Ol Miting Bilong Wok

Wik i Kirap Long Epril 8

Singsing 39

13 min: Ol toksave bilong kongrigesen. Sampela Toksave bilong Wok Kingdom. Stretim rot bilong olgeta i ken lukim video Young People Ask​​—⁠How Can I Make Real Friends? bilong redi long hap bilong Miting Bilong Wok long wik i kirap long Epril 22. Bihainim ol tok i stap long p. 8, na mekim tupela soim long pasin bilong tilim nius Wastaua na Kirap! Long dispela tupela soim, kamapim narapela narapela pasin bilong bekim tok long man i tok “Mi gat lotu.”​​—⁠Lukim buk Toktok Gut, p. 18-​19.

12 min: Stori long pas ol i bin salim long olgeta kongrigesen, SD Februeri 1, 2002, em tok long “Tingting Bilong Ol Kristen Long Eleksen.” Stori tu long mining bilong dispela tok, “Ol i No Insait” long p. 291 bilong buk Toktok Gut.

20 min: “ ‘Mekim Gutpela Pasin’ Long Olgeta Man.”a Taim yu kamapim pinis ol askim na bekim, mekim inteviu wantaim wanpela o tupela pablisa na ol i ken stori long olsem wanem ol i mekim bikpela wok moa bilong autim tok.

Singsing 157 na beten.

Wik i Kirap Long Epril 15

Singsing 101

10 min: Ol toksave bilong kongrigesen. Ripot bilong ol akaun.

15 min: Ol Painia i Wok Yet Long Helpim Ol Narapela. Wasman autim tok i toktok wantaim wanpela wasman bilong Buk-Stadi, wanpela painia, na wanpela pablisa. Wasman autim tok i kamapim sampela tok bilong program Ol Painia i Helpim Ol Narapela, olsem i stap long Wok Kingdom bilong Septemba 1998, p. 4. Bihain em i toktok wantaim​—⁠wasman bilong Buk-Stadi, painia, na pablisa⁠—long wok ol i mekim long dispela program na wanem ol samting wok i bin kamapim. Ol i bin mekim wanem na wok bilong ol i bin kamapim gutpela samting? Wasman autim tok i askim olgeta pablisa long toksave long em sapos ol i laik kisim helpim bilong mekim wok autim tok. Ol pablisa i bin kisim helpim long bipo, ol i ken insait gen long dispela program bilong kisim helpim bilong mekim sampela narapela hap wok bilong wok autim tok.

20 min: “Ol Amamas Bilong Fultaim Sevis.”b Strongim ol yangpela i dediket pinis long putim aplikesen bilong mekim wok painia haptaim sampela taim long yia, olsem long taim bilong skul holide samting. Ol narapela yangpela i mas mekim ol samting bilong winim ol mak bilong kisim baptais na bai ol inap insait long wok painia.

Singsing 199 na beten.

Wik i Kirap Long Epril 22

Singsing 90

7 min: Ol toksave bilong kongrigesen.

15 min: Kam Long Taim Stret! Wanpela tok. Ol wok samting bilong lotu bilong yumi i bikpela samting, na i mas i gat “taim” stret bilong mekim. (Sav. 3:⁠1) Yumi laik bai ol samting yumi mekim bilong lotuim God i helpim gut yumi. Ol miting bilong kongrigesen na ol miting bilong wok autim tok i mas kirap long taim stret ol i makim. Jehova i no save leit long mekim ol wok bilong em. (Hab. 2:⁠3) Olsem wanem? Yumi mas wok long kamap gutpela moa long dispela samting? Tru, sampela taim yumi no inap abrusim ol samting i pasim yumi na yumi kam leit. Tasol sapos yumi stretim gut ol wok bilong yumi, bai yumi no kam leit long olgeta taim, olsem bihain long singsing na beten bilong kirapim miting o taim ol i stretim pinis ol samting bilong mekim wok autim tok. Toktok long ol samting yumi ken mekim na bai yumi kisim pasin bilong kam long taim stret bilong mekim ol wok bilong spirit.​​—⁠Lukim Watchtower bilong Jun 15, 1990, p. 29.

23 min: “Ol i Amamas Tru Long En!”c Long par. 1, askim ol brata sista long kamapim sampela tingting bilong ol long video Young People Ask​​—⁠How Can I Make Real Friends? Bihain toktok wantaim ol brata sista long olgeta wan wan askim long par. 2-7. Long Jun bai yumi lukim video Our Whole Association of Brothers.

Singsing 191 na beten.

Wik i Kirap Long Epril 29

Singsing 162

7 min: Ol toksave bilong kongrigesen. Kirapim olgeta pablisa long putim ripot bilong wok autim tok bilong Epril.

15 min: “Wok Bilong Autim Tok Bilong Kingdom i Helpim Ol Man Long Abrusim Bagarap!”d Askim ol brata sista long stori long olsem wanem ol skripsa i stret long dispela tok.

23 min: Mekim wok long buk Toktok Gut bilong kisim save long sampela tok. Toktok wantaim ol brata sista na kamapim ol askim. Planti man em yumi bungim long wok autim tok ol i save kamapim ol askim i no stap aninit long het-tok “Ol Bikpela Tok” (p. 5-6) long buk Toktok Gut. “Indeks” (p. 438-​445) i gutpela samting bilong helpim yumi long painim ol skripsa i kamapim as bilong ol bilip bilong yumi. Askim ol brata sista long painim ol bekim, tokim ol long painim long indeks ol tok mipela i raitim hia long rait italik bilong bekim ol dispela askim: Wanem tingting bilong Kristen long singsing bilong kantri na plak? Bilong wanem God i larim ol bagarap i kamap? Yu inap stori long tingting bilong Baibel long pasin bilong katim marit? Bilong wanem na long wanem taim ol sista i mas karamapim het? Wanem as bilong bikpela de bilong tingim ol mama? Olsem wanem yumi save olsem lain 144,000 i wanpela namba tru long Baibel? Tok piksa bilong maniman na Lasarus i makim wanem samting? Kirapim olgeta long yusim buk Toktok Gut long wok autim tok.

Singsing 28 na beten.

Wik i Kirap Long Me 6

Singsing 141

10 min: Ol toksave bilong kongrigesen. Stori long “Kisim Yet Ol Gutpela Samting Long Wastaua na Kirap!”

10 min: “Luksave Long Stiatok​—⁠Em Pasin Bilong Man i Bikpela Pinis.” Wanpela elda i save gut tru long mekim wok tisa i mekim dispela tok em i kisim long Wastaua bilong Mas 1, 2002, p. 30.

25 min: “Ol Famili i Stap Strong Long Ol Samting Bilong Spirit​​—⁠Long Wanem Rot?”e Taim yu mekim pinis dispela hap, kamapim sampela gutpela ekspiriens long Wastaua bilong Februeri 15, 1999, p. 10-​12.

Singsing 17 na beten.

[Ol Futnot]