Ol Miting Bilong Wok

Wik i Kirap Long Janueri 14

Singsing 3

10 min: Ol toksave bilong kongrigesen. Sampela Toksave bilong Wok Kingdom. Toktok long blok “No Ken Surik.”

25 min: Ol Gutpela Samting Bilong Helpim Yumi. Wanpela elda i save mekim gut ol tok i mekim dispela tok, em i toktok long ol samting ol i wokim bilong helpim yumi long skelim gut ol samting yumi mas mekim taim yumi sik. Ol dispela samting i helpim yumi em kat Medical Directive na Identity Card na “Askim” i stap long Wastaua, Jun 15, 2000 na Oktoba 15, 2000. Kongrigesen i mas i gat ol kat Advance Medical Directive/Release inap long ol brata i ken kisim. Ol pablisa i baptais pinis i ken kisim dispela kat bihain long dispela miting. Sapos inap, ol brata sista i ken sainim nem na raitim det samting long kat bihain long miting, na wasman bilong Buk-Stadi i ken helpim ol sapos ol i laik kisim helpim. Ol wasman bilong Buk-Stadi i mas stretim ol samting na bai olgeta long grup bilong ol i raitim kat Advance Medical Directive/​Release bihain long miting o long neks Buk-Stadi Bilong Kongrigesen. Ol brata i sainim nem olsem witnes i mas lukim brata o sista i sainim nem bilong em long kat. Bihain long dispela miting, ol papamama i baptais pinis i ken kisim Identity Card bilong ol pikinini. (HARIM: Mipela i tanim tok bilong dispela tupela kat na dispela tok i stap long pes 3-4 bilong dispela Wok Kingdom, ol dispela kat i olsem soim tasol.) Ol pablisa i no baptais yet, ol i ken kisim sampela tok i stap long ol dispela kat na i stret long sindaun na bilip bilong ol yet, na wokim kat bilong ol na bilong pikinini bilong ol. Kamapim klia olsem em i savepasin long skelim gut pastaim ol samting yumi laik mekim taim yumi sik, na i stret wantaim maus bilong bel em Baibel i skulim pinis. (Snd. 27:12; 14:15) Em i bikpela samting long toktok gut pastaim wantaim ol dokta samting long ol wok bilong dokta na marasin samting yumi ken orait long en. Yumi mas stadi gut na bai yumi inap bihainim gutpela tingting long ol samting yumi mekim. Ritim sampela paragraf bilong Wastaua mipela i kolim antap na i stret long ol dispela tok. Ol elda i amamas long helpim yumi, tasol ol i no inap tokim yumi long ol samting yumi mas mekim.

10 min: “Ol Tok Yu Ken Mekim Bilong Tilim Ol Nius.” Mekim ol soim long pasin bilong tilim Wastaua na Kirap! olsem i stap long pes 3. Yupela i ken bihainim tu ol tok i stap long Wok Kingdom bilong las mun, sapos yupela i no kisim yet ol nius bilong Janueri. Kirapim olgeta pablisa long autim tok long De Magasin, em olgeta Sarere.

Singsing 55 na beten.

Wik i Kirap Long Janueri 21

Singsing 104

8 min: Ol toksave bilong kongrigesen. Ripot bilong ol akaun.

15 min: Yu Save Skelim Sampela Tok Bilong Baibel Long Olgeta De? Famili i toktok wantaim. Ol i skelim Wastaua Disemba 15, 1996, p. 18, par. 13-14 bambai pasin bilong skelim teks bilong de i ken helpim ol moa yet. Stori liklik long tupela o tripela teks bilong de i no longtaim i go pinis yumi bin skelim, na olsem wanem ol tok bilong ol i bin helpim ol tru. Kamapim klia olsem pasin bilong skelim teks bilong de i mas i stap olsem wanpela hap bilong famili-stadi na em i bilong helpim ol long mekim ol wok bilong spirit.

22 min: “Stadi long Tok Profet Bilong Daniel.”a Stori liklik long olsem wanem pasin bilong stadi long Buk Daniel i ken helpim tru yumi. (Lukim sapta 1, par. 15-17, long buk Tok Profet Bilong Daniel.) Strongim olgeta long go oltaim long Buk-Stadi bilong kongrigesen.

Singsing 168 na beten.

Wik i Kirap Long Janueri 28

Singsing 196

7 min: Ol toksave bilong kongrigesen. Kirapim ol pablisa long putim ripot bilong wok autim tok bilong Janueri. Stori long samting bilong tilim long Februeri, strongim ol pablisa long givim bel long autim tok.

23 min: “Ol Papamama​—⁠Skulim Ol Pikinini Taim Ol i Liklik Yet.”b Kamapim sampela tok bilong Wastaua, Epril 15, 1998, p. 32. Kirapim ol papamama long stori long ol gutpela samting i bin kamap taim ol i kirap skulim pikinini bilong ol long ol samting bilong spirit taim ol i liklik yet.

15 min: Sampela tok bilong helpim kongrigesen. O kirapim ol pablisa long stori long ol ekspiriens ol i bin kisim taim ol i yusim buk Toktok Gut, na tilim ol buklet i bekim askim bilong ol man, o kamapim sampela tok bilong Baibel long buklet Taim Wanpela Long Famili i Dai bilong mekim gut bel bilong man. Yupela i ken mekim soim long tupela ekspiriens.

Singsing 202 na beten.

Wik i Kirap Long Februeri 4

Singsing 212

6 min: Ol toksave bilong kongrigesen.

17 min: “Olsem Wanem Bai Ol i Harim?”c Askim ol brata sista long stori long olsem wanem yumi ken bihainim ol skripsa dispela tok i kamapim. Kamapim ol askim i stap long Wastaua, Ogas 15, 1998, p. 20, par. 17-18.

22 min: “Ol Tok Yu Ken Mekim Long Taim Bilong Autim Tok.” Wasman autim tok i kamapim sampela askim. Dispela pepa yumi kisim wantaim Wok Kingdom i gat ol tok i bin kamap long ol Wok Kingdom long bipo, na i gat sampela nupela tok tu. Hap i no gat rait long en i bilong ol brata sista i ken raitim sampela narapela tok bai kamap bihain long Wok Kingdom na i wok gut long teritori bilong ol. Askim ol brata sista long wanem ol tok ol i laikim na bilong wanem ol i laikim. Mekim soim long wanpela o tupela tok yupela inap bihainim bilong tilim samting bilong Februeri. Strongim olgeta pablisa long holim dispela pepa na long skelim planti taim tok bilong en taim ol i redi long autim tok.

Singsing 224 na beten.

[Ol Futnot]