sekit, o kibung distrik long dispela kantri, yu mas raitim pas i go long brens-ofis bilong dispela kantri bilong kisim save long det, taim, na ples ol bung bai kamap long en. Atres bilong ol brens-ofis i stap long laspela pes bilong yiabuk bilong dispela yia.

◼ Ol manmeri i bung wantaim wanpela kongrigesen, ol i mas salim ol nupela sabskripsen na sabskripsen bilong kisim gen Wastaua o Awake! i go long Sosaiti long rot bilong kongrigesen​—⁠ol sabskripsen bilong ol yet tu. Yu no inap wokim sabskripsen bilong kisim Kirap! long olgeta tripela tripela mun.

◼ Sosaiti i no save salim oda bilong ol buk samting bilong ol pablisa wan wan. Wasman siaman i mas redim wanpela toksave bilong mekim long olgeta mun paslain long kongrigesen i wokim oda bilong ol buk samting na salim i go long Sosaiti bambai ol pablisa i laik kisim sampela buk samting bilong ol yet ol i ken tokim brata i lukautim litresa long putim oda bilong ol. Plis tingim gut wanem ol buk samting em ol spesel rikwes aitem.

◼ Ol Buk [Samting] Yu Inap Kisim Gen:

New World Translation of the Holy Scriptures​—⁠Reference Bible (Rbi8)​—⁠Tok Inglis

Sampela Askim Bilong Ol Yangpela​—⁠Ol Gutpela Bekim​—⁠Tok Inglis

Buk Bilong Skul Bilong Wok Autim Tok​—⁠Tok Inglis

The Divine Name That Will Endure Forever​—⁠Tok Inglis

◼ Ol Kaset Yu Inap Kisim Gen:

Ezekiel​—⁠Tok Inglis

Isaiah​—⁠Tok Inglis

Jeremiah, Lamentations​—⁠Tok Inglis

Kingdom Melodies No. 1​—⁠Tok Inglis

◼ Ol Video-Kaset Yu Inap Kisim Gen:

Jehovah’s Witnesses​—⁠The Organization Behind the Name​—⁠Tok Inglis