Ol Toksave

◼ Samting bilong tilim long Septemba: Bai yumi mekim bikpela wok bilong tilim buk Rot Bilong Famili i Ken Stap Amamas long taim yumi autim tok long ol haus, mekim gobek na Baibel-stadi, na autim tok long kain kain taim na ples. Oktoba: Tilim Wastaua na Kirap! Sapos man i laik harim tok, tilim buklet Yumi Mas Mekim Wanem? na wok strong long kirapim ol Baibel-stadi. Novemba: Tilim buk Save o buklet Yumi Mas Mekim Wanem? Sapos man bilong haus i holim pinis dispela buk o buklet, orait tilim buk Lotuim God o wanpela buk samting i bilong bipo liklik. Disemba: Buk Nambawan Man Tru i Winim Olgeta Narapela Man o Baibel Stori Buk Bilong Mi o Yu Inap i Stap Oltaim Long Paradais Long Graun.

◼ Ol grup bilong Buk-Stadi Bilong Kongrigesen bai mekim riviu long buklet God Triwan long wik bilong Oktoba 13, 2003. Long wik i kirap long Oktoba 20 yumi bai stadi long buk Lotuim Dispela Wanpela God Tru.

◼ Ol wan wan pablisa yet i no ken salim oda bilong ol buk samting i go long brens-ofis. Long olgeta mun, paslain long kongrigesen i salim oda bilong litresa i go long brens-ofis, wasman siaman i mas stretim rot bilong mekim toksave long dispela samting. Orait nau ol brata sista i laik kisim ol buk samting ol i ken toksave long brata i lukautim litresa. Tingim wanem ol buk samting i olsem spesel rikwes aitem.

◼ Mipela i laik kirapim ol elda long bihainim ol tok i stap long namel pepa bilong Wok Kingdom bilong Julai 1991 [w91-E 4/15 p. 21-23]. Em i stori long ol man i raus o i rausim ol yet na ating ol i laik kam bek long kongrigesen.

◼ Bikpela pablik-tok long taim bilong Memorial bilong 2004 bai kamap long Sande, Epril 18. Bihain mipela bai toksave long nem bilong dispela tok. Ol kongrigesen i gat raun bilong wasman sekit o kibung sekit o bikpela de kibung long dispela wik, ol bai mekim dispela bikpela pablik-tok long wik bihain. No ken mekim bikpela pablik-tok paslain long Epril 18, 2004.