Ol Toksave

◼ Samting bilong tilim long Epril na Me: Nius Wastaua na Kirap! Jun: Buk Save o buklet Yumi Mas Mekim Wanem? Sapos man bilong haus i holim pinis dispela buk o buklet, orait tilim wanpela buklet em kongrigesen i gat. Julai na Ogas: Wanpela bilong ol dispela buklet: Tru God i Save Tingim Yumi?, Stap Amamas Oltaim Long Graun!, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Wanpela Gavman Em Bai Kamapim Paradais, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim o Nogutim Yu?

◼ Ol atres na telefon namba bilong ol wasman siaman na ol kuskus em brens-ofis i holim i mas stret. Sapos sampela senis i kamap long atres o telefon namba, orait Kongrigesen Sevis Komiti i mas raitim ol tok long pepa Presiding Overseer/Secretary Change of Address (S⁠-29-E Au), na sainim nem bilong ol na salim kwik i go long brens-ofis.

◼ Ol kuskus bilong kongrigesen i mas i gat ol Pepa Bilong Mekim Wok Painia Oltaim (S-205-MP) na Aplikesen Bilong Wok Painia Haptaim (S-205b-MP). Yupela i ken putim oda bilong ol dispela aplikesen long pepa Literature Request Form (S-14-E Pp). Yupela i mas holim planti bilong dispela fom, inap bilong wanpela yia. Skelim gen ol aplikesen bilong wok painia oltaim bilong save olsem ol i bin raitim gut olgeta tok o nogat. Sapos ol brata sista i laik mekim wok painia ol i no inap tingim de stret ol i bin kisim baptais, ol i mas makim wanpela de na raitim dispela na tingim dispela de.

◼ Taim yu laik raun long narapela kantri na yu laik go long ol miting bilong kongrigesen, o kibung sekit, o kibung distrik long dispela kantri, yu mas raitim pas i go long brens-ofis bilong dispela kantri bilong kisim save long det, taim, na ples ol bung bai kamap long en. Atres bilong ol brens-ofis i stap long laspela pes bilong Yearbook bilong dispela yia.