Ol Toksave

◼ Samting bilong tilim long Janueri: Wanpela bilong ol buk ol i bin wokim paslain long 1988 na kongrigesen i gat sampela i stap yet. Sapos yupela i no gat sampela bilong ol dispela buk, sekim ol narapela kongrigesen i stap klostu sapos ol i gat planti na yupela i ken mekim wok long en. Sapos i no gat ol dispela olpela buk orait tilim buk Save. Februeri: Buk Kamapim Tok Hait​—⁠Bikpela Samting Bilong En i Laik Kamap! Mas: Buk Save i Bringim Man Long Laip Oltaim. Wok strong long kirapim ol Baibel-stadi. Sapos ol man i gat dispela buk pinis, orait yu ken tilim buk Putim Yau Long Tok Profet Bilong Daniel! Epril: Wastaua na Kirap! Taim yumi mekim gobek long ol man i amamas long harim tok, yumi mas go lukim tu ol man i save kam tasol long Memorial na long ol narapela bikpela bung. Wok strong long tilim buk Lotuim God. Yumi mas wok strong long kirapim Baibel-stadi, moa yet wantaim ol man i bin stadi pinis long buk Save na buklet Yumi Mas Mekim Wanem?

◼ Kirap long Februeri i go Mas 7, ol wasman sekit bai kirap mekim nupela pablik-tok nem bilong en, “Yu Laikim Tingting Bilong Husat Long Stretpela Pasin?”

◼ Ol kongrigesen i mas redim ol samting bilong mekim Memorial bilong dispela yia long Sande, Epril 4, taim san i go daun pinis. Tok bilong Memorial i ken kirap taim san i no go daun yet, tasol wok bilong tilim bret na wain i no ken kirap paslain long san i go daun. Yupela i no ken mekim ol narapela miting long dispela de, yupela i ken mekim bung bilong wok autim tok tasol, olsem na stretim rot bilong mekim Stadi Wastaua long narapela de. Ol wasman sekit i mas senisim program bilong wik na mekim ol miting long de i stret long kongrigesen ol i stap long en. I gutpela long olgeta wan wan kongrigesen i mekim Memorial bilong ol yet, tasol ating sampela i no inap mekim olsem. Sampela kongrigesen i ken painim narapela ples bilong mekim Memorial. Sapos tupela kongrigesen bai bung long wanpela Haus Kingdom, orait mipela i laik bai yupela i gat 40 minit namel long tupela miting bambai Memorial i ken helpim olgeta. Yupela i mas tingim ples bilong putim ol ka, na sampela ka bai kam tasol bilong lusim o kisim ol man. Lain elda i mas pasim tok long wanem pasin i gutpela long bihainim long hap bilong ol.

◼ Sapos sampela i laik givim kontribiusen bilong helpim wok long olgeta hap long rot bilong salim mani long akaun bilong ol i go long akaun bilong Sosaiti, orait i gat ol tok i stori long olsem wanem wanpela i ken mekim olsem. Bilong save moa, yu ken ring long dispela namba, 325-3011 o salim pas long dispela atres, IBSA, P.O. Box 636, Boroko, NCD 111.