Video Noah—He Walked With God Inap Skulim Olgeta Man
Ritim o lukim Stat 6:1 i go inap 9:19. Bihain lukim video Noah—He Walked With God, na tingim olsem wanem yu bai bekim ol dispela askim: (1) Long taim bilong Noa, ol manmeri i mekim wanem kain pasin? Wanem samting i mekim na ol i kirap bihainim dispela kain pasin? (2) Wanem samting i mekim na Noa i narapela kain man? God i givim wanem wok long em, na bilong wanem em i givim dispela wok long em? (3) Ating ol i wokim we dispela sip? Ol i lusim hamas yia bilong wokim sip? Na sip i bikpela olsem wanem? (4) Noa na famili bilong em i wokim sip, na ol i mas mekim wanem narapela wok? (5) Yu ting ol i stap olsem wanem insait long sip taim dua i pas pinis? (6) Yu bai pilim olsem wanem sapos yu bin abrusim bagarap long Bikpela Tait? (7) Sampela taim yumi save lukim wanem samting na dispela i kirapim yumi long tingim Bikpela Tait? Em i makim wanem samting? (8) Stori bilong Noa long Baibel i lainim yu long wanem samting long yu yet, famili bilong yu, na wok God i bin givim yumi bilong mekim? (9) Yu laik mekim wanem ol askim long Noa na famili bilong em taim yu bungim ol long Paradais? (10) Nau yu tingting long mekim wanem wok long video Noah—He Walked With God?