Miting Bilong Wok

Wik i Kirap Long Julai 9

Singsing 4

8 min: Toksave bilong kongrigesen. Sampela Toksave bilong Wok Kingdom.

17 min: Ripot Bilong Wok Bilong Epril. Wasman autim tok i mekim tok na toktok wantaim sampela. Stori long ripot bilong autim tok bilong kongrigesen long mun Epril. Toktok wantaim sampela pablisa i wok strong long autim tok long dispela mun. Askim ol long stori long amamas ol i kisim long insait tru long autim tok na samting ol i mekim bilong strong long autim tok.​—⁠Lukim pepa yumi kisim wantaim Wok Kingdom bilong Mas 2001, par. 28-30.

20 min: “Kamapim Ol Disaipel Long Rot Bilong Buk Save.”a Kamapim sampela gutpela ekspiriens ol pablisa long kongrigesen bilong yu i bin kisim taim ol i stadi long ol man long buk Save.

Singsing 42 na beten.

Wik i Kirap Long Julai 16

Singsing 10

10 min: Ol toksave bilong kongrigesen. Ripot bilong ol akaun.

15 min: Ol Yangpela​​—⁠Skelim Gut Ol Samting Yu Mas Lusim Long Lain Long Wanpela Wok. Wanpela papa na yangpela pikinini man o meri i go lukim wanpela elda em i save wok mani. Taim ol i harim pinis tok long Miting Bilong Wok long 2-pela wik i go pinis i stori long wanem wok ol yangpela bai makim, pikinini i gat strongpela tingting long mekim wok painia oltaim, tasol em i no save em bai mekim wanem long lukautim em yet long ol samting bilong skin. Elda i kamapim klia olsem em i mas i gat stretpela tingting. (Wastaua, Septemba 1, 1999, p. 11, par. 13) Em i gutpela tingting long ol i ken kisim sampela kain trening em inap helpim em long painim wanpela wok mani bilong helpim em yet. Planti i bin mekim olsem taim ol i go long wanpela skul em ol inap lain long wok inap sotpela taim tasol na ol i no tromoi bikpela mani bilong i go long dispela skul. (Wastaua, Februeri 1, 1996, p. 14, buk Askim Bilong Ol Yangpela, p. 178) Olgeta wantaim i stori long tok bilong Awake! Mas 8, 1996, p. 9-11, na ol i skelim sampela gutpela tok bilong helpim ol yangpela long painim wanpela gutpela wok o kirapim wanpela gutpela wok.

20 min: Ol Witnes Bilong Jehova​—⁠Ol i Wanbel na Mekim Wok Bilong God Long Olgeta Hap Bilong Graun. Askim na bekim na mekim soim. Stori long olsem wanem yumi ken mekim wok long buklet bilong tokim ol narapela long yumi na wok bilong yumi. Sampela paragraf i stori liklik long ol samting God bai mekim (p. 3-5), em i stori long ol wok kongrigesen Kristen long bipo i bin mekim. (p. 6-7), em i kolim sampela stori na wok bilong yumi long nau (p. 8-11), em i stori long ol miting bilong yumi long kongrigesen bilong olgeta wik (p. 14-15), em i stori long olsem wanem yumi save stretim wok bilong autim gutnius (p. 16-17), em i stori long wok bilong oganaisesen bilong God long olgeta hap (p. 30-31). Mekim sotpela soim long olsem wanem wanpela pablisa i yusim dispela buklet long helpim man bilong haus long kisim sampela save moa long ol Witnes Bilong Jehova. Kirapim olgeta long mekim wok long dispela buklet long helpim ol famili i no Witnes long save gut long wok bilong yumi, na stori long ol gobek bilong kirapim tingting bilong ol, na yusim dispela buklet bilong helpim ol Baibel-stadi long kam long oganaisesen.

Singsing 50 na beten.

Wik i Kirap Long Julai 23

Singsing 19

10 min: Ol toksave bilong kongrigesen.

20 min: Tok bilong helpim kongrigesen.

15 min: “Redi Long Painim Ol Yaupas Manmeri Long Teritori Bilong Yu.”b Kamapim stori i stap long Wastaua, Janueri 15, 1995, p. 8.

Singsing 53 na beten.

Wik i Kirap Long Julai 30

Singsing 22

10 min: Ol toksave bilong kongrigesen. Toksave long ol pablisa long putim ripot bilong ol bilong Julai.

20 min: Ol Yangpela​​—⁠Skelim Gut Skul Yupela Bai Kisim. Wanpela elda i toktok wantaim sampela papamama na ol yangpela pikinini long skul ol bai kisim. Elda i go pas na stori long tok bilong Wastaua, Septemba 1, 1999, p. 16-17, par. 11-13, na em i kamapim ol as na ol famili i mas putim wok painia oltaim i stap nambawan long olgeta wok ol i laik mekim. (Wastaua, Disemba 1, 1996, p. 18-19, par. 13-15) Ol i ken skelim gutpela tok i stap long Kirap!, Mas 8, 1998, p. 18-20, i stori long ol i mas skelim ol gutpela samting na ol samting nogut inap kamap taim ol i kisim sampela skul moa. Na ol i stori long ol i ken kisim liklik skul tasol em inap helpim ol long kisim wanpela wok mani bambai ol inap lukautim ol yet, taim ol i wok strong long mekim wok painia. Olgeta i wanbel olsem ol bai larim tok bilong Jisas long putim wok bilong Kingdom i stap olsem namba wan samting i stiaim tingting bilong ol.​—⁠Mt. 6:⁠33.

15 min: Yu Bin Yusim Buklet Pren Bilong God? Long kibung distrik long las yia yumi bin kisim buklet Yu Inap i Stap Pren Bilong God! Dispela buklet i gutpela tul tru bilong helpim ol manmeri long kam klostu long God. Em i gutpela bilong mekim stadi wantaim ol pikinini, ol man em nau tasol ol i kisim save long rit, na ol man tingting bilong ol i no sap na ol i mas mekim stadi i no hatwok. Mekim soim long pasin bilong tilim long taim bilong autim tok na long rot bilong mekim wok long dispela buklet long kirapim Baibel-stadi.

Singsing 57 na beten.

Wik i Kirap Long Ogas 6

Singsing 25

15 min: Ol toksave bilong kongrigesen. Askim ol brata sista long stori long ekspiriens ol i kisim long autim tok long ol man taim ol i go long ol kibung, long taim ol i go malolo, o long taim ol i raun i go lukim wanpela wanblut i no Witnes.

15 min: “I Gat Rong Long Pilai Laki?” Wanpela elda i mekim tok.

15 min: “No Ken Surik Long Autim Tok!”c Sapos i gat taim, kamapim stori i stap long Wastaua, Disemba 15, 1999, p. 25.

Singsing 63 na beten.

[Ol Futnot]