Ol Miting Bilong Wok

HARIM: Wok Kingdom Bilong Yumi bai makim wanpela Miting Bilong Wok long olgeta wik long Disemba. Ol kongrigesen i ken senisim ol miting bambai ol i ken i go long “Ol Man Bilong Givim Bel Long Autim Tok Bilong Kingdom” Kibung Distrik. Sapos i stret, yupela i ken mekim wok long 15 minit bilong laspela Miting Bilong Wok bai kamap paslain long kibung na stori long sampela bikpela tok bilong pepa yumi kisim wantaim Wok Kingdom bilong mun i go pinis. Long mun Februeri, ol bai makim wanpela Miting Bilong Wok olgeta bilong skelim ol bikpela tok bilong kibung. Bilong redi long mekim dispela hap, yumi olgeta i ken raitim long notbuk ol bikpela tok bilong kibung, na ol samting yumi yet i laik bihainim long i stap bilong yumi na long wok autim tok. Yumi ken redi long stori long olsem wanem yumi bin bihainim ol dispela tok bihain long kibung. Taim yumi harim narapela narapela i stori long olsem wanem ol gutpela tok ol i kisim long kibung i bin helpim ol, dispela bai strongim yumi.

Wik i Kirap Long Novemba 11

Singsing 183

10 min: Ol toksave bilong kongrigesen. Sampela Toksave bilong Wok Kingdom. Stretim rot bilong lukim video Warning Examples for Our Day bilong redi long hap bilong Miting Bilong Wok long wik i kirap long Novemba 25. Bihainim ol tok i stap long p. 8, na mekim tupela narapela narapela soim long pasin bilong tilim Wastaua na Kirap! Na tu, yupela i ken mekim soim long ol tok i stap long Wok Kingdom bilong mun i go pinis. Long wanpela soim, stori gut long olsem wanem yumi kisim mani bilong mekim dispela wok bilong yumi long olgeta hap.​—Lukim Wastaua, p. 2, o Kirap! p. 5.

15 min: No Ken Larim Belhat i Pundaunim Yu. Wanpela elda i mekim dispela tok em i kisim long Wastaua, Ogas 15, 1999, p. 8-9.

20 min: “Helpim Wasman Bilong Buk-Stadi Bilong Yu.”a Wanpela elda em i wasman bilong Buk-Stadi Bilong Kongrigesen i mekim dispela tok. Sapos i gat, orait taim yu stori long par. 3, kamapim sampela tok bilong buk Skul Bilong Autim Tok, p. 70. Tok amamas long kongrigesen long ol samting ol i mekim bilong helpim ol Buk-Stadi, na long gutpela pasin kirapim ol long tingim ol samting ol i mas wok strong long en.

Singsing 114 na beten.

Wik i Kirap Long Novemba 18

Singsing 78

6 min: Ol toksave bilong kongrigesen. Ripot bilong ol akaun.

14 min: “Tokaut Long Ol Samting Tru Bilong Jisas.”b Sapos i gat, kamapim sampela tok bilong buk Skul Bilong Autim Tok, p. 278.

25 min: “Yupela Het Bilong Famili​—Bihainim Gutpela Pasin Bilong Mekim Ol Wok Bilong Spirit.” Mekim sotpela kirap bilong tok long par. 1-3, na bihain toktok wantaim ol brata sista na kamapim ol askim long par. 4-​13. Sapos i gat taim, ritim par. 7, 8, 11, na 12. Mekim inteviu long wanpela o tupela papamama. Wanem samting i bin helpim famili bilong ol na ol inap long makim na bihainim stret taim bilong mekim ol wok bilong spirit? Ol i bin mekim wanem wanem ol samting? Dispela i bin helpim ol olsem wanem? Bilong pinisim tok, mekim sotpela tok long par. 14.

Singsing 31 na beten.

Wik i Kirap Long Novemba 25

Singsing 16

5 min: Ol toksave bilong kongrigesen. Sapos yupela i gat pinis, kirapim olgeta long bringim nupela buk bilong Skul Bilong Autim Tok i kam long Miting Bilong Wok long wik antap, bilong redi long hap “Skul Bilong Helpim Yumi Long Mekim Nambawan Bikpela Wok.”

17 min: “Yumi Mas Tingim Gut Ol Man Ol i Olsem Piksa Bilong Givim Tok Lukaut Long Yumi Long Nau.” Kirap bilong tok i no ken abrusim wanpela minit, na kwiktaim kirap toktok wantaim ol brata sista long wan wan askim. Long Disemba yumi bai lukim video No Blood​—Medicine Meets the Challenge.

23 min: “Tingim Tru ‘Ol Pikinini Man, Papa Bilong Ol i Dai Pinis.’ ” Bilong kirapim tok, inap 3-pela minit yu ken stori long tingting bilong Jehova long ol pikinini i no gat papa. Kisim ol tok long Wastaua, Jun 15, 2001, p. 9, par. 1, na liklik het-tok “Gutpela Pasin Sori Bilong Ol Man Bilong Bipo.” Long rot bilong ol askim na bekim, skelim ol narapela tok bilong dispela hap. Kamapim klia sampela samting ol narapela i ken mekim bilong helpim na strongim ol kain pikinini olsem. Taim yu stori long par. 3-4, kamapim sampela tok bilong Wastaua, Jun 1, 1998, p. 22-23.

Singsing 142 na beten.

Wik i Kirap Long Disemba 2

Singsing 213

8 min: Ol toksave bilong kongrigesen. Kirapim ol pablisa long putim ripot bilong wok autim tok bilong Novemba. Mekim sotpela soim yumi inap bihainim taim yumi tilim buk Nambawan Man.​—Lukim Wok Kingdom, Jun 1998, p. 8.

12 min: Sampela tok bilong helpim kongrigesen.

25 min: “Skul Bilong Helpim Yumi Long Mekim Nambawan Bikpela Wok.” Wasman bilong skul i toktok wantaim ol brata sista na kamapim ol askim. Kirapim olgeta long redi long nupela program bilong skul, em bai kirap long Janueri. Kamapim sampela samting bilong “Sediul Bilong Skul Tiokratik Bilong Autim Tok Bilong 2003,” long pepa yumi kisim wantaim Wok Kingdom bilong Oktoba 2002. Kolim ol mak man i mas winim bilong insait long skul, olsem buk Skul Bilong Autim Tok i kamapim long p. 282, na kirapim olgeta em ol i no insait yet long skul long givim nem sapos ol i winim mak.

Singsing 127 na beten.

[Ol Futnot]