Ol Miting Bilong Wok

Wik i Kirap Long Oktoba 14

Singsing 103

15 min: Ol toksave bilong kongrigesen. Sampela Toksave bilong Wok Kingdom. Stori long “Wok Bilong Sanapim Haus Kingdom i Wok Long Kamap Gutpela Moa.” Mekim gutpela tok amamas long ol brata na sista long ol samting ol i bin mekim bilong sapotim wok bilong sanapim ol Haus Kingdom long dispela kantri. Kirapim ol long tingim gen olsem ol i gat wok long lukautim Haus Kingdom bilong ol yet, maski em i nupela o i bin stap longtaim pinis. Bihainim ol tok i stap long laspela pes bilong Wok Kingdom, o bilong Wok Kingdom bilong mun Septemba sapos i gat wok long mekim olsem, na mekim tupela soim long pasin bilong tilim Wastaua na Kirap! Long wan wan soim, kamapim narapela narapela pasin bilong bekim tok long man i tok, “Mi save gut long wok bilong yupela.”​​—⁠Lukim buk Toktok Gut, p. 21.

15 min: “Narapela i Strongim Bel Bilong Narapela.” Wanpela tok. Helpim ol brata sista long pilim tru olsem ol i mas kam long kibung distrik. Kirapim olgeta long kam long olgeta hap bilong program, kirap long Fraide moningtaim i go inap Sande apinun.

15 min: “Olgeta Taim Yupela i Mas Strong Long Mekim Gutpela Pasin.” Kirap bilong tok i no ken abrusim wanpela minit, na bihain mekim ol askim na bekim. Kamapim strong olsem ol i mas bihainim ol lo bilong ples slip ol brata i bin putim bilong helpim yumi. Stori gut long 4-pela tok long par. 2 em yumi mas tingim. Stori long olsem wanem i bikpela samting long olgeta i mas bihainim gutpela pasin.

Singsing 65 na beten.

Wik i Kirap Long Oktoba 21

Singsing 206

6 min: Ol toksave bilong kongrigesen. Ripot bilong ol akaun. Tok tenkyu long ol brata sista long ol kontribiusen ol i save putim bilong helpim wok bilong sanapim ol Haus Kingdom long dispela kantri. Sapos kongrigesen i save baim rent bilong Haus Kingdom bilong ol o ol i gat dinau bilong Haus Kingdom ol i mas bekim, orait kirapim ol long tingim dispela wok ol i gat bilong baim rent o bekim dinau long olgeta mun. Kirapim olgeta long lukim gen ol tok ol i bin raitim long notbuk bilong bikpela de kibung i go pinis bambai ol i ken redi long insait long riviu long Miting Bilong Wok long wik antap.

14 min: “Tingim Ol Samting Yu Holim Em Inap Long Yu.” Wanpela tok na kamapim sampela askim. Kamapim klia olsem Baibel em i as bilong ol dispela tok, na ritim na stori long ol skripsa em paragraf i no kamapim tok bilong en.

15 min: “Inapim Laik Bilong Yu Long Ol Samting Bilong Spirit.” Wanpela tok na kamapim sampela askim. Stori long as na olgeta i mas putim gut yau long program bilong kibung. Stori gut olsem yumi mas bihainim ol tok yumi kisim save long en, nogut yumi harim tasol. Kirapim olgeta long raitim sampela tok long notbuk. Long Februeri, long wanpela Miting Bilong Wok, bai i gat riviu bilong ol bikpela tok bilong kibung distrik.

10 min: “Klos na Bilas i Mas Stret.” Kirap kwik long mekim ol askim na bekim. Wanpela elda i ken lukautim dispela hap. Taim em i stori pinis long paragraf, em i ken ritim. Helpim olgeta long save long as na i bikpela samting long ol i mas bilas gut taim ol i stap long ai bilong ol man bilong ausait.

Singsing 194 na beten.

