Ol Miting Bilong Wok

Wik i Kirap Long Februeri 9

Singsing 225

8 min: Ol toksave bilong kongrigesen. Bihainim ol tok i stap long p. 8, na mekim tupela narapela narapela soim long pasin bilong tilim Wastaua bilong Janueri 15 na Awake! bilong Janueri 22. Long wan wan soim, pablisa i stori long wanpela nius tasol, olsem Wastaua o Awake!, tasol em i mas tilim tupela nius wantaim long man. Long wanpela soim, kamapim klia pasin bilong autim tok long man i laik katim tok olsem “Mi gat lotu.”​—⁠Lukim buk Toktok Gut, p. 18-19.

14 min: Sampela tok bilong helpim kongrigesen.

23 min: “Tokaut Yet Long Ol Gutpela Gutpela Samting Jehova i Bin Mekim.”a (Par. 1-10) Wasman autim tok i lukautim dispela hap. Mekim wok long ol askim i stap pinis. Kirapim ol brata sista long mekim bikpela wok moa bilong autim tok long Mas, Epril na Me.

Singsing 90 na beten.

Wik i Kirap Long Februeri 16

Singsing 41

10 min: Ol toksave bilong kongrigesen. Sampela Toksave bilong Wok Kingdom.

15 min: “Wanpela Wok God i Sapotim.”b Sapos inap, kamapim sampela tok i stap long buk Proclaimers, p. 547-548.

20 min: “Tokaut Yet Long Ol Gutpela Gutpela Samting Jehova i Bin Mekim.”c (Par. 11-17) Mekim wok long ol askim i stap pinis. Mekim sotpela soim long pablisa i singautim wanpela gobek long kam long Memorial.

Singsing 75 na beten.

Wik i Kirap Long Februeri 23

Singsing 118

10 min: Ol toksave bilong kongrigesen. Ripot bilong ol akaun. Bihainim ol tok i stap long p. 8, na mekim tupela narapela narapela soim long pasin bilong tilim Wastaua bilong Februeri 1 na wanpela nupela Awake! Long wan wan soim, pablisa i stori long wanpela nius tasol, olsem Wastaua o Awake!, tasol em i mas tilim tupela nius wantaim long man. Long pinis bilong wanpela soim, kamapim wanpela askim bilong kirapim tingting bilong man na pablisa i ken yusim buklet Yumi Mas Mekim Wanem? bilong bekim askim taim em i mekim gobek.

15 min: “Go Oltaim Long Ol Miting​—⁠Yumi Mas Mekim.”d Sampela de paslain long taim bilong miting, pasim tok wantaim wanpela o tupela pablisa long stori long ol samting ol i save mekim na bai ol i ken i stap long olgeta miting.

20 min: Litimapim Nem Bilong Jehova ‘Namel Long Ol Man i Bung Bilong Lotu.’ Toktok wantaim ol brata sista na kamapim ol dispela askim long ol tok i stap long Wastaua bilong Septemba 1, 2003, p. 19-22. (1) Olsem wanem Song 22:​22, 25 i kamapim klia as na yumi bekim tok long ol miting? (2) Bilong wanem pasin bilong prea i save helpim yumi? (2 Ti. 1: 7, 8) (3) Bilong wanem yumi mas redi gut pastaim? (4) Yumi olgeta i laik winim wanem mak long ol miting? (5) Bilong wanem em i gutpela long sindaun klostu long pletfom? (6) Bilong wanem em i bikpela samting long putim yau long tok ol narapela i mekim? (7) Olsem wanem yumi ken bekim tok long toktok bilong yumi yet? (8) Olsem wanem yumi ken strongim ol narapela long ol tok yumi bekim? Sampela samting moa brata i lukautim stadi i ken tingim: Putim gut yau long olgeta wan wan bekim; no ken givim askim em ol i bekim pinis; taim nupela man o man bilong sem i bekim tok, tok amamas long ol; brata i lukautim stadi i no ken toktok planti tumas; larim ol narapela narapela i bekim tok, no ken makim tasol namba wan man i putim han; no ken semim man i no bekim stret askim; taim yu laik kirapim ol brata long bekim tok, no ken tok, ‘I gat sampela bekim moa?’ o ‘Sapos yu no bin bekim yet, em las sans nau!’; sapos ol brata i no bin bekim tok yet i no stret long semim ol, nogat, long gutpela pasin strongim ol long bekim tok.

Singsing 81 na beten.

Wik i Kirap Long Mas 1

Singsing 156

10 min: Ol toksave bilong kongrigesen. Kirapim ol pablisa long putim ripot bilong wok autim tok bilong Februeri. Toksave long samting bilong tilim long Mas, na stori liklik long wanpela tok yumi ken mekim bilong tilim buk Save olsem i stap long namel pepa bilong Wok Kingdom, Janueri 2002.

15 min: “Olsem Wanem Yumi Inap Helpim Ol Poroman Marit i No Witnes?”e Mekim inteviu long wanpela o tupela husat i bin kamap wokboi bilong Jehova, long wanem, poroman marit i bin kisim pinis tok i tru na ol i stap gutpela piksa.

20 min: “Yumi Inap Mekim Samting Jehova i Laik Bai Yumi Mekim.”f Mekim wok long ol askim i stap pinis. Kamapim sampela tok bilong ol skripsa i stap.

Singsing 98 na beten.

[Ol Futnot]