Ol Miting Bilong Wok

Wik i Kirap Long Jun 11

Singsing 178

10 min: Ol toksave bilong kongrigesen. Sampela Toksave bilong Wok Kingdom. Bilong redi long bekim ol askim long tok bai kamap long Miting Bilong Wok long wik i kirap long Jun 25, kirapim olgeta long lukim video Jehovah’s Witnesses Stand Firm Against Nazi Assault. Toksave long ol samting kongrigesen bai mekim bilong soim dispela video.

15 min: “Wok Yet Long ‘Mekim Gutpela Pasin.’ ” Wanpela elda i ken mekim dispela tok bilong strongim bel bilong ol brata sista.

20 min: “Putim Tok i Go Daun Long Bel Bilong Sumatin Bilong Yu.”a Stori tu long sampela gutpela rot bilong helpim ol nupela long kisim pasin bilong bilip na laikim tru Jehova na Jisas long bel bilong ol. Mekim wok long ol bikpela tok i stap long Wastaua, Julai 15, 1999, p. 14, par. 18-20.

Singsing 184 na beten.

Wik i Kirap Long Jun 18

Singsing 194

5 min: Ol toksave bilong kongrigesen. Ripot bilong ol akaun.

10 min: Bekim Tok Long Man i Katim Tok. Ol askim na bekim. Stori long “Sampela Tok” i stap long buk Toktok Gut, p. 15-16. Lukim tok i stap long p. 16-20, na stori long sampela tok ol man i save mekim long teritori bilong yupela. Askim ol brata sista long stori long wanem tok ol i save mekim bilong bekim tok na i wok gut, na bilong wanem em i wok gut.

15 min: I Mas i Gat Sampela Brata Moa Bilong Mekim Wok Painia. Kisim ol tok long Wok Kingdom, Julai 1996, p. 7 na mekim olsem wanpela tok. Sapos inap, stori long ol ekspiriens i stap long yiabuk bilong 2000, p. 18, na 91.

15 min: Yu Save Bihainim Tingting Bilong God Long Ol Samting Bilong Dring? Kisim ol tok long Wastaua, Disemba 15, 1996, p. 25-29 na mekim olsem wanpela tok. Stori gut long ol tok i stap long p. 27 na 29. Kamapim klia olsem sapos ol Kristen i dring, ol i mas dring liklik tasol. Ol i no ken dring planti i go i go na ol i no inap tingting gut long ol samting.

Singsing 197 na beten.

Wik i Kirap Long Jun 25

Singsing 2

15 min: Ol toksave bilong kongrigesen. Stori long ol samting bilong tilim long Julai na Ogas. Stori long tupela buklet yupela i gat long kongrigesen. Mekim gutpela soim long pasin bilong tilim dispela buklet long wok autim tok. Stori long “Tilim Ol Buklet Bilong Yumi!” Bilong kisim save long sampela tok moa bilong tilim ol buklet, lukim laspela pes long Wok Kingdom bilong Julai 1996, na bilong Julai na Ogas 1997.

30 min: “Mi Sanap Strong! Mi Sanap Strong! Mi Sanap Strong!” Ol askim na bekim long video Stand Firm. Mekim wok long ol askim i stap long paragraf 2 bilong stori long dispela video. Bihain skelim paragraf 3-4. Long mun Ogas bai yumi stori long video The New World Society in Action.

Singsing 29 na beten.

Wik i Kirap Long Julai 2

Singsing 5

5 min: Ol toksave bilong kongrigesen. Kirapim ol pablisa long putim ripot bilong wok autim tok bilong Jun.

12 min: “Ol Kontribiusen Bilong Sabskripsen.” Kirapim olgeta i no bin putim yet oda bilong Wastaua na Kirap! long kongrigesen long ol i mas givim oda bilong ol long brata i lukautim ol magasin.

15 min: Ol Yangpela​​—⁠Bihainim Gutpela Tingting Taim Yupela i Makim Wok Yupela Bai Mekim. Dispela em i namba wan hap bilong tripela tok bai kamap long ol Miting Bilong Wok i stori long ol tok bilong Baibel bilong stiaim tingting long pasin bilong kisim sampela moa skul. Sampela yangpela Kristen i go long ol bikpela skul bilong kisim gutpela wok mani, na dispela i wok long nogutim ol long ol samting bilong spirit. Long dispela tok bilong nau, papamama i toktok wantaim yangpela pikinini man o pikinini meri bilong ol. Nau em taim bilong yangpela long tingting gut long wanem ol mak em bai putim bilong winim long bihain. Tru, ating sampela i laik kisim planti mani samting, namba, o gutpela sindaun, tasol dispela famili i skelim Baibel bilong save em i tok wanem. (Lukim buk Askim Bilong Ol Yangpela, p. 174-175; Wastaua, Ogas 15, 1997, p. 21, na Septemba 1, 1999, p. 19-21, par. 1-3 na 5-6.) Pikinini i wanbel na i ting em i savepasin long mekim ol samting em inap helpim em long winim ol mak bilong spirit na mekim wok bilong Kingdom.

13 min: “Lait Bilong Yupela i Mas Lait.”b Kamapim tu ol tok bilong Wastaua, Jun 1, 1997, p. 15, par. 12-13. Kirapim olgeta long mekim wok autim tok taim rot i op bilong mekim olsem.

Singsing 32 na beten.

[Ol Futnot]