Ol Miting Bilong Wok

Wik i Kirap Long Julai 12

Singsing 108

12 min: Ol toksave bilong kongrigesen. Sampela Toksave bilong Wok Kingdom. Bihainim ol tok i stap long p. 4, na mekim soim long pasin bilong tilim Wastaua bilong Jun 15 na Awake! bilong Julai 8. Long wanpela soim, pablisa i ken tilim magasin long wanpela man long rot husat i no save gut long Tok Pisin.

16 min: “Bihainim Stretpela Pasin bilong Jehova.”a Askim odiens long stori long ol skripsa i stap long dispela tok.

17 min: Was Gut Long Pasin Bilong Belhat Kwik! Wanpela tok na stori long ol dispela samting: (1) Pasin bilong “belhat na kros” em i “pasin bilong olpela bel,” na em inap nogutim yu na inap kamapim pait tu. Sapos wanpela Kristen i no bosim gut belhat bilong em, em i no stap gutpela piksa na kain pasin olsem inap mekim na ol elda i mas mekim kot wantaim em na em inap raus long kongrigesen tu. God bai skelim yumi wan wan long ol samting yumi mekim. (Ga. 5:​19, 20; Ef. 4:31; Jem. 1:​19, 20; Snd. 22:​24, 25; Mt. 5:​21, 22) (2) Bilong wanpela brata long kisim wok elda o kongrigesen sevent o bilong holim yet wanpela bilong dispela tupela wok, em i no ken “belhat kwik,” paitim meri bilong em, o tok kros o paitim ol narapela. (1 Ti. 3:​2-4, 12; Ta. 1:7; 1 Ko. 13:​1-3) (3) Long rot bilong bilip tru na helpim yumi kisim long holi spirit bilong God yumi inap bosim skin na daunim belhat.​—⁠Ga. 5:​22, 23; Sng. 4:4; Ro. 12:18; 1 Ko. 13:​4-8; 1 Jo. 5:⁠4; lukim Wastaua bilong Ogas 15, 1999, p. 8-9.

Singsing 16 na beten.

Wik i Kirap Long Julai 19

Singsing 83

10 min: Ol toksave bilong kongrigesen. Stori long pasin bilong ritim Baibel long olgeta de em i bikpela samting, maski yumi stap long haus o yumi raun long narapela hap. Kamapim sampela tok bilong Wastaua bilong Ogas 15, 2000, p. 32.

17 min: Sampela tok bilong helpim kongrigesen.

18 min: “Mekim Ol Baibel Stadi i Save Helpim Ol Man​—⁠Namba 1 Hap.” Wasman autim tok i mekim olsem wanpela tok. Kirapim laik bilong ol bratasista long ol stori bilong dispela hap bai kamap bihain. Sampela bilong ol tok i kamap bai stori long pasin bilong redi long lukautim stadi, helpim ol sumatin long redim stadi bilong ol, na hamas paragraf yumi ken mekim long wanpela stadi, na olsem wanem yu ken mekim gut wok long ol skripsa, na yumi mas mekim wanem samting sapos sumatin i kamapim askim. Na olsem wanem yu ken kirap beten wantaim em, na olsem wanem yumi ken helpim sumatin long save long oganaisesen bilong Jehova. Kirapim olgeta bratasista long bihainim ol tok i kamap long ol dispela stori na putim ol dispela pepa long wanpela hap we ol inap lukim gen bihain.

Singsing 10 na beten.

Wik i Kirap Long Julai 26

Singsing 216

12 min: Ol toksave bilong kongrigesen. Ripot bilong akaun. Kirapim ol pablisa long putim ripot bilong Julai. Bihainim ol tok i stap long p. 4, na mekim soim long pasin bilong tilim Wastaua bilong Julai 1 na wanpela nupela Awake! Kamapim klia pasin bilong autim tok long man i laik katim tok olsem “Bilong wanem yupela i kam planti taim?”​—⁠Lukim buk Toktok Gut, p. 20.

8 min: Askim. Wanpela elda i mekim dispela tok. Ritim na stori long dispela tok.

25 min: “Pasin Yumi Ken Bihainim Taim Yumi Autim Tok Long Bisnis Teritori.”b Toksave long ol rot kongrigesen i stretim bilong autim tok long ol bisnis teritori. Bihainim tok i stap long par. 4 na 5 na mekim tupela sotpela soim o mekim soim long narapela pasin bilong autim tok i bin wok gut long bisnis teritori bilong yupela. Askim ol bratasista long kamapim sampela gutpela ekspiriens ol i kisim taim ol i autim tok long ol bisnis teritori.

Singsing 173 na beten.

Wik i Kirap Long Ogas 2

Singsing 60

6 min: Ol toksave bilong kongrigesen.

24 min: Yu Save Kamapim As Bilong Tok? Wanpela tok na stori wantaim ol bratasista long ol tok bilong buk Skul Bilong Autim Tok, p. 254, par. 1-2. Taim yumi stori long ol skripsa long taim yumi autim tok na taim yumi mekim tok long pletfom, yumi no ken kolim tasol olsem tok yumi mekim i tru, nogat. Bilong wok bilong yumi long skulim ol man i ken kamap gutpela, yumi mas kamapim as bilong ol tok yumi mekim. Mekim wok long sampela tok bilong buk Toktok Gut o ol narapela buk samting em ol i stret long hap bilong yu, na soim olsem wanem (1) pasin bilong kamapim insait bilong sampela bikpela tok insait long ves bai helpim man, (2) na pasin bilong kamapim sampela narapela tok bilong helpim tok yu mekim, olsem ol tok i stap klostu long dispela ves yu ritim o long narapela ves i stori long wankain samting, (3) na mekim wok long ol tok piksa bilong soim olsem tok yu mekim i gat as bilong en, (4) na mekim wok long ol askim bilong helpim ol man i harim tok na bai ol inap skelim gut dispela tok long tingting bilong ol. Stori long ol gutpela samting inap kamap taim yumi kamapim as bilong ol tok.

15 min: Sampela ekspiriens. Askim ol bratasista long stori long sampela ekspiriens ol i kisim taim ol i mekim wok painia haptaim o sampela narapela wok bilong spirit ol i mekim.

Singsing 32 na beten.

[Ol Futnot]