Ol Toksave

◼ Samting bilong tilim long Mas: Buk Save i Bringim Man Long Laip Oltaim. Wok strong long kirapim ol Baibel-stadi. Epril na Me: Tilim nius Wastaua na Kirap! Ol pablisa i mas toksave long ol man bilong haus olsem ol i ken givim kontribiusen bilong helpim wok long olgeta hap sapos ol i laik mekim olsem. Sapos man i laik kisim sampela save moa, tilim buklet Yumi Mas Mekim Wanem?, na wok strong long kirapim Baibel-stadi. Jun: Tilim buklet God i Laik Yumi Mas Mekim Wanem? o buk Save i Bringim Man Long Laip Oltaim. Sapos ol man bilong haus i holim pinis ol dispela nius, orait tilim narapela buklet em kongrigesen i gat.

◼ Ol pablisa i laik mekim wok painia haptaim long Epril ol i mas stretim ol samting bilong ol long nau na putim hariap aplikesen bilong ol. Dispela bai helpim ol elda long stretim gut ol bung bilong autim tok na ol magasin na ol buk bambai ol brata i no ken sot long en. Long olgeta wan wan mun i mas i gat toksave long kongrigesen long nem bilong ol pablisa ol i mekim wok painia haptaim.

◼ Memorial bai kamap long Fonde, Mas 28, 2002. Sapos kongrigesen bilong yupela i save mekim miting long Fonde tasol yupela inap yusim Haus Kingdom long narapela de, orait yupela i ken senisim miting i go long narapela de bilong wik. Sapos yupela i no inap mekim olsem na i no gat rot long mekim Miting Bilong Wok, orait yupela i ken bungim ol hap bilong dispela miting i gutpela long kongrigesen bilong yupela wantaim narapela Miting Bilong Wok.

◼ Paslain long yupela i go raun lukim wanpela brens-ofis bilong Sosaiti, yupela i mas lukim gen ol tok bilong Askim long Wok Kingdom bilong Mas 1998. Em i stori long wanem kain klos na bilas yumi mas pasim taim yumi go raun lukim Haus Betel.

◼ Wastaua long tok Hiri Motu i save kamap tupela taim long mun, tasol nau bai i senis na kirap long Me 1, 2002, em bai kamap wanpela taim tasol long mun.