Ol Miting Bilong Wok

Wik i Kirap Long Septemba 8

Singsing 10

10 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long p. 4, na mekim tupela soim long pasin bilong tilim Wastaua bilong Ogas 15 na Awake! bilong Ogas 22. Long wanpela soim, mekim olsem wanpela sumatin o papa o mama i autim tok long wanpela tisa long skul.

10 min: Pas i Kam Long Brens. Wanpela pablisa bilong longtaim, i gutpela sapos em i elda, em i toktok wantaim wanpela yangpela pablisa. Yangpela pablisa i askim longtaim pablisa long em i bin lukim pas bilong brens long Wok Kingdom o nogat. Longtaim pablisa i stori olsem pas bilong brens i bin stap olsem wanpela hap bilong Wok Kingdom long 1970 i go inap 1979. Bihain ol i stori long dispela pas long p. 1, na ol i kamapim ol bikpela tok bilong en.

25 min: “Ol Yangpela​​—⁠Bungim Planti Samting Bilong Helpim Yupela Bihain.”a Wanpela elda i ken lukautim dispela hap na mekim wok long ol askim i stap pinis. Long par. 5, kamapim klia ol amamas na ol blesing bilong fultaim sevis.

Singsing 170 na beten.

Wik i Kirap Long Septemba 15

Singsing 199

10 min: Ol toksave bilong kongrigesen. Ripot bilong ol akaun.

10 min: “Stadi Long Buk Lotuim God.” Wanpela wasman bilong Buk-Stadi i ken mekim dispela tok. Stori liklik long sediul bilong stadi. Long par. 4, kamapim sampela tok bilong buk Skul Bilong Autim Tok, p. 28, par. 1, na p. 70.

25 min: Sakim Pasin Ol Wankrismas i Bihainim. Mekim inteviu long wanpela elda o kongrigesen sevent em i bin kamap bikpela insait long famili Kristen. Kamapim sampela tok bilong Wastaua, Februeri 15, 2003. Dispela brata i bin bungim wanem ol hevi long skul? (p. 24 par. 3; p. 25 par. 4-5) Ol narapela i bin kirapim em long mekim sampela pasin i no stret? (p. 26 par. 4-6) Nau long taim em i bikpela man, i gat sampela taim we ol wanlain i laik pulim em long bihainim pasin bilong ol? Wanem samting i bin helpim em na em i no bihainim pasin bilong ol? Bilong pinisim tok, kisim ol tok long Wastaua bilong Ogas 1, 1999, p. 24-25, na mekim sotpela tok i kamapim klia olsem wanem pasin bilong bung wantaim ol gutpela poroman bai helpim gut yumi.

Singsing 58 na beten.

Wik i Kirap Long Septemba 22

Singsing 7

10 min: Ol toksave bilong kongrigesen. Bihainim ol tok i stap long p. 4, na mekim soim long pasin bilong tilim Wastaua bilong Septemba 1. Mekim olsem wanpela elda na wanpela pablisa em skin bilong em i no strong, ol i autim tok long rot bilong telefon.

15 min: Olsem Wanem Long Wok Bilong Yumi Long Yia i Go Pinis? Wasman autim tok i stori long ol bikpela samting bilong ripot bilong kongrigesen bilong 2003 sevis yia. Mekim tok amamas long ol gutpela wok kongrigesen i bin mekim. Kamapim sampela tok i stret long yu kamapim, em ol tok i bin kamap long ripot bilong wasman sekit. Kolim wanpela o tupela mak bilong nupela yia em kongrigesen inap winim.

20 min: Yu Ting God i Orait Long Olgeta Lotu? Kisim ol tok long buk Toktok Gut. Toktok wantaim ol brata sista na kamapim ol askim. Stori long rot bilong toktok gut wantaim man i gat tingting olsem God i orait long olgeta lotu. (rs p. 230-231) Stori long sampela rot bilong luksave long lotu i stret. (rs p. 236-​337) Wok autim tok bilong yumi i save helpim ol man long makim pasin bilong lotu em God i orait long en.​​—⁠Kl. 1:​9, 10.

Singsing 39 na beten.

Wik i Kirap Long Septemba 29

Singsing 194

10 min: Ol toksave bilong kongrigesen. Kirapim olgeta long lukim gen ol tok bilong program bilong kibung sekit bilong sevis yia i go pinis em ol i bin raitim long not-buk bilong ol, bilong redi long hap bilong Miting Bilong Wok long wik antap. Kirapim ol pablisa long putim ripot bilong wok autim tok bilong Septemba. Toksave long samting bilong tilim long Oktoba. Mekim sotpela soim long pasin bilong kirapim Baibel-stadi long buklet Yumi Mas Mekim Wanem?

15 min: Sampela tok bilong helpim kongrigesen.

20 min: “Yupela i Mas Kisim Pasin Daun.”b Askim odiens long stori long olsem wanem ol i ken bihainim ol tok bilong ol skripsa.

Singsing 224 na beten.

Wik i Kirap Long Oktoba 6

Singsing 170

5 min: Ol toksave bilong kongrigesen. Long dispela mun yumi bai wok strong long kirapim ol Baibel-stadi. Mekim sotpela tok long Wok Kingdom bilong Me 2002, p. 1, par. 1.

15 min: “Putim Ol Bikpela Samting i Go Pas Long Ol Narapela Wok!” Wanpela tok na kamapim sampela askim long stori i stap long Wastaua, Septemba 1, 1998, p. 19-21. Kolim det bilong ol wok bilong spirit bai kamap long ol mun bihain, na kirapim olgeta long makim ol dispela det long kalenda bilong ol. Askim odiens long stori long ol samting ol i save mekim na bai ol inap insait long ol dispela samting.

25 min: “Bilip Tru Long God, na Mekim Gutpela Pasin.” (Sng. 37:⁠3) Toktok wantaim ol brata sista long ol dispela askim i kamapim ol bikpela tok bilong program bilong kibung sekit bilong sevis yia i go pinis. Askim odiens long stori long olsem wanem ol yet o famili bilong ol i bin bihainim ol bikpela tok bilong program. Toktok long ol dispela hap bilong program: (1) “Kamapim Klia Olsem Yu Bilip Long Jehova.” Bilong wanem em i bikpela samting long bilip long Jehova long olgeta samting long i stap bilong yumi? (it-2-E p. 521) Buk Watch Tower Publications Index inap helpim yumi olsem wanem? (2) “Yumi Mas Was Gut Long Ol Samting i No Gat As Bilong En.” (Sav. 2:​4-8, 11) Yumi mas lukaut long wanem ol samting i no gat as bilong en? Na yumi inap mekim olsem long wanem rot? (3) “Givim Baksait Long Pasin Nogut na Mekim Gutpela Pasin.” I gat wanem as na yumi mas bihainim ol lo bilong Jehova? (Ais. 5:​20) Yumi mas givim taim bilong yumi long mekim wanem ol gutpela wok? (4) “Yumi Mas Bilip Strong Long Jehova.” Wanem samting bai helpim yumi long sanap strong taim hevi na traim i painim yumi? I gat wanem as na sampela taim yumi mas bilip na wet long Jehova i helpim yumi long stretim sampela samting? (5) “Olsem Wanem? Bai Yu Inap Tru Long i Stap Long Kingdom Bilong God?” (Kl. 1:​10) Wanem ol stori long Baibel i strongim yumi long wokabaut yet long pasin Jehova i laikim? (6) “Bilip Long Ol Tok Promis Bilong Jehova.” Taim yumi mekim olsem, dispela bai mekim wanem long i stap bilong yumi?

Singsing 26 na beten.

[Ol Futnot]