Ol Miting Bilong Wok

Wik i Kirap Long Ogas 11

Singsing 101

10 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long p. 8, na mekim tupela soim long pasin bilong tilim Wastaua bilong Ogas 1 na Kirap! bilong Julai-Septemba. Long wan wan soim, pablisa i mas tilim tupela nius wantaim, maski em i stori long wanpela nius tasol. Long wanpela soim, kamapim klia pasin bilong autim tok long man i laik katim tok olsem “Mi Gat Wok.”​​—⁠Lukim buk Toktok Gut, p. 19.

15 min: “Bihainim Gutpela Pasin Bilong Jehova.”a Askim odiens long kamapim ol sotpela ekspiriens long olsem wanem gutpela pasin ol i mekim long narapela i bin opim rot long ol inap autim tok. Mekim tok amamas long kongrigesen long ol wok ol i mekim bilong helpim ol wanbilip.

20 min: “Ol Blesing Bilong Wok Painia.”b Mekim wok long ol askim i stap pinis. Askim wanpela o tupela painia long stori long ol blesing ol i bin kisim long wok painia. Toksave olsem long Papua Niugini, inap 74 pesen bilong ol painia oltaim em ol sista. Yumi sot tru long ol brata bilong mekim dispela wok! Taim i gat ol painia brata bilong lukautim grup, dispela i save helpim ol grup bilong autim tok namel long wik. Na tu, taim i no gat ol brata, ol painia sista i save hatwok long autim tok long sampela teritori na mekim ol gobek long ol dispela hap, long wanem, ol i pret long hevi inap painim ol. Husat i laik mekim wok painia em i ken kisim aplikesen long kuskus.

Singsing 11 na beten.

Wik i Kirap Long Ogas 18

Singsing 82

10 min: Ol toksave bilong kongrigesen. Ripot bilong ol akaun.

15 min: “Wanpela Wok Bilong Givim Nupela Strong.”c Sampela de paslain long miting, stretim rot long tupela o tripela pablisa i ken stori long olsem wanem wok Kristen bilong autim tok i save givim nupela strong long ol.

20 min: “Lukautim Gut Ples Bilong Mekim Lotu.”d (Par. 1-5) Mekim wok long ol askim i stap pinis. Taim yu mekim par. 3 na 4, stori long ol samting kongrigesen i mas mekim bilong klinim Haus Kingdom. Sapos i gat sampela samting i gat wok long mekim, orait kirapim ol long tingim dispela samting. Mekim tok amamas long kongrigesen long ol wok ol i save mekim bilong lukautim Haus Kingdom na mekim i stap gutpela ples bilong mekim lotu i tru.

Singsing 114 na beten.

Wik i Kirap Long Ogas 25

Singsing 175

10 min: Ol toksave bilong kongrigesen. Bihainim ol tok i stap long p. 8, na mekim soim long pasin bilong tilim Awake! bilong Ogas 8 na wanpela nupela Wastaua. Pablisa i mas tilim tupela nius wantaim, maski em i stori long wanpela nius tasol. Mekim soim olsem wanpela papa o mama wantaim yangpela pikinini man o pikinini meri i mekim traim ol tok ol bai mekim bilong tilim ol nius. Ol i mekim sotpela stori long wanem tok ol bai mekim na bihain ol i mekim soim long en.

15 min: “Bilong Strongim Kongrigesen.”e Wanpela elda i gat save long mekim gut tok i ken lukautim dispela hap.

20 min: Strongim Bel Long Autim Tok. (1 Te. 2:⁠2) Wanpela tok na kamapim sampela askim. Stori gut long as na planti ol i save pret long go long ol man na autim tok bilong Kingdom. Maski sampela i bin autim tok inap planti yia pinis, ol tu i save pret. Kamapim sampela ekspiriens i stap long ol Wastaua bilong Disemba 1, 1999, p. 25; Disemba 15, 1999, p. 25; na Epril 1, 1996, p. 31. Askim odiens long stori long olsem wanem ol i bin strongim bel na autim gutnius taim ol i pret. Bilong pinisim tok, mekim wok long ol tok i stap long Wastaua bilong Disemba 15, 1999, p. 23-24, na kirapim ol brata long kisim strong long Jehova.

Singsing 125 na beten.

Wik i Kirap Long Septemba 1

Singsing 84

10 min: Sampela toksave bilong kongrigesen. Kirapim ol pablisa long putim ripot bilong wok autim tok bilong Ogas. Kolim samting bilong tilim long Septemba. Sampela de paslain long miting, stretim rot long wanpela o tupela pablisa i ken stori long ol gutpela ekspiriens ol i bin kisim taim ol i autim tok long kain kain taim na ples.

15 min: Yu Save Bihainim Promis Bilong Yu Long i Go Bek? Wanpela tok na kamapim sampela askim. Kisim ol tok long Wastaua bilong Septemba 15, 1999, p. 10-⁠11, aninit long het-tok “Sampela Narapela Rot Bilong Bihainim Ol Promis.” Taim yumi bungim ol man i amamas long harim tok, yumi save stretim rot long i go bek na stori moa wantaim ol. Olsem wanem? Yumi save bihainim promis bilong yumi na go bek lukim ol? Skelim gen ol stiatok bilong Baibel em ol i mas kirapim yumi long bihainim promis bilong yumi. Askim odiens long stori long ol ekspiriens we ol gutpela samting i bin kamap taim ol i go bek kwik long lukim man.

20 min: “Lukautim Gut Ples Bilong Mekim Lotu.”f (Par. 6-​11) Mekim wok long ol askim i stap pinis. Kamapim klia olsem em i bikpela samting long lukautim gut Haus Kingdom, na kamapim ol tok bilong blok long p. 5. Mekim sotpela ripot long ol samting long Haus Kingdom i stap olsem wanem, na toksave sapos yupela bai mekim sampela wok bilong stretim ol samting i bagarap o kisim ol nupela samting.

Singsing 41 na beten.

[Ol Futnot]