Ol Toksave

◼ Samting bilong tilim long Disemba: Buk Nambawan Man Tru i Winim Olgeta Narapela Man o Yu Inap i Stap Oltaim Long Paradais Long Graun. Janueri: Buk Yu Inap i Stap Oltaim Long Paradais Long Graun. Februeri: Buk Kamapim Tok Hait​—⁠Bikpela Samting Bilong En i Laik Kamap! Mas: Buk Save i Bringim Man Long Laip Oltaim. Wok strong long kirapim ol Baibel-stadi.

◼ Ol kongrigesen i mas kirap nau long putim oda bilong kisim ol volium bilong Watchtower na Awake! (long tok Inglis tasol) bilong yia 2001 wantaim oda bilong litresa bilong Disemba. Inap long taim ol volium i redi na mipela i salim i kam, mipela bai raitim long pepa Packing List olsem “Mipela bai salim bihain.” Ol volium em ol spesel rikewes aitem.

◼ Ol pepa bilong singautim ol man i kam long Memorial bilong yia 2002 long tok ples bilong kongrigesen bai kam wantaim ol pepa bilong kongrigesen em Sosaiti i save salim long olgeta yia. Sapos ol man long teritori bilong yupela i mekim ol narapela tok ples na yupela i laik kisim sampela pepa long ol dispela tok ples, orait yupela i mas putim oda kwik long pepa Literature Request Form (S-14-E Pp).

◼ Memorial bilong yia 2003 bai kamap long Trinde, Epril 16, taim san i go daun pinis. Mipela i mekim dispela toksave hariap bambai ol brata inap putim nem o wokim kontrak wantaim ol bos bilong ol narapela haus samting sapos ol i mas painim narapela ples bilong mekim Memorial. Ol elda i mas stretim tok wantaim ol bos bilong dispela ples​—⁠nogut ol narapela samting i kamap long dispela ples na ol pairap samting i pulim tingting bilong yumi long taim bilong Memorial na yumi no inap mekim Memorial long gutpela pasin isi. Memorial em i bikpela samting, olsem na taim ol elda i makim brata bilong mekim tok, ol i mas makim wanpela brata em inap tru long mekim dispela tok​—⁠ol i no ken senis senis long mekim tok o makim wanpela brata tasol long mekim tok long olgeta yia. Wanpela elda i mas mekim dispela tok, tasol sapos i no gat wanpela elda orait wanpela brata i save gut long mekim tok i ken mekim.

◼ Yupela i mas stretim ol samting bambai yia-teks bilong 2002 i stap pinis long olgeta Haus Kingdom long Janueri 1, 2002. Yia-teks i tok: “Kam long mi na bai mi givim malolo long yupela.”​—⁠Matyu 11:⁠28.

◼ Ol Buk Yu Inap Kisim Gen:

Lo Bilong Yumi Bilong Mekim Wok Autim Tok​—⁠Tok Inglis

◼ Ol Kaset Yu Inap Kisim Gen:

Proverbs, Ecclesiastes, The Song of Solomon​—⁠Tok Inglis

◼ Ol Buk Yu No Inap Kisim Moa:

1986, 1989, & 1990 Yearbook of Jehovah’s Witnesses​—⁠Tok Inglis