Ol Miting Bilong Wok

Wik i Kirap Long Oktoba 8

Singsing 109

10 min: Ol toksave bilong kongrigesen. Sampela Toksave bilong Wok Kingdom. Yupela i mas stretim rot bambai planti inap lukim video United by Divine Teaching bilong redi long hap bilong Miting Bilong Wok long wik i kirap long Oktoba 22. Bihainim tok i stap long p. 1, na mekim tupela sotpela soim long pasin bilong tilim ol nius, mekim wanpela soim long Wastaua, Oktoba 15 na narapela long Awake!, Oktoba 8. Sapos yupela i no gat ol dispela nius, orait bihainim tok i stap long Wok Kingdom bilong Septemba 2001 na mekim tupela soim.

16 min: “Ol Kibung​—⁠Taim Bilong Amamas!” Wanpela elda i mekim tok. Stori long i gat wanem as na lain bilong Jehova i bin mekim ol bikpela bung long taim bilong ol man i bin raitim Baibel, na olsem wanem ol bung inap helpim yumi long nau tu. Long ol dispela bung yumi ken stap wantaim ol brata i save strongim yumi na kisim kaikai bilong spirit. Kamapim klia olsem em i bikpela samting long yumi olgeta i mas i go long kibung distrik long olgeta tripela de.

19 min: “ ‘Bihainim Stret Ol Gutpela Pasin’ Bilong Stretim Ol Samting.”a Stori long sampela bikpela wok ol brata i mas mekim bilong redim kibung. Kamapim klia olsem em i bikpela samting long yumi bihainim tok bilong ol brata i stretim ol samting bilong kibung bilong helpim yumi. Stori long ol samting yumi olgeta i ken mekim bilong soim olsem yumi rispektim ol narapela na yumi no laik kamapim ol hevi.

Singsing 151 na beten.

Wik i Kirap Long Oktoba 15

Singsing 113

8 min: Ol toksave bilong kongrigesen. Ripot bilong ol akaun.

18 min: “ ‘Harim na Kisim Sampela Save Moa.’ ” Wanpela tok na kamapim sampela askim. Stori long olsem wanem ol tok yumi kisim long ol kibung em kaikai bilong spirit yumi mas kisim. Stori long bikpela hatwok na hap taim ol brata i mas lusim bilong kamapim kain program olsem. Kirapim ol brata sista long stori long ol yet i ken mekim wanem bilong kibung inap helpim ol na ol narapela. Kamapim klia i gat wanem as na yumi olgeta i mas sindaun long sia bilong yumi taim program i kirap.

19 min: “Mekim Gutpela Pasin na Ol Man Bai Litimapim Nem Bilong Yu!”b Stori long as na yumi pulim tingting bilong planti man taim yumi go long ol bikpela kibung. Taim ol man i mekim gutpela tok long yumi, dispela i helpim wok bilong autim tok bilong Kingdom, tasol ol tok ol i mekim bilong skelim skelim yumi inap mekim na ol man i no laik harim. Stori long ol samting yumi mas mekim bilong kamapim klia olsem yumi bihainim ol pasin Kristen na tingim tru ol narapela.

Singsing 156 na beten.

Wik i Kirap Long Oktoba 22

Singsing 120

7 min: Ol toksave bilong kongrigesen. Bihainim tok i stap long p. 1, na mekim sotpela soim long pasin bilong tilim Awake! Oktoba 22. Yupela i ken bihainim tok i stap long Wok Kingdom bilong Septemba 2001, sapos yupela i no gat dispela nius.

15 min: Askim 1. Mekim olsem wanpela tok. Kolim sediul bilong kongrigesen bilong mekim ol bung bilong wok autim tok. Stori long ol samting olgeta i ken mekim bilong helpim tok bilong ol dispela bung i kamap gutpela. Strongim kongrigesen long sapotim ol dispela bung.

23 min: “Video United by Divine Teaching​​—⁠i Skelim Pasin Bilong Ol Brata Long Stap Wanbel Tru.” Ol askim na bekim. Stori long namba wan paragraf bilong kirapim tok, na laspela paragraf bilong pinisim tok. Bilong kirapim ol brata long stori gut long video, mekim olgeta askim dispela hap i kamapim. Sapos sampela long kongrigesen i bin go long ol kibung long narapela kantri, askim ol long kamapim tingting bilong ol taim ol i lukim olsem insait long oganaisesen bilong yumi i gat ol man bilong olgeta hap na ol i stap wanbel wantaim. Sapos nogat, askim sampela long stori long ol gutpela ekspiriens i stap long Yearbook bilong 1994, p. 7-9, na Yearbook bilong 1995, p. 8-11, sapos yupela inap mekim olsem. Long Disemba bai yumi stori long video To the Ends of the Earth.

Singsing 47 na beten.

Wik i Kirap Long Oktoba 29

Singsing 164

12 min: Ol toksave bilong kongrigesen. Kirapim olgeta long putim ripot bilong wok autim tok bilong Oktoba. Samting bilong tilim long Novemba em buklet Yumi Mas Mekim Wanem? o buk Save. Mekim dispela sotpela soim: “Nau long dispela taim bilong hevi bilong mani, planti ol i hatwok long kisim inap mani bilong lukautim ol yet. Yu ting ol gavman bilong man inap stretim dispela hevi na olgeta man i ken stap gut na i no sampela tasol? [Larim man i bekim tok.] Dispela tok promis bilong Baibel i bin strongim mi tru.” Ritim Song 72:​12-14. Tilim buklet Yumi Mas Mekim Wanem? o buk Save, na kamapim sampela tok bilong buk o buklet i stret long samting yu stori long en.

15 min: Askim 2. Ol askim na bekim. Brata i save mekim gut tok i mekim dispela hap.

18 min: “Pasin Bilong Yu Long Kisim Kaikai Bilong Spirit i Gutpela o Nogat?”c Kirapim ol brata sista long kamapim sampela tok bilong Wastaua, Epril 15, 1997, p. 28-31, na stori long bilong wanem na olsem wanem yumi mas taitim bun bilong wok yet long kisim gutpela kaikai bilong spirit.

Singsing 181 na beten.

Wik i Kirap Long Novemba 5

Singsing 167

7 min: Ol toksave bilong kongrigesen.

18 min: “Yumi Laik Kamapim Wanem Samting?”d Kamapim klia olsem em i bikpela samting long helpim sumatin long save olsem pasin bilong go long ol miting bai helpim em tru. Mekim wanpela soim ol i bin redim gut long pasin bilong helpim sumatin, bihainim tok i stap long buk Save, sapta 17, par. 6-8.

20 min: Famili i Redim Ol Miting. Papa i toktok wantaim famili long olgeta i ken mekim wanem bilong insait long ol miting. Ol i bihainim tok i stap long Wastaua, Julai 1, 1999, p. 19-20, par. 9, na ol i redim sampela tok ol i ken bekim long Stadi Wastaua bilong dispela wik. (1) Olgeta wan wan bilong famili i makim wanpela o tupela askim ol i laik bekim. (2) Taim ol i skelim pinis ol dispela paragraf, ol i kamapim bekim long tok bilong ol yet. (3) Ol i makim ol bikpela skripsa, toktok long olsem wanem tok bilong en i stret wantaim tok bilong stadi, na ol i skelim tok ol bai mekim bilong ol skripsa i ken strongim tok bilong stadi. Olgeta i gat laik long insait long miting.

Singsing 186 na beten.

[Ol Futnot]