Ol Toksave

◼ Samting bilong tilim long Julai na Ogas: Wanpela bilong ol dispela buklet: Tru God i Save Tingim Yumi?, Stap Amamas Oltaim Long Graun!, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Wanpela Gavman Em Bai Kamapim Paradais, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim Yu o Nogutim Yu? Tru Ol i Stap o Nogat? Septemba: Buk Rot Bilong Famili i Ken Stap Amamas. Oktoba: Wastaua na Kirap! Sapos man i gat laik long kisim save moa, orait yusim buklet Yumi Mas Mekim Wanem? Go bek lukim man na tingting strong long kirapim Baibel stadi.

◼ Kirap long Septemba, ol wasman sekit bai givim pablik tok nem bilong en, “Yumi Bilip na Yumi No Pret Long Ol Samting Bai Kamap Bihain.”

◼ Long Julai olgeta kongrigesen na ol grup i mas autim tok long ol longwe teritori olsem pas bilong Jun 1, 2004, i tok long en. Taim yumi autim tok long ol longwe teritori, yumi ken tilim buklet Yumi Mas Mekim Wanem? o buk Save. Sapos man bilong haus i gat dispela buklet na buk pinis, orait yumi ken tilim ol narapela buk samting long em. Olgeta pablisa i mas kisim ol liklik nius i go wantaim ol bilong putim long ol haus i no gat man o bilong givim long ol man i no kisim buk samting. Sapos i no hatwok long i go bek long ol longwe teritori orait stretim rot bilong i go bek lukim ol man i gat laik long harim tok.

◼ Ol kuskus bilong kongrigesen i mas i gat ol Pepa Bilong Mekim Wok Painia Oltaim (S-205-MP) na Aplikesen Bilong Wok Painia Haptaim (S⁠-⁠205b⁠-⁠MP). Yupela i ken putim oda bilong ol dispela aplikesen long pepa Literature Request Form (S-14-E). Yupela i mas holim planti bilong dispela fom, inap bilong wanpela yia.

◼ Paslain long kuskus bilong kongrigesen i salim fom bilong brata o sista i laik mekim wok painia oltaim i go long brens ofis, em i mas sekim gut fom bilong save sapos brata o sista i laik mekim wok painia i raitim olgeta tok long fom o nogat. Sapos brata o sista i laik mekim wok painia oltaim i no inap tingim de stret em i bin kisim baptais, orait em i mas makim wanpela de na raitim dispela na tingim dispela de. Kuskus bilong kongrigesen i mas raitim dispela det long kat Congregation’s Publisher Record.

◼ Ol atres na telefon namba bilong ol wasman siaman na ol kuskus em brens ofis i holim i mas stret. Sapos sampela senis i kamap long atres o telefon namba, orait Kongrigesen Sevis Komiti i mas raitim ol tok long pepa Presiding Overseer/Secretary Change of Address (S-29-E), na sainim nem bilong ol na salim kwik i go long brens ofis.