Ol Miting Bilong Wok

Wik i Kirap Long Ogas 9

Singsing 57

10 min: Ol   toksave  bilong kongrigesen na sampela Toksave bilong Wok Kingdom. Sapos ol tok i stap long pes 6 i stret long teritori bilong yu, orait bihainim ol tok i stap long en