Ol Miting Bilong Wok

Wik i Kirap Long Februeri 10

Singsing 4

10 min: Ol toksave bilong kongrigesen. Sampela Toksave bilong Wok Kingdom. Stretim rot long olgeta i ken lukim video Faithful Under Trials​​—⁠Jehovah’s Witnesses in the Soviet Union, bilong redi long hap bilong Miting Bilong Wok long wik i kirap long Februeri 24. Bihainim ol tok i stap long p. 8, na mekim tupela narapela narapela soim long pasin bilong tilim Wastaua na Kirap! Long tupela soim wantaim, pablisa i stori long wanpela nius tasol, olsem Wastaua o Kirap!, tasol em i mas tilim tupela nius wantaim long man.

35 min: “Autim Tok na Mekim Gut Dispela Wok.”a Wasman autim tok i lukautim dispela hap. Kirapim olgeta em ol inap mekim wok painia haptaim long mun Mas na Epril long mekim olsem. Askim sampela em ol i bin mekim painia haptaim las yia long Mas na Epril long stori long wok ol i bin mekim. Olsem wanem ol i bin stretim ol samting na bai ol inap mekim wok painia? Ol i bin mekim wanem ol wok na stretim wanem ol samting? Ol i bin kisim wanem ol amamas na wanem ol gutpela samting i bin kamap? Skelim ol sediul long blok i stap long p. 4. Toksave olsem ol brata sista i ken kisim aplikesen bilong painia haptaim bihain long miting.

Singsing 30 na beten.

Wik i Kirap Long Februeri 17

Singsing 48

10 min: Ol toksave bilong kongrigesen. Ripot bilong ol akaun. Stori long samting bilong tilim long mun Mas. Mekim wok long pepa yumi kisim wantaim Wok Kingdom bilong Janueri 2002, na kolim wanpela o tupela pasin bilong tilim buk Save. Kamapim klia olsem mak bilong winim em long kirapim ol Baibel-stadi.

35 min: “Kisim Gutpela Helpim Long ‘Ol Man Bilong Givim Bel Long Autim Tok Bilong Kingdom’ Kibung Distrik.” Wasman bilong Stadi Wastaua i lukautim dispela hap. Mekim kirap bilong tok insait long wanpela minit, na bihain toktok wantaim ol brata sista na kamapim ol askim long ol samting bilong program bilong kibung distrik i stap long dispela hap. Skelim gut taim bilong yu. Yu ken mekim ol sotpela tok bilong kirapim odiens long tingim gen ol bikpela tok bilong kibung. Long hap i stret long kamapim, askim odiens long olsem wanem ol i wok long bihainim ol samting ol i bin lainim, na ol gutpela samting i kamap long en.

Singsing 57 na beten.

Wik i Kirap Long Februeri 24

Singsing 74

5 min: Ol toksave bilong kongrigesen. Kirapim ol pablisa long putim ripot bilong wok autim tok bilong Februeri.

15 min: “Helpim i Kam Long Taim Stret.” Wanpela elda i mekim dispela tok. Kamapim klia olsem wok ol elda i mekim bilong helpim ol man i lusim wok autim tok i kamapim klia pasin bilong Jehova long tingim tru ol manmeri bilong em.

25 min: “Wanpela Video Bilong Givim Save na Kirapim Yu!” Kirap kwik long kamapim ol askim bilong dispela hap na toktok wantaim ol brata sista long video Faithful Under Trials. Skelim gut taim na bai i gat bikpela taim liklik inap long sampela brata sista i ken stori long laspela askim bilong dispela hap. Bilong pinisim tok ritim ol tok bilong blok long p. 192 bilong 2002 Yearbook.

Singsing 56 na beten.

Wik i Kirap Long Mas 3

Singsing 14

10 min: Ol toksave bilong kongrigesen. Mekim sotpela tok tasol long “Nupela Wok Bilong Lukautim Ol Laibreri Bilong Haus Kingdom.” Kolim nem bilong brata bai mekim wok bilong lukautim laibreri bilong Haus Kingdom.

15 min: Sampela tok bilong helpim kongrigesen.

20 min: “Wanem Bikpela Samting Long i Stap Bilong Yu?”b Sampela de paslain, stretim rot long wanpela o tupela pablisa i ken stori long olsem wanem ol i bin stretim ol samting long sindaun bilong ol na bai ol inap mekim bikpela wok moa bilong autim tok.

Singsing 127 na beten.

[Ol Futnot]