Ol Miting Bilong Wok

Wik i Kirap Long Me 12

Singsing 1

10 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long p. 8, na mekim tupela soim long pasin bilong tilim Wastaua bilong Epril 15 na Awake! bilong Epril 8. Long wan wan soim, pablisa i stori long wanpela nius tasol, olsem Wastaua o Kirap!, tasol em i mas tilim tupela nius wantaim. Tokim man long pasin bilong givim kontribiusen.

20 min: Papamama​​—⁠Helpim Ol Pikinini Long Kamap Strong. Wanpela tok i stori long ol bikpela tok bilong buk Skul Tiokratik Bilong Autim Tok, p. 9-​12 na 21-​38. Kirapim ol papamama long mekim wok long sampela bilong ol dispela tok long famili-stadi, na ol i mas tingting long helpim ol pikinini long mekim gut moa wok bilong autim tok. Kolim sampela samting em ol inap mekim wok long en bilong helpim ol pikinini long kisim save long mekim gut wok autim tok.

15 min: “Yumi Kisim Wok Bilong Autim Gutnius.”a Sampela de paslain long miting, stretim rot long wanpela o tupela pablisa i ken mekim sotpela stori long olsem wanem ol i bin stretim sindaun bilong ol na bai ol inap mekim bikpela wok moa bilong autim tok.

Singsing 46 na beten.

Wik i Kirap Long Me 19

Singsing 62

15 min: Ol toksave bilong kongrigesen. Ripot bilong ol akaun. Stori long “Wok Bilong Sanapim Ol Haus Kingdom Long Sampela Kantri Bilong Yurop.” Stori tu olsem ol kontribiusen yumi putim long bokis Kontribiusen Bilong Wokim Ol Haus Kingdom i save helpim wok bilong sanapim ol Haus Kingdom long ol kantri i sot long mani samting, na tu, long kantri bilong yumi yet.

15 min: Wanpela elda i mekim tok long Askim i stap long Wastaua, Februeri 1, 2003, p. 30-31.

15 min: “Litimapim Nem Bilong Jehova Long Rot Bilong Autim Tok Long Kain Kain Taim na Ples.” Wanpela tok na kamapim sampela askim. Taim yu stori long par. 3, askim odiens long stori long ol tok ol i ken mekim bilong kirapim toktok long ol samting bilong Baibel: (1) taim ol i sanap long lain bilong baim ol samting long stua, (2) taim ol i raun long PMV, (3) long wanpela neiba i mekim ol wok insait long banis bilong em, (4) long wanpela wanwok long ples wok, na (5) long wanpela wanklas long skul. Sampela de paslain long miting, stretim rot long wanpela pablisa i kamapim ekspiriens long olsem wanem em i bin mekim gut wok bilong autim tok long kain kain taim na ples.

Singsing 135 na beten.

Wik i Kirap Long Me 26

Singsing 174

10 min: Ol toksave bilong kongrigesen. Kirapim olgeta long putim ripot bilong wok autim tok bilong Me. Bihainim ol tok i stap long p. 8, na mekim soim long pasin bilong tilim Wastaua bilong Me 1. Pablisa i mas tilim tu wanpela Kirap! olsem poroman bilong Wastaua. Man bilong haus i no laik kisim ol nius, olsem na long pinis bilong soim, pablisa i tilim liklik nius Yu Laik Kisim Sampela Save Moa Long Baibel? Lusim sampela minit long stori long ol tok i stap long “Pasin Bilong Givim Bel i Save Kirapim Planti Brata.”

10 min: Sampela tok bilong helpim kongrigesen.

25 min: “Tok Bilong God i Tru.”b Mekim wok long ol askim i stap pinis. Askim odiens long stori long olsem wanem pasin bilong ol pablisa long yusim Baibel long bekim ol askim i bin helpim ol long kisim save long tok i tru. Taim yu stori long par. 4, wanpela pablisa i ken bihainim sampela tok bilong stori “Autim Stret Tok Bilong God” na mekim soim long pasin bilong mekim wok long Baibel long namba wan taim pablisa i bungim man.​​—⁠km 12/01 p. 1 par. 3-4.

Singsing 188 na beten.

Wik i Kirap Long Jun 2

Singsing 210

10 min: Ol toksave bilong kongrigesen. Stori long “Gutnius Long Intenet.” Stori long wanpela o tupela pasin bilong tilim buklet Yumi Mas Mekim Wanem? na buk Save, olsem i stap long namel pepa bilong Wok Kingdom bilong Janueri 2002.

20 min: Stretim Gut Marit​​—⁠Samting God i Laik Yumi Mas Mekim. Wanpela tok na kamapim sampela askim. Long planti kantri, em pasin bilong ol man na meri long sindaun nating wantaim na ol i no marit stret. Sampela man i tok dispela pasin i helpim ol. Kamapim tok bilong Baibel long dispela samting, na kamapim klia olsem God i as bilong marit. (rs p. 256-257) Man na meri i sindaun nating wantaim na ol i no marit, dispela em i pasin pamuk. (fy p. 17) Maski planti man i no ting olsem, ol ripot i soim olsem pasin bilong man na meri i sindaun nating wantaim paslain long ol i marit, dispela i save mekim na marit i no kamap gutpela. (g02-E 3/8 p. 29; g92-E 9/8 p. 28; g92 3/8 p. 29) Ol Kristen i save bihainim ol lo bilong Jehova na long dispela rot ol i givim biknem long em. Taim ol i mekim olsem, dispela pasin i save helpim tu ol yet.​​—⁠Ais. 48:​17, 18.

15 min: Yu Wok Long Kisim Wanem Ol Helpim? Wasman skul i lukautim dispela hap na em i toktok wantaim ol brata sista na kamapim ol askim. Kirap long Janueri, yumi bin bihainim nupela pasin bilong mekim Skul Tiokratik Bilong Autim Tok. Stori liklik long sampela nupela pasin bilong dispela skul. Stori long ol gutpela samting dispela skul i bin kamapim. Olsem wanem? Sampela sumatin moa i bin insait long dispela skul? Ol i amamas moa long insait long ol hap bilong skul? Olsem wanem nupela pasin bilong givim tok kaunsel i helpim ol sumatin? Askim odiens long stori long olsem wanem dispela skul i bin helpim ol, na ol i ting dispela nupela program bai helpim ol olsem wanem long bihain.

Singsing 225 na beten.

[Ol Futnot]