Ol Miting Bilong Wok

Wik i Kirap Long Me 13

Singsing 37

15 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long p. 4, na mekim tupela narapela narapela soim long pasin bilong tilim Wastaua na Awake! Yupela i ken mekim tupela soim long ol tok i stap long Wok Kingdom bilong Epril 2002 sapos yupela i mas mekim olsem. Long wan wan soim, kamapim klia narapela narapela pasin bilong autim tok long man i laik katim tok na em i tok, “Mi gat wok.”​​—⁠Lukim buk Toktok Gut, p. 19-​20.

15 min: Ol i Amamas Long Go Long Ol Miting. Kisim dispela tok long Wastaua, Mas 1, 1998, p. 17. Ritim ol paragraf na toktok wantaim ol brata sista na kamapim ol askim. Kolim sampela samting i save kamap long hap bilong yupela na i mekim na sampela brata sista i hatwok long kam long ol miting. Tok amamas long ol brata sista long hatwok ol i save mekim bilong i kam oltaim long miting bilong kongrigesen, maski ol hevi i save painim ol.

15 min: Sampela tok bilong helpim kongrigesen. O wanpela elda i mekim tok “Yu Inap Abrusim Hat-Atek Bilong Spirit.” Em i kisim tok long Wastaua, Disemba 1, 2001, p. 9-13.

Singsing 115 na beten.

Wik i Kirap Long Me 20

Singsing 13

9 min: Ol toksave bilong kongrigesen. Olgeta i mas bringim pepa yumi kisim wantaim Wok Kingdom bilong Janueri 2002 i kam long miting bilong wik antap. Ripot bilong ol akaun.

18 min: Stori long Askim. Kuskus i toktok wantaim wanpela wasman bilong Buk-Stadi. Na tu, kamapim klia olsem em i bikpela samting long olgeta pablisa i mas raitim ol samting bilong wok autim tok long olgeta wik, na putim kwik ripot long pinis bilong mun. Yusim buk Lo p. 108-109 bilong kamapim as na yumi mas raitim ripot long wok yumi mekim. Toktok long nupela pasin ol i bin tokaut long en long Skul Bilong Wok Kingdom em skul bilong ol elda na ol kongrigesen sevent. Olsem: Nau wasman bilong Buk-Stadi bai bungim ol ripot pepa bilong wok autim tok bilong ol pablisa na painia long grup bilong em. Em na brata i helpim em ol i gat wok long tokim olgeta pablisa long grup bilong ol long givim ripot long ol na ol bai givim ol dispela ripot long kuskus na bai em i ken bungim na stretim ol ripot paslain long namba 6 de bilong mun. Ol pablisa i ken putim yet ol ripot bilong ol long bokis i stap long Haus Kingdom sapos ol i laik mekim olsem. Sapos i gat taim i stap yet, mekim wok long blakbot bilong soim pasin bilong raitim stret ol tok long fom Ripot Bilong Wok Autim Tok na Ripot Bilong Stadi.

18 min: Yu Save Bihainim Tingting Bilong God Long Ol Samting Bilong Dring? Wanpela elda i kisim ol tok long Wastaua, Disemba 15, 1996, p. 25-29 na em i mekim olsem wanpela tok. Em i mas lusim bikpela hap taim long kamapim ol bikpela tok long p. 27-29.

Singsing 169 na beten.

Wik i Kirap Long Me 27

Singsing 208

7 min: Ol toksave bilong kongrigesen. Olgeta i mas bringim buk Toktok Gut i kam long Miting Bilong Wok long wik antap. Kirapim ol pablisa long putim ripot bilong wok autim tok bilong Me.

18 min: “Kongrigesen Bilong Yupela i Gat Bikpela Teritori?” Wasman autim tok i mekim tok na kamapim sampela askim. Kamapim klia hamas teritori kongrigesen i gat na hamas teritori yupela i bin autim tok long en long yia i go pinis. Stori long olsem wanem yupela inap bihainim ol tok bilong Wok Kingdom long hap bilong yupela. Stori long ol rot kongrigesen i stretim bilong autim tok long ol longwe teritori long Julai 2002. Sapos ren samting i mekim na sampela kongrigesen o grup i no inap autim tok long ol longwe teritori long Julai, orait ol i mas mekim bihain long tupela o tripela mun samting.

20 min: “Yu Save Yusim Buklet Yumi Mas Mekim Wanem? Bilong Kirapim Ol Baibel-Stadi?” (Long dispela tok, olgeta i mas holim pepa yumi kisim wantaim Wok Kingdom bilong Janueri 2002.) Bilong kirapim tok, wanpela pablisa i redi gut i mekim soim long pasin bilong kirapim stadi long rot bilong bihainim ol tok i stap long par. 3. Bihain, kamapim ol bikpela tok bilong dispela buklet, na stori gut long olsem wanem em i gutpela bilong kirapim ol stadi. Kamapim klia olsem wanem pasin bilong skelim gen ol tok i stap long pepa yumi kisim wantaim Wok Kingdom bilong Janueri 2002 bai helpim tru yumi. Askim ol brata sista long stori long wanem ol tok i bin helpim gut ol. Bilong pinisim tok, mekim gen soim yupela i bin mekim long kirap bilong tok.

Singsing 93 na beten.

Wik i Kirap Long Jun 3

Singsing 178

13 min: Ol toksave bilong kongrigesen. Askim sampela pablisa long stori long ol ekspiriens ol i bin kisim taim ol i mekim wok painia haptaim o painia oltaim long mun Mas, Epril, o Me.

17 min: “Wanem Samting Inap Helpim Marit Long Kamap Gutpela?” Stori long 8-pela rot ol i kamapim long p. 261-262 long buk Toktok Gut. Ritim wanpela o tupela skripsa na stori long olsem wanem ol brata sista inap bihainim ol dispela tok, na kamapim ol bikpela tok bilong ol narapela skripsa tu.

15 min: “Bilip i Kirapim Yumi Long Mekim Ol Gutpela Wok.”a Taim yupela i stori long par. 2, mekim sotpela inteviu wantaim wanpela Witnes i save givim bel tru. Askim pablisa long stori long olsem wanem wok autim tok i kamapim klia bilip bilong em na i strongim bilip.

Singsing 56 na beten.

[Ol Futnot]