Ol Toksave
◼ Samting bilong tilim long Februeri: Buk Rot Bilong Famili i Ken Stap Amamas. Mas: Buk Save i Bringim Man Long Laip Oltaim. Wok strong long kirapim ol Baibel-stadi. Epril na Me: Nius Wastaua na Kirap! Taim yumi mekim gobek long ol man i amamas long harim tok, na long ol man i bin kam long Memorial, yumi mas wok strong long kirapim wanpela Baibel-stadi.
◼ Wasman siaman o wanpela brata em wasman i makim, em i mas skelim ol akaun bilong kongrigesen long Mas 1 o kwiktaim bihain long en. Taim em i mekim pinis, orait toksave long dispela samting long kongrigesen taim yupela i kamapim ripot bilong ol akaun long narapela miting. Ritim ol tok em Sosaiti i mekim bilong tok tenkyu long ol kontribiusen kongrigesen i bin givim bilong helpim wok long olgeta hap o ol narapela wok bilong oganaisesen.
◼ Kuskus na wasman autim tok i mas skelim wok bilong olgeta painia oltaim. Sapos sampela i hatwok long winim ol aua bilong ol, orait ol elda i mas stretim rot bilong helpim ol. Bilong kisim sampela tingting long dispela, lukim ol pas bilong Sosaiti (S-201-MP na S-201a-MP). Lukim tu pepa yumi kisim wantaim Wok Kingdom bilong Julai 1998, paragraf 16-17.
◼ Nupela pablik-tok bilong ol wasman sekit em “God i Kisim Bek Yumi Long Dispela Graun i Gat Tudak.”
◼ Ol kongrigesen i mas redim ol samting bilong mekim Memorial bilong dispela yia long Trinde, Epril 16, taim san i go daun pinis. Tok bilong Memorial i ken kirap taim san i no go daun yet, tasol wok bilong tilim bret na wain i no ken kirap paslain long san i go daun. Em i gutpela long olgeta wan wan kongrigesen i mekim Memorial bilong ol yet, tasol ating sampela i no inap mekim olsem. Sapos tupela kongrigesen i yusim wanpela Haus Kingdom, ol samting i kamap long wan wan hap inap makim olsem i gutpela moa long wanpela kongrigesen i painim narapela ples bilong mekim Memorial. Sapos tupela kongrigesen bai bung long wanpela Haus Kingdom, orait mipela i laik bai yupela i gat 40 minit namel long tupela miting bambai Memorial i ken helpim olgeta, na i gat taim bilong sekanim ol man na strongim ol nupela man. Yupela i mas tingim ples bilong putim ol ka, na rot bilong ol ka i kam tasol bilong lusim o kisim ol man. Lain elda i mas pasim tok long wanem pasin i gutpela long bihainim long hap bilong ol.
◼ Het-tok bilong bikpela pablik-tok bilong Epril 27, 2003, em “Yu Ting Taim Bilong Babilon Long Kisim Kot i Kamap Pinis?” Lukim narapela toksave long dispela samting long Wok Kingdom bilong Septemba 2002.
◼ Mipela i pinisim pasin bilong salim ol magasin long rot bilong sabskripsen, olsem na em i bikpela samting long ol kongrigesen i mas tilim ol Wastaua na Kirap! long ol brata sista kwiktaim bihain long oda i kam. Long dispela rot ol pablisa bai inap kisim ol nius bilong ol yet, na bai ol inap save gut long ol stori i stap long ol nius paslain long ol i tilim long ol man long taim bilong autim tok.