Ol Miting Bilong Wok

Wik i Kirap Long Epril 14

Singsing 20

15 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long p. 6, na mekim tupela soim long pasin bilong tilim Wastaua bilong Mas 15 na Kirap! bilong Epril-Jun. Long wan wan soim, pablisa i stori long wanpela nius tasol, olsem Wastaua o Kirap!, tasol em i mas tilim tupela nius wantaim long man.

10 min: Askim. Wanpela elda i mekim dispela tok.

20 min: “Stap Olsem Ol Lait.”a Bilong pinisim tok, mekim sotpela tok inap 5-pela minit long ol tok bilong Wastaua, Jun 1, 1997, p. 14-​15, par. 8-⁠13. Kamapim klia i gat wanem as na yumi no save haitim tok bilong Kingdom.

Singsing 134 na beten.

Wik i Kirap Long Epril 21

Singsing 25

10 min: Ol toksave bilong kongrigesen. Ripot bilong ol akaun.

15 min: “Yu Orait Long Ol i Bung Long Haus Bilong Yu?” Wanpela wasman bilong Buk-Stadi i mekim dispela tok. Kamapim sampela tok bilong ol Askim i stap long Wok Kingdom bilong Epril 2001 na Me 1990. Kolim hamas grup bilong Buk-Stadi i stap long kongrigesen, na averes bilong ol man i save bung. Askim wanpela o tupela pablisa long stori long olsem wanem ol na famili bilong ol i bin kisim helpim taim grup bilong Buk-Stadi i bung long haus bilong ol. Ol pablisa em ol i laik bai kongrigesen i ken mekim Buk-Stadi samting long haus bilong ol, ol i mas toksave long wasman siaman.

20 min: “Man Em Inap Long Kisim Dispela Tok, Em i Ken Kisim.”b Mekim inteviu long wanpela o tupela em ol i mekim gutpela wok long pasin bilong i stap singel bilong helpim wok bilong Kingdom. Ol i stori long wanem samting i save helpim ol long amamas long wok ol i mekim.

Singsing 35 na beten.

Wik i Kirap Long Epril 28

Singsing 51

10 min: Ol toksave bilong kongrigesen. Kirapim ol pablisa long putim ripot bilong wok autim tok bilong Epril. Bihainim ol tok i stap long p. 6, na mekim tupela soim long narapela narapela pasin bilong tilim Wastaua bilong Epril 1.

15 min: Sampela tok bilong helpim kongrigesen.

20 min: “Pasin Bilong Mekim Gobek i Kamapim Ol Baibel-Stadi.”c Wanpela elda i lukautim dispela hap, na em i mekim wok long ol askim ol i putim pinis. Askim odiens long mekim ol sotpela stori long ol ekspiriens ol i bin kisim long wok autim tok na i stret long ol tok dispela hap i kamapim. Taim yu stori long par. 5, mekim soim long wanpela ekspiriens i kamap long teritori bilong yupela we pablisa i bin kirapim Baibel-stadi.

Singsing 89 na beten.

Wik i Kirap Long Me 5

Singsing 120

10 min: Ol toksave bilong kongrigesen.

20 min: “Yupela i Mas Tingting Gut, Pinis i Kam Klostu.”d Taim yu stori long par. 3-4, askim ol pablisa long stori long wanem ol mak bilong spirit nau ol i wok strong long winim.

15 min: Gutpela Ripot​—As Bilong Amamas. (Snd. 15:30) Toktok wantaim ol brata sista na kamapim ol askim long ol wok kongrigesen i bin inapim taim ol i mekim bikpela wok long Mas na Epril. Askim ol brata sista long stori long ol gutpela ekspiriens ol i bin kisim taim ol i mekim ol dispela samting: (1) helpim man i amamas long harim tok long kam long Memorial, (2) mekim wok painia haptaim, (3) strongim wanpela pablisa i bin lusim wok autim tok long mekim wok gen wantaim kongrigesen, (4) helpim wanpela nupela long kirap autim tok, na (5) kirapim laik bilong ol man i bin kam long Memorial long kisim sampela save moa. Paslain long miting, stretim rot long sampela i ken stori long sampela bilong ol dispela tok. Mekim gutpela tok amamas, na kirapim olgeta long wok strong yet long mekim ol dispela wok.

Singsing 126 na beten.

[Ol Futnot]