Ol Miting Bilong Wok

Wik i Kirap Long Julai 14

Singsing 56

10 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long p. 4 na mekim tupela soim long olsem wanem ol brata i ken tilim Wastaua bilong Jun 15 na Awake! bilong Jun 22 long teritori bilong kongrigesen. Long wan wan soim, pablisa i mas tilim tupela nius wantaim, maski em i stori long wanpela nius tasol.

15 min: “Pilim Pasin Marimari Bilong God.”a Taim yu stori pinis long par. 3, tokim odiens olsem hap i kamap bihain long dispela bai skelim ol samting bilong magasin-raun. Askim wanpela o tupela pablisa i save gut long mekim wok autim tok long ol i ting wanem rot i gutpela bilong kirapim ol Baibel-stadi. Strongim olgeta long putim mak long kirapim na lukautim wanpela Baibel-stadi.​—⁠om p. 91.

20 min: “Yu Gat Magasin-Raun?”b Kamapim tu sampela tok i stap long Wok Kingdom Bilong Yumi, Oktoba 1998, p. 12.

Singsing 176 na beten.

Wik i Kirap Long Julai 21

Singsing 184

10 min: Ol toksave bilong kongrigesen. Ripot bilong ol akaun.

15 min: Olsem Wanem Pasin Bilong Lotuim Jehova i Mekim Laip Bilong Yumi i Kamap Gutpela? Toktok wantaim ol brata sista na kamapim ol askim. Lotu i tru i bikpela samting bilong man i ken stap amamas na laip bilong em i gat as bilong en. (1) Em i helpim yumi long karim ol hevi na wari i save kamap long laip bilong yumi. (Fl. 4:​6, 7) (2) Em i strongim yumi long kamapim ol pasin God i laikim. (2 Pi. 1:​5-8) (3) Em i helpim yumi long yusim taim na mani samting bilong yumi long nambawan gutpela rot. (1 Ti. 6:​17-19) (4) Em i mekim na yumi inap bilip na wet long ol gutpela samting bai kamap bihain. (2 Pi. 3:13) (5) Em i mekim na yumi inap pas gut wantaim Jehova. (Jems 4:⁠8) Kamapim klia olsem wanem ol man i no lotuim Jehova ol i sot long ol dispela samting.

20 min: Bihainim Pasin Bilong Ol Long Autim Tok na i No Pret. Toktok wantaim ol brata sista na kamapim ol askim long buk Lotuim God, p. 170-171. Kirapim odiens long bekim ol askim i stap long par. 7 na long kamapim ol skripsa paragraf i kolim taim ol i bekim. Makim sampela skripsa na ritim. Kamapim klia ol samting yumi lainim long ol dispela skripsa na olsem wanem ol i helpim yumi long kisim stretpela tingting long wok bilong yumi long autim tok.

Singsing 201 na beten.

Wik i Kirap Long Julai 28

Singsing 45

10 min: Ol toksave bilong kongrigesen. Kirapim ol pablisa long putim ripot bilong wok autim tok bilong Julai. Bihainim ol tok i stap long p. 4 na mekim soim long pasin bilong tilim Wastaua bilong Julai 1 wantaim nupela Kirap! Pablisa i mas tilim tupela nius wantaim. Pablisa i autim tok long kain kain taim na ples.

15 min: Sampela tok bilong helpim kongrigesen.

20 min: “Autim Tok Wantaim Grup i Kamapim Amamas.”c Taim yu stori long par. 3, kamapim sampela tok bilong Askim i stap long Wok Kingdom Bilong Yumi, Oktoba 2001. Mekim sotpela inteviu long wanpela wasman bilong Buk-Stadi Bilong Kongrigesen. Askim em olsem wanem grup bilong em i bin kisim helpim long pasin bilong autim tok wantaim kongrigesen.

Singsing 36 na beten.

Wik i Kirap Long Ogas 4

Singsing 178

5 min: Ol toksave bilong kongrigesen. Kolim samting bilong tilim long dispela mun.

25 min: “Bihainim Yet Savepasin Long Tilim Ol Nius.”d Taim yu stori pinis long par. 5, bihainim ol tok i stap long par. 3 na 5, na mekim tupela sotpela soim long samting bilong tilim long dispela mun. Bihainim tok i stap long par. 4 na mekim soim long pasin bilong tilim ol nius.

15 min: Ol Yangpela i Litimapim Nem Bilong Jehova! Wanpela tok na toktok wantaim ol brata sista na kamapim ol askim na mekim ol inteviu. Yumi amamas long harim ol yangpela i givim ol bekim ol i bin redim gut. Ol i givim bel na wok bilong ol insait long Skul Tiokratik Bilong Autim Tok i kamap gutpela, na yumi amamas tru long dispela samting. Ol i kamapim olsem ol i gat trupela bilip taim ol i mekim gutpela wok witnes. Gutpela pasin bilong ol i litimapim nem bilong Jehova. (yb88-E p. 53-54) Ol i kamap strong long ol samting bilong spirit na dispela i helpim ol long kisim ol gutpela wok long bihain. Mekim sotpela inteviu wantaim tupela o tripela yangpela Kristen husat i save insait oltaim long ol wok bilong kongrigesen. Mekim gutpela tok amamas long ol yangpela insait long kongrigesen long ol gutpela wok ol i mekim bilong litimapim nem bilong Jehova.

Singsing 49 na beten.

[Ol Futnot]