Ol Miting Bilong Wok

Wik i Kirap Long Februeri 11

Singsing 6

10 min: Ol toksave bilong kongrigesen. Sampela Toksave bilong Wok Kingdom. Kirapim olgeta long ritim o lukim Stat 6:1 i go inap 9:19 na lukim video Noah​​—⁠He Walked With God bilong redi long hap bilong Miting Bilong Wok long wik i kirap long Februeri 25. Yupela i ken stretim rot olsem bipo yupela i bin mekim bilong ol brata i ken lukim dispela video.

35 min: “Yu Bihainim Ol Tok Yu Lainim Long ‘Ol Tisa Bilong Tok Bilong God’ Kibung Distrik?” Brata bilong lukautim Stadi Wastaua bai toktok wantaim ol brata sista long program bilong kibung. Kirap bilong tok em wanpela minit, na bihain skelim program bilong wan wan de inap 10-12 minit. Mekim sotpela tok bilong kamapim ol bikpela tok i stap aninit long olgeta wan wan het-tok, na kirapim odiens long stori long (1) olsem wanem ol i bin traim long bihainim ol dispela tok, (2) olsem wanem dispela i bin helpim ol, na (3) ol i ting ol i mas mekim wanem samting moa. Mekim ol askim i kirapim ol brata long kamapim tingting bilong ol. Helpim olgeta long save olsem ol i mas bihainim ol tok ol i bin lainim.

Singsing 49 na beten.

Wik i Kirap Long Februeri 18

Singsing 95

8 min: Ol toksave bilong kongrigesen. Ripot bilong ol akaun.

24 min: “Autim Tru Olgeta Tok Bilong God.”a (Par. 1-​13) Wasman siaman bai mekim dispela hap. Toktok gut wantaim ol brata sista long ol samting yumi laik mekim long mun Mas na bihain long en. Olgeta i mas yusim kalenda i stap long pepa yumi kisim wantaim Wok Kingdom na wokim wanpela gutpela sediul bilong ol i ken mekim bikpela wok bilong autim tok long Mas. Strongim olgeta em ol inap long mekim wok painia haptaim long dispela mun long mekim olsem. Taim yupela i toktok long par. 7-8, askim ol brata sista em ol i bin mekim wok painia long las yia, long stori long ol gutpela samting ol i bin kisim. Toksave olsem bihain long dispela miting ol brata inap kisim ol aplikesen bilong mekim wok painia haptaim.

13 min: “Ol Tok Yu Ken Mekim Bilong Tilim Ol Nius.” Askim ol pablisa long olsem wanem dispela hap bilong Wok Kingdom Bilong Yumi i bin helpim ol long redi gut moa long kamapim ol tok bilong nius i stret wantaim ol hevi bilong dispela taim nogut. Sampela i bin kisim wanem ol ekspiriens taim ol i mekim gut bel bilong ol man, na helpim ol long painim ol gutpela bekim long Baibel long ol askim ol i tingting planti long en? Mekim tupela sotpela soim long pasin bilong tilim Wastaua na Kirap!

Singsing 143 na beten.

Wik i Kirap Long Februeri 25

Singsing 174

5 min: Ol toksave bilong kongrigesen. Kirapim ol pablisa long putim ripot bilong wok autim tok bilong Februeri.

25 min: “Autim Tru Olgeta Tok Bilong God.”b (Par. 14-​23) Wasman autim tok i mekim dispela hap. Kolim ol samting yupela i tingting long mekim bilong mekim bikpela wok moa long mun Mas. Stori long sediul bilong olgeta bung bilong wok autim tok long mun Mas. Wok strong long helpim ol brata i bin lusim wok autim tok long kirap mekim wok gen, na helpim ol pikinini na Baibel-stadi long winim mak bilong kamap pablisa i no baptais. Kolim nem bilong ol brata i bin putim aplikesen bilong mekim wok painia haptaim long Mas, na kirapim ol narapela long beten na skelim i stap bilong ol na bai ol tu i ken mekim wok painia.

15 min: “Video Noah​​—⁠He Walked With God Inap Skulim Olgeta Man.” Kirap stret long toktok wantaim ol brata sista long video Noah​​—⁠He Walked With God, mekim tasol ol askim i stap long blok long pes 7. Long Epril bai yumi skelim video Young People Ask​​—⁠How Can I Make Real Friends?

Singsing 215 na beten.

Wik i Kirap Long Mas 4

Singsing 207

5 min: Ol toksave bilong kongrigesen.

12 min: “Nupela Program Bilong Kibung Sekit.” Wanpela tok. Sapos yupela i save pinis long det, toksave long det bilong nupela kibung sekit. Olgeta i mas wok strong long singautim ol Baibel-stadi i kam long kibung. Strongim ol pablisa i no baptais long tingting long kisim baptais long kibung bilong makim olsem ol i dediket pinis long Jehova. Kirapim olgeta long kam long olgeta hap bilong program bilong tupela de.

12 min: Mekim Wok Long Buk Save Bilong Kirapim Ol Baibel-Stadi. Long mun Mas yumi laik wok strong long kirapim ol Baibel-stadi. Stori liklik long ekspiriens i stap long Wok Kingdom Bilong Yumi bilong Ogas 1998, p. 4, par. 8. Sapos nau tasol wanpela pablisa i bin kirapim stadi long buk Save, mekim soim long pasin em i bin mekim bilong kirapim dispela stadi. Kirapim olgeta long tingim hap “Ol Tok Yu Ken Mekim Bilong Tilim Buk Save,” i stap long pepa yumi kisim wantaim Wok Kingdom Bilong Yumi bilong Janueri 2002. Mekim wok long buk Save na bihainim wanpela tok i stap long p. 6 bilong dispela pepa aninit long het-tok “Tokaut Stret,” na mekim soim.

16 min: “Bilong Wanem Yumi Wok Yet Long Autim Tok?”c Long pinis bilong tok, toktok wantaim wanpela o tupela pablisa i bin autim tok inap planti yia pinis. Ol i ken kamapim tingting bilong ol long i gat wanem as na ol i bin stap gut long dispela wok na olsem wanem dispela i bin helpim ol.

Singsing 223 na beten.

[Ol Futnot]