Ol Miting Bilong Wok

Wik i Kirap Long Septemba 9

Singsing 209

13 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long p. 4, na mekim tupela narapela narapela soim long pasin bilong tilim Wastaua na Kirap! Yupela i ken mekim soim long ol tok i stap long Wok Kingdom bilong ol mun i go pinis sapos yupela i no kisim yet ol magasin em Wok Kingdom bilong dispela mun i stori long en. Long wan wan soim, kamapim narapela narapela pasin bilong autim tok long man i laik katim tok na em i tok, “Mi No Laikim Ol Witnes Bilong Jehova.”​​—⁠Lukim buk Toktok Gut, p. 17-​18.

17 min: “Helpim Ol Narapela Long Litimapim Nem Bilong Jehova.”a Kamapim wanpela o tupela gutpela tok i stap long buk Toktok Gut, p. 171-173.

15 min: Olsem Wanem na Man i No Gat Bilip? Toktok wantaim ol brata sista na kamapim ol askim. Planti taim yumi save bungim ol man i no gat bilip. (2 Te. 3:⁠2) Bilong tokim ol long ol samting tru bilong Jehova, pastaim yumi mas save long ol samting i stiaim tingting bilong ol long God. Skelim 4-pela samting em ol inap pasim man long kisim bilip, olsem buk Toktok Gut i kamapim long p. 68-69. Askim odiens long stori long wanem samting ol bai mekim bilong helpim man i gat wan wan hevi olsem buk Toktok Gut i kolim. Kamapim wanpela ekspiriens i stori long gutpela pasin ol i bin bihainim bilong helpim man i no gat bilip, o kamapim ekspiriens i stap long Kirap!, Jun 8, 1994, p. 14-​15.

Singsing 122 na beten.

Wik i Kirap Long Septemba 16

Singsing 163

10 min: Ol toksave bilong kongrigesen. Ripot bilong ol akaun.

18 min: Olsem Wanem Long Wok Bilong Yumi Long Yia i Go Pinis? Wasman autim tok i mekim olsem wanpela tok. Stori long ol bikpela samting bilong ripot bilong kongrigesen bilong 2002 sevis yia. Mekim tok amamas long ol gutpela wok olgeta i bin mekim. Stori long hamas man i bin kam long ol miting, i gat hamas gobek na Baibel-stadi, na hamas i bin mekim wok painia haptaim, na kamapim sampela samting kongrigesen i ken mekim bilong mekim wok i kamap gutpela moa. Putim sampela mak bilong nupela yia em kongrigesen inap winim.

17 min: Ol Hevi Bilong Ol Papa o Mama Wanpis. Elda i mekim inteviu long wanpela o tupela papa o mama wanpis (o ol i gat poroman marit i no Witnes) na askim ol long olsem wanem ol i bin winim ol hevi bilong skulim, stretim, na stiaim ol pikinini long ol samting bilong spirit. Olsem wanem ol inap mekim ol wok bilong famili, na tu, go long ol miting na autim tok long olgeta taim? Kamapim sampela tok bilong buk Famili, p. 104-​110. Olsem ol tok long p. 113-​115 i kamapim, kolim sampela gutpela pasin ol narapela i ken mekim bilong helpim ol papa o mama wanpis.

Singsing 149 na beten.

Wik i Kirap Long Septemba 23

Singsing 107

5 min: Ol toksave bilong kongrigesen.

15 min: Sampela tok bilong helpim kongrigesen. O wanpela elda i mekim tok “I Gat Rong Long Pilai Laki?,” long Wok Kingdom bilong Julai 2001, p. 3.

25 min: Yu Insait Long Wok Bilong Kamapim Ol Disaipel? Toktok wantaim ol brata sista na kamapim ol askim. Yumi save tilim planti buk na nius samting, olsem na yumi mas tingting long kirapim ol Baibel-stadi bambai yumi ken helpim ol man na bai ol buk na nius ol i bin kisim em i ken helpim ol. Askim ol pablisa long stori long ol hevi i save pasim ol na ol i no save mekim planti Baibel-stadi: (1) I hatwok long painim ol man i gat laik long stadi. (2) Sampela manmeri i amamas long harim tok, tasol ol i tok ol i gat planti wok tumas na ol i no gat taim bilong stadi. (3) Bihain long taim yumi kirapim pinis stadi, planti taim man i no stap long haus bambai yumi ken mekim stadi long olgeta taim. Stori tu long tingting bilong sampela pablisa long wok bilong mekim ol Baibel-stadi: (1) ‘Mi no ting mi wanpela gutpela tisa.’ (2) ‘Mi no gat taim bilong mekim Baibel-stadi long olgeta wik.’ (3) ‘Mi no laik long lusim taim bilong mi long helpim narapela man.’ (4) ‘Mi mekim ol narapela hap wok bilong autim tok na mi pilim olsem dispela em inap long mi.’ Kamapim sampela gutpela tok bilong helpim ol long winim ol dispela hevi bambai ol i ken insait long wok bilong kamapim ol disaipel. Askim ol pablisa i save mekim gut ol Baibel-stadi long stori long amamas ol i bin kisim long wok bilong mekim ol Baibel-stadi.​—⁠Lukim pepa yumi kisim wantaim Wok Kingdom, Epril 1998, par. 3-8, 15.

Singsing 171 na beten.

Wik i Kirap Long Septemba 30

Singsing 116

5 min: Ol toksave bilong kongrigesen. Kirapim ol pablisa long putim ripot bilong wok autim tok bilong Septemba.

13 min: Wok Yet Long Sakim Ol Pasin Em Ol Spirit Nogut i As Bilong En​—⁠Taim Wanpela i Dai. Wanpela elda i mekim olsem wanpela tok, na em i kisim ol bikpela tok long “Sakim Ol Pasin Bilong Ples Em Ol Spirit Nogut i As Bilong En,” long Wok Kingdom, Novemba 2001, p. 3, par. 1-7. Kamapim ol samting i stret long kongrigesen.

13 min: Wanem Samting i Mekim Ol Nius Bilong Yumi i Narapela Kain? Wanpela tok na ol askim na bekim. Long Oktoba yumi bai tilim nius Wastaua na Kirap! Toktok long ol samting i mekim na nius bilong yumi i narapela kain: (1) Ol i litimapim nem bilong Jehova. (2) Ol i kirapim man long bilip long Jisas. (3) Ol i tokaut long Kingdom bilong God. (4) Ol i kirapim man long lukim olsem Baibel tasol i as bilong ol tok bilong ol. (5) Ol i kamapim gut ol truim bilong ol tok profet bilong Baibel. (6) Ol i stori gut long as tru bilong ol samting i wok long kamap long graun. (7) Ol i stori long rot bilong karim ol hevi bilong nau. (8) Ol tok bilong ol i gutpela bilong helpim ol man i gat kain kain sindaun. (9) Ol i no helpim wanpela lain politik. Mekim tupela sotpela soim. Long wan wan soim, kamapim klia olsem wanem man inap mekim wok long wanpela bilong ol dispela 9-pela samting bilong kirapim tok wantaim man.

14 min: “Pilim Tru Ol Samting Bilong Wok Tiokratik.”b Wanpela elda i mekim dispela tok. Toktok long ol samting kongrigesen i save mekim, na ol i ken mekim wanem na bai ol inap mekim gut wok long ol buk na nius bilong yumi. Na tu, skelim gen ol tok bilong pas i go long olgeta kongrigesen na grup, SD Me 29, 2002. Tokim olgeta olsem taim ol i putim oda, ol i mas odaim tasol ol buk ol bai mekim wok long en. Tingim gutpela samting yumi inap mekim long givim kontribiusen bilong helpim wok long olgeta hap bilong graun.​​—⁠Lukim “Yu Save Givim Kontribiusen?,” long Wok Kingdom bilong Me 2001, p. 5.

Singsing 21 na beten.

Wik i Kirap Long Oktoba 7

Singsing 129

8 min: Ol toksave bilong kongrigesen. Askim ol pablisa na painia long kamapim sampela gutpela ekspiriens ol i bin kisim long wok autim tok.

17 min: Wok Yet Long Sakim Ol Pasin Em Ol Spirit Nogut i As Bilong En​—⁠Taim Sik i Kamap. Wanpela elda i mekim olsem wanpela tok, na em i kisim ol bikpela tok long “Sakim Ol Pasin Bilong Ples Em Ol Spirit Nogut i As Bilong En,” long Wok Kingdom, Novemba 2001, p. 4, par. 8-14. Kamapim ol samting i stret long kongrigesen.

20 min: “Abrusim Ol Samting ‘i No Inap Helpim’ Yu.”c Taim yu mekim par. 5, kamapim sampela tok bilong blok i stap long Wastaua, Oktoba 1, 1994, p. 8.

Singsing 105 na beten.

[Ol Futnot]