Ol Miting Bilong Wok

HARIM: Wok Kingdom Bilong Yumi bai makim wanpela Miting Bilong Wok long olgeta wik long Novemba na Disemba. Ol kongrigesen i ken senisim ol miting bambai ol i ken i go long “Givim Biknem Long God” Kibung Distrik. Sapos i stret, mekim wok long 15 minit bilong laspela Miting Bilong Wok bai kamap paslain long kibung na stori long sampela bikpela tok bilong namel pepa bilong Wok Kingdom bilong dispela mun. Long mun Janueri 2004, ol bai makim wanpela Miting Bilong Wok olgeta bilong skelim ol bikpela tok bilong kibung. Bilong redi long mekim dispela hap, yumi olgeta i ken raitim long notbuk ol bikpela tok bilong kibung, na ol samting yumi yet i laik bihainim long i stap bilong yumi na long wok autim tok.

Wik i Kirap Long Oktoba 13

Singsing 215

10 min: Ol toksave bilong kongrigesen na sampela Toksave bilong Wok Kingdom. Bihainim ol tok i stap long p. 10, na mekim tupela gutpela soim long pasin bilong tilim Wastaua bilong Septemba 15 na Awake! bilong Septemba 22. Long wanpela soim, pablisa i mekim gobek long wanpela man long magasin-raun bilong em. Bilong stretim rot bilong i go bek lukim em, soim em long blok “Long Wastaua Bihain.”​​—⁠Lukim Wok Kingdom, Oktoba 1998, p. 12, par. 8.

20 min: “Belgut Long Bikpela na Lotu Long Em.”a (Olgeta i mas i gat namel pepa bilong Wok Kingdom bilong Janueri 2002 bilong stori long dispela hap.) Taim yu stori pinis long par. 4, toksave olsem long Novemba yumi bai tilim buk Save na buklet Yumi Mas Mekim Wanem? Skelim wanpela tok yumi ken mekim bilong tilim dispela buk na buklet olsem i stap long namel pepa bilong Wok Kingdom, Janueri 2002. Bihain mekim soim long tupela pablisa i mekim traim long dispela tok. Kirapim olgeta long redi gut long mekim wok autim tok.

15 min: “Bung Wantaim Long Litimapim Nem Bilong Jehova.”b Mekim wok long ol askim i stap pinis. Kirapim olgeta long stap long olgeta hap bilong program, kirap long Fraide moning i go inap long Sande apinun. Kamapim klia olsem yumi mas bihainim ol samting yumi lainim, na no ken harim tasol. Skelim tok i stap antap long samting yumi bai mekim long wanpela Miting Bilong Wok long Janueri, taim yumi mekim riviu long ol bikpela tok bilong kibung distrik. Kirapim olgeta long raitim sampela sotpela tok bilong kibung.

Singsing 172 na beten.

Wik i Kirap Long Oktoba 20

Singsing 86

5 min: Ol toksave bilong kongrigesen.

15 min: “Stap Olsem Gutpela Piksa Long Pasin Bilong Yu.”c Mekim wok long ol askim i stap pinis. Kamapim klia olsem yumi mas orait long ol samting bilong ples slip em ol i bin stretim bilong helpim yumi. Stori gut long as na em i bikpela samting long olgeta i mas bihainim stretpela pasin.

25 min: Mekim Wok Long Bainat Bilong Spirit. (Ef. 6:​17) Toktok wantaim ol brata sista na kamapim ol askim long ol tok bilong buk Skul Bilong Autim Tok, p. 143-144. Askim odiens long bekim ol dispela askim: (1) Bilong wanem yumi yusim Baibel long bekim ol askim? (2) Dispela nem ol Witnes Bilong Jehova i kamapim klia wanem samting bilong yumi? (3) Jisas i bin soim wanem gutpela pasin? Olsem wanem yumi inap bihainim pasin bilong em? (4) Long teritori bilong kongrigesen, wanem sampela gutpela rot bilong kamapim ol tok bilong Baibel? (5) I gat wanem as na i gutpela long opim Baibel na ritim stret tok bilong en long taim rot i op? (6) Olsem wanem ol elda inap kirapim ol narapela long mekim gutpela wok long Baibel? Tupela pablisa i redi gut i mekim soim long eksasais i stap long p. 144, na pablisa i mekim wok long wanpela skripsa bilong bekim askim. Kirapim olgeta long putim mak long mekim wok long Baibel long olgeta taim ol i autim tok.

Singsing 112 na beten.

Wik i Kirap Long Oktoba 27

Singsing 64

10 min: Ol toksave bilong kongrigesen. Ripot bilong ol akaun. Kirapim ol pablisa long putim ripot bilong wok autim tok bilong Oktoba. Kirapim olgeta long lukim gen ol tok ol i bin raitim long program bilong bikpela de kibung bilong dispela yia bilong redi long hap bilong Miting Bilong Wok long neks wik. Bihainim ol tok i stap long p. 10, na mekim soim long pasin bilong tilim Wastaua bilong Oktoba 1 wantaim nupela Awake! Pablisa i mas tilim tupela nius wantaim. Long dispela soim, kamapim klia pasin bilong autim tok long man i laik katim tok olsem “Mi no laik harim.”​​—⁠Lukim buk Toktok Gut, p. 16.

20 min: “Pasin Bilong Pasim Gutpela Klos i Kamapim Olsem Yumi Daun Long God.”d Wanpela elda i lukautim dispela hap. Mekim wok long ol askim i stap pinis. Askim wanpela brata i save rit gut long ritim olgeta wan wan paragraf.

15 min: Sampela ekspiriens. Askim odiens long kamapim sampela gutpela ekspiriens ol i bin kisim taim ol i mekim ol dispela samting: (1) mekim wok painia haptaim, (2) strongim wanpela pablisa i lusim wok long kirap gen long wok wantaim kongrigesen, (3) helpim wanpela nupela long kirap mekim wok pablisa, na (4) taim ol i bin autim tok long ples wok, long skul, o long sampela narapela hap.

Singsing 52 na beten.

Wik i Kirap Long Novemba 3

Singsing 147

5 min: Ol toksave bilong kongrigesen.

10 min: Sampela tok bilong helpim kongrigesen.

20 min: Mekim Planti Gutpela Pasin. (1 Ti. 6:​18) Wanpela elda i mekim wok long ol askim i stap daunbilo, na em i toktok wantaim ol brata sista na kamapim ol askim long program bilong bikpela de kibung bilong dispela yia. Askim ol pablisa long stori long olsem wanem ol i bin bihainim ol tok ol i lainim. (Sampela de paslain yu ken makim sampela pablisa long stori long ol hap bilong kibung.) Stori long ol dispela hap bilong program: (1) “Ol Gutpela Wok i Save Kamapim Planti Gutpela Samting.” (Sav. 2:​11) Bilong wanem ol wokman bilong God i wok strong long mekim ol gutpela wok, olsem Baibel i stori long en, na i no ol wok bilong dispela graun em i no gat as bilong en? (2) “Mekim Ol Gutpela Wok na Stap Olsem Maniman Long Ai Bilong God.” (Mt. 6:​20) Olsem wanem sampela i bin ‘bungim ol gutpela gutpela samting long heven,’ na dispela i helpim ol olsem wanem? (3) “Mekim Wok Autim Tok Bilong Yu i Kamap Gutpela Moa Long Rot Bilong Mekim Baibel-Stadi.” (om p. 90) Wanem samting inap helpim yumi long kirapim na lukautim wanpela Baibel-stadi? (4) “Ol Gutpela Wok i Kamap Long Dispela Taim Bilong Kisim Kaikai i Mau.” (Mt. 13:​37-​39) Ol Kristen bilong pastaim i bin mekim wanem ol gutpela wok? Olsem wanem wok bilong Kingdom i go bikpela long taim bilong yumi? (5) “Larim Ol Gutpela Wok Bilong Yu i Givim Biknem Long Jehova.” (Mt. 5:​14-​16) Olsem wanem sampela i bin larim ‘lait bilong ol i lait’? (6) “Givim Tok Amamas Long Ol Yangpela Long Ol Gutpela Wok Ol i Mekim Bilong Litimapim Nem Bilong Jehova.” (Sng. 148:​12, 13) Olsem wanem ol yangpela Kristen long sekit bilong yumi ol i givim biknem long Jehova? (7) “Wok Yet Long Mekim Ol Gutpela Pasin na Kisim Ol Blesing Long Jehova.” (Snd. 10:22) Taim yumi wok strong long mekim ol gutpela pasin, wanem ol gutpela blesing inap kam long yumi wan wan, famili bilong yumi, kongrigesen, na oganaisesen bilong yumi long olgeta hap?

10 min: Wok Bilong Lukautim Baibel-Stadi i Save Kamapim Ol Blesing. Wanpela tok na kamapim sampela askim. Kamapim sampela ekspiriens i stap long ol buk na nius bilong yumi em ol i stori long ol Baibel-stadi i wok long kamap strong. (w00 3/1 p. 6; yb98-E p. 55-​60) Askim odiens long stori long ol samting ol i lainim long ol ekspiriens na olsem wanem wok bilong lukautim ol Baibel-stadi inap helpim yumi.

Singsing 180 na beten.

[Ol Futnot]