Wik i Kirap Long Oktoba 28

Singsing 110

5 min: Ol toksave bilong kongrigesen. Kirapim ol pablisa long putim ripot bilong wok autim tok bilong Oktoba.

15 min: “Ol Video i Mekim Gutpela Wok.” Toktok wantaim ol brata sista na kamapim ol askim. I kam inap long nau, yumi bin stori long 11-pela video long Miting Bilong Wok. Taim yu kamapim pinis ol ekspiriens ol paragraf i kamapim, askim ol pablisa long kamapim sampela ekspiriens ol yet i bin kisim long taim ol i soim ol video long narapela.

25 min: Stap Aninit Long God​​—⁠Sakim Satan. (Jems 4:⁠7) Wanpela elda i ken mekim riviu long program bilong bikpela de kibung bilong sevis yia i go pinis. Kamapim ol askim i stap daunbilo. Singautim kongrigesen long stori long olsem wanem ol i bin bihainim ol tok ol i bin kisim save long en. (Sampela de paslain makim sampela pablisa long stori long ol hap bilong kibung.) Stori long ol dispela hap bilong program: (1) “Stap Aninit Long God Namel Long Ol Lain i Stap Kalabus Aninit Long Satan.” Bilong wanem yumi mas was gut, nogut ol samting bilong dispela graun i pulim yumi? (2) “Famili i Stap Aninit Long God.” Insait long oganaisesen bilong Jehova, bilong wanem famili i mas pas gut wantaim? Wanem samting bai helpim famili long mekim olsem? (3) “Helpim Ol Nupela Disaipel Long Sanap Strong Long Lain Bilong Jehova.” Yumi ken mekim wanem bilong helpim ol nupela long winim ol hevi i traim bilip bilong ol? (4) “Samting Yumi Mas Mekim Bilong Sakim Satan.” Wanem samting i olsem rot bilong sakim Satan? Olsem wanem ol klos pait bilong spirit Efesus 6:​11-​18 i stori long en i ken lukautim yumi? (w92 5/15 21-23) (5) “Ol Yangpela Em Ol i Sakim Satan” na “Ol Yangpela Em Pasin Bilong i Stap Aninit Long God i Helpim Ol.” Wanem sampela pasin trik bilong Satan em ol yangpela i mas was gut long en? Olsem wanem pasin bilong stap aninit long Jehova i save helpim ol yangpela? (w90-E 8/1 13-​14, par. 15-​17) (6) “Sapos Yumi Daun Long God Dispela Bai Helpim Yumi.” Stori long ol samting ol Kristen i ken mekim bilong daun long gavman, long bos long ples wok, insait long famili, na insait long kongrigesen Kristen. Wanem ol pasin bai helpim yumi long mekim olsem?

Singsing 41 na beten.

Wik i Kirap Long Novemba 4

Singsing 66

10 min: Ol toksave bilong kongrigesen. Stori liklik long pasin bilong tilim buklet Yumi Mas Mekim Wanem? na buk Save, olsem i stap long pepa yumi kisim wantaim Wok Kingdom Janueri 2002. Mekim soim long wanpela bilong ol dispela pasin bilong autim tok.

13 min: “Wanpela Lain i Stap Amamas Tru.” Kirap bilong tok i no ken abrusim wanpela minit, na bihain mekim ol askim. Stori liklik long “Ol Samting Yu Ken Mekim Bilong Kisim Amamas,” Wastaua, Oktoba 15, 1997, p. 6.

22 min: “Samting Ol Wasman Bilong Buk-Stadi i Save Mekim Bilong Tingim Ol Wan Wan.” Wasman bilong Buk-Stadi i ken mekim olsem ol askim na bekim. Long kirap bilong tok, stori liklik long olsem wanem ol i bin kamapim pasin bilong mekim Buk-Stadi. (jv-E 237, par. 4) Sampela de paslain long miting, tokim tupela o tripela pablisa long redi long stori long sampela samting wasman bilong Buk-Stadi i bin mekim bilong tingim ol gut.

Singsing 185 na beten.