Ol Miting Bilong Wok

Wik i Kirap Long Janueri 12

Singsing 224

10 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long p. 4, na mekim soim long pasin bilong tilim Wastaua bilong Disemba 15 na Kirap! bilong Oktoba-Disemba. Long tupela soim wantaim, pablisa i mas tilim tupela nius wantaim, maski em i stori long wanpela nius tasol. Bihain long wan wan soim, kamapim klia sampela gutpela pasin bilong autim tok i kamap long soim.

15 min: Sampela tok bilong helpim kongrigesen.

20 min: Kamapim Pasin Pren Wantaim Ol Wanbilip. (Snd. 18:24; 27:⁠9) Wanpela tok na kamapim sampela askim long Wastaua bilong Disemba 1, 2000, p. 22-23. Wanpela blesing long lotu i tru em olsem yumi gat rot bilong kisim ol gutpela pren. Taim yumi bung wantaim ol narapela long ol miting, long wok autim tok, na long ol narapela bung samting, dispela i save strongim tru yumi. Olsem wanem yumi inap kamapim pasin pren wantaim ol narapela insait long kongrigesen? Stori long blok “Sikspela Samting Bilong i Stap Pren Bilong Narapela,” na askim odiens long stori long olsem wanem yumi ken mekim wok long ol dispela sikspela samting taim yumi mekim ol samting wantaim ol brata bilong yumi.

Singsing 186 na beten.

Wik i Kirap Long Janueri 19

Singsing 95

5 min: Ol toksave bilong kongrigesen.

40 min: “Ol Kibung Distrik na Kibung Intenesenel i Kirapim Yumi Long Givim Biknem Long God!” Wanpela elda i lukautim dispela hap. Kirap bilong tok i no ken abrusim wanpela minit, na bihain mekim wok long ol askim i stap pinis na toktok wantaim ol brata sista na kamapim ol askim long program bilong kibung. Skelim gut taim na bai yu inap mekim olgeta askim, ating yu ken kisim wanpela bekim tasol long sampela askim. I no olsem yu mas ritim olgeta skripsa ol i makim; ol dispela skripsa i bilong helpim yumi long painim ol bekim. Ol bekim bilong ol brata sista i mas kamapim klia olsem wanem ol i bin kisim helpim taim ol i bihainim ol samting ol i lainim.

Singsing 73 na beten.

Wik i Kirap Long Janueri 26

Singsing 158

9 min: Ol toksave bilong kongrigesen. Ripot bilong ol akaun. Kirapim ol pablisa long putim ripot bilong wok autim tok bilong Janueri. Bihainim ol tok i stap long p. 4, na mekim soim long pasin bilong tilim Wastaua bilong Janueri 1 na wanpela nupela Awake! Mekim soim long olsem wanem yu inap tilim dispela tupela magasin long neiba bilong yu.

17 min: Bihainim Tok Bilong God Long i Stap Bilong Yu Long Olgeta De. Wanpela tok na kamapim sampela askim. Kirapim olgeta long mekim gutpela wok long buk Skelim Sampela Tok Bilong Baibel Long Olgeta De​—⁠2004. Toktok wantaim odiens long tok i go pas i stap long p. 5-7. Askim odiens long stori long wanem taim ol yet i pilim olsem i gutpela long skelim teks bilong de. Toktok long teks bilong dispela de na stori bilong en wantaim kongrigesen. Askim odiens long stori long olsem wanem yumi ken bihainim tok bilong teks bilong dispela de. Kirapim olgeta long tingim olsem wanem ol i ken bihainim tok bilong teks long olgeta wan wan de taim ol i skelim.

19 min: Ol Nupela Buk Samting Yumi Bin Amamas Long Kisim! Toktok wantaim ol brata sista na kamapim ol askim. Yumi bin amamas tru long kisim tupela nupela buk long “Givim Biknem Long God” Kibung Distrik. Dispela buklet “See the Good Land” em i narapela kain. Taim yu opim na tanim pes bilong en, bai yu lukim ol narapela narapela hap bilong Graun Bilong Promis. Stori long ol samting i stap long sampela mep. Kolim sampela rot bilong mekim wok long dispela buklet. Buk Learn From the Great Teacher bai helpim ol pikinini bilong yumi long ol samting bilong spirit. Kolim sampela stori i stap long buk i stret long ol pikinini long nau, na olsem wanem dispela inap helpim ol papamama na ol pikinini. Askim odiens long stori long olsem wanem ol i mekim gut wok long ol dispela nupela buk samting.

Singsing 177 na beten.

Wik i Kirap Long Februeri 2

Singsing 204

10 min: Ol toksave bilong kongrigesen. Toksave long samting bilong tilim long Februeri. Kamapim gen ol tok long pasin bilong tilim buk Kamapim Tok Hait i stap long Wok Kingdom bilong Februeri 1998, p. 4.

22 min: “Lukaut Gut Long Taim Bilong Yu.”a Askim odiens long stori long ol samting ol i save mekim na bai ol samting i no bikpela samting i no ken pulim taim bilong ol long mekim ol wok bilong spirit.

13 min: Askim. Wanpela elda i mekim dispela tok.

Singsing 151 na beten.

[Futnot]