Ol Miting Bilong Wok

Wik i Kirap Long Septemba 10

Singsing 86

10 min: Ol toksave bilong kongrigesen. Sampela Toksave bilong Wok Kingdom.

13 min: Sampela tok bilong helpim kongrigesen.

22 min: “Yu Save Mekim Gut Wok Bilong Autim Tok?”a Stori long par. 1-3 wantaim ol brata sista, bihain mekim tupela sotpela soim long pasin bilong tilim ol nius​—⁠wanpela em long Wastaua Septemba 15, na narapela long Kirap! bilong Oktoba-Disemba. Sapos kongrigesen bilong yupela i no bin kisim yet ol dispela nius, orait mekim soim long ol narapela nupela nius. Taim yu skelim pinis paragraf 4, bihainim tok i stap long paragraf na mekim soim, mekim wok long buk Save.

Singsing 124 na beten.

Wik i Kirap Long Septemba 17

Singsing 92

10 min: Ol toksave bilong kongrigesen. Ripot bilong ol akaun.

15 min: Olsem Wanem Long Wok Bilong Yumi Long Yia i Go Pinis? Wasman autim tok i mekim olsem wanpela tok. Stori long ol bikpela samting bilong ripot bilong kongrigesen bilong 2001 sevis yia. Mekim tok amamas long ol gutpela wok olgeta i bin mekim. Stori long hamas man i bin kam long ol miting, hamas i save autim tok long olgeta mun, i gat hamas Baibel-stadi, na stori long ol rot bilong mekim wok i kamap gutpela moa. Putim sampela mak bilong nupela yia em kongrigesen inap winim.

20 min: “Yupela i No Ken Stap Wantaim Ol.” Elda i mekim olsem wanpela tok. Yu ken kisim sampela save long dispela samting long Wastaua, Oktoba 1, 1988, p. 24, Julai 15, 1985, p. 30-31 (tok Inglis), na Februeri 1, 1982, p. 12-23. Helpim ol brata long save olsem yumi no ken bung wantaim ol rauspela man, sapos yumi laik bai Jehova i orait long yumi.

Singsing 129 na beten.

Wik i Kirap Long Septemba 24

Singsing 97

15 min: Ol toksave bilong kongrigesen. Bihainim tok i stap long hap “Ol Tok Yu Ken Mekim Bilong Tilim Ol Nius,” na mekim tupela soim long pasin bilong tilim ol nius. Mekim wok long Wastaua bilong Oktoba 1.

30 min: Laikim Tru God​—⁠Ol Samting Bilong Dispela Graun Nogat. (1 Jo. 2:​15-17) Wanpela tok na kamapim sampela askim bilong kamapim gen sampela tok bilong program bilong kibung sekit bilong sevis yia i go pinis. Kirapim ol pablisa long stori long ol bikpela tok ol i bin kisim save long en, na olsem wanem ol yet o famili bilong ol i bin bihainim ol dispela tok. (Sampela de paslain yu ken makim sampela pablisa long stori long ol hap bilong kibung.) Stori long ol dispela tok: (1) “Pasin Bilong Laikim Tru God i Save Kirapim Yumi Long Mekim Wok Autim Tok.” Kain pasin olsem i helpim yumi long daunim ol tingting em inap pasim yumi long autim tok, olsem pasin bilong sem, yumi ting yumi no inap mekim gut wok, o yumi pret long ol man. (2) “Ol Man i Laikim Tumas Jehova Ol i Nolaik Tru Long Pasin Nogut.” (w99 10/1 28-​31) Bilong yumi ken pas gut wantaim God, yumi mas nolaik tru long ol pasin em i nolaik tru long en​—⁠em ol pasin yumi save ol i nogut tru, na ol liklik rong tu. (3) “Bihainim Pasin Bilong Laikim Tru Ol Narapela, Em Pasin i Nambawan Tru.” (w92 7/15 27-​30) Namba wan Korin 13:​4-8 i kamapim as na yumi no larim ol popaia bilong ol narapela i skrapim bel bilong yumi, yumi sakim pasin bilong tingim yumi yet na resis wantaim ol narapela, yumi no ken tok baksait, na yumi laik stap gut long oganaisesen bilong God. (4) “Ol Samting Bilong Dispela Graun​—⁠Yumi Ting Olsem Wanem Long Ol?” Yumi no ken laikim ol samting bilong graun, bihainim laik bilong skin, o larim pasin bilong aigris i paulim yumi, o hambak long mani kago bilong yumi. (5) “Yumi No Bilong Dispela Graun na Dispela i Lukautim Yumi.” Namba tu Korin 6:​14-17 i soim olsem wanem sampela bilip na pasin inap mekim na God i no orait long yumi. Yumi mas luksave na abrusim ol samting Satan i mekim bilong pundaunim yumi. (6) “Ol Man i Laikim God Ol Bai Kisim Ol Gutpela Samting God i Tok Promis Long En.” (w86-E 6/15 5-6) Jehova i mekim gut long yumi na dispela i mekim na yumi stap amamas na stap gut long ol samting bilong spirit.​—⁠1 Ti. 6:​17-19.

Singsing 133 na beten.

Wik i Kirap Long Oktoba 1

Singsing 106

10 min: Ol toksave bilong kongrigesen. Kirapim ol pablisa long putim ripot bilong wok autim tok bilong Septemba.

15 min: Olsem Wanem Mi Inap Mekim Gutpela Wok Moa Long Skul? Wanpela elda na meri bilong em o kongrigesen sevent na meri bilong em i toktok wantaim pikinini bilong ol i save skul. Ol i tingting planti, long pikinini i no mekim gut wok bilong em long skul. Ol i skelim tok i stap long buk Askim Bilong Ol Yangpela, sapta 18, na ol i toktok long ol samting pikinini i mas mekim bilong wok bilong em i ken kamap gutpela moa. Papamama i kamapim klia olsem em i bikpela samting long kisim gutpela save long ol samting bambai em i ken mekim gut wok bilong God.

20 min: “Em i Save Pasim Yu Long Autim Tok?”b Kamapim klia olsem yumi mas i gat stretpela tingting long wok mani, yumi mas putim ol wok bilong Kingdom i stap namba wan. Kirapim sampela het bilong famili long kongrigesen long stori long olsem wanem ol inap lukautim famili long ol samting bilong skin, na ol i no lus long kisim ol samting bilong spirit.

Singsing 137 na beten.

[Ol Futnot]