Ol Miting Bilong Wok

Wik i Kirap Long Ogas 13

Singsing 30

13 min: Ol toksave bilong kongrigesen. Sampela Toksave bilong Wok Kingdom. Kirapim olgeta long lukim video The New World Society in Action bilong redi long hap bilong Miting Bilong Wok long wik i kirap long Ogas 27.

17 min: “Yu Laik Mekim Sampela Wok Moa?”a Stori long olsem wanem sampela i bin stretim rot bilong mekim wok painia oltaim. Kamapim sampela tok bilong Wok Kingdom, Ogas 1999, p. 3 na 4.

15 min: “No Ken Strong Tumas Long Painim Amamas.” Wanpela wasman bilong Buk-Stadi i toktok wantaim tupela marit bihain long stadi. Long gutpela pasin em i tok olsem inap sampela taim nau em i no bin lukim ol long autim tok o long ol miting long wiken. Tupela marit i tok olsem malolo na ol narapela samting i bin pasim ol. Elda i kamapim ol bikpela tok bilong dispela stori, na em i helpim tupela marit long save olsem ol i mas putim ol samting bilong spirit i stap namba wan. Ol i tok tenkyu long ol gutpela tok bilong helpim ol. Ol i wanbel long tok olsem bihain ol bai putim ol bikpela samting i stap namba wan.​—⁠Lukim Wastaua, Oktoba 1, 2000, p. 19-20.

Singsing 68 na beten.

Wik i Kirap Long Ogas 20

Singsing 33

8 min: Ol toksave bilong kongrigesen. Ripot bilong ol akaun.

15 min: “Yupela i Stap ‘Long Ai Bilong Olgeta’!”b Kolim sampela gutpela tok ol man long hap bilong yupela i mekim long wok o pasin bilong ol Witnes Bilong Jehova.​—⁠Lukim Wastaua, Mas 15, 1998, p. 10, na Janueri 15, 1999, p. 32.

22 min: “Gutpela Pasin​—⁠Em Wanpela Mak Bilong Lain Bilong God.” Inap 5-pela minit wanpela elda i stori long paragraf 1-5. Bihain em i stori long ol narapela paragraf wantaim narapela elda na kongrigesen sevent antap long pletfom. Ol i stori long olsem wanem ol i ken daunim sampela pasin i no gutpela, em ol dispela pasin inap pasim yumi long putim gut yau na ol miting i no helpim yumi tumas. Ol i kamapim olsem wanem pasin bilong yumi long bung wantaim ol narapela inap strongim tru yumi taim yumi mekim gutpela pasin na tingim gut ol narapela.​—⁠Fl. 2:⁠4.

Singsing 72 na beten.

Wik i Kirap Long Ogas 27

Singsing 40

10 min: Ol toksave bilong kongrigesen. Kirapim ol pablisa long putim ripot bilong Ogas. Kamapim wanpela o tupela pasin bilong tilim buk Stap Oltaim long taim bilong autim tok long Septemba.​—⁠Lukim sampela tok bilong tilim buk i stap long Wok Kingdom, Februeri 1995, p. 4.

10 min: Sampela tok bilong helpim kongrigesen.

25 min: “Stori Bilong Video The New World Society in Action.” Ol askim na bekim, mekim wok long ol askim i stap long p. 4. Long Oktoba bai yumi lukim video United by Divine Teaching.

Singsing 74 na beten.

Wik i Kirap Long Septemba 3

Singsing 80

8 min: Ol toksave bilong kongrigesen.

17 min: “Pasin Bilong Bung Wantaim Ol Kristen i Bikpela Samting Olsem Wanem?”c Kamapim tu ol tok i stap long Wastaua, Janueri 15, 1996, p. 22, aninit long liklik het-tok “Long Rot Bilong Kongrigesen.”

20 min: Sapos Wanpela Man i Tok. Toktok wantaim ol brata sista na mekim ol soim. Long taim bilong autim tok, taim ol man i kamapim wanpela tok o mekim wanpela askim em yumi no bin tingting long en, yumi mas traim long bekim, yumi no ken senisim tok i go long narapela samting o pinisim tok na lusim ol. Buk Toktok Gut i gutpela bilong helpim yumi long kain taim olsem. Kolim sampela tok ol man i save kamapim, na ol pablisa i ken mekim soim long pasin bilong mekim wok long buk Toktok Gut bilong bekim tok. Olsem: ‘Pasto i tok ol Witnes Bilong Jehova i profet giaman.’ (p. 379) ‘Olgeta lotu i gutpela.’ (p. 239) ‘Maski yumi bilong wanem wanem lotu, em i no bikpela samting.’ (p. 239) Kirapim olgeta long yusim buk Toktok Gut taim ol man i mekim ol askim yumi no bin tingting long en taim yumi autim tok.

Singsing 121 na beten.

[Ol Futnot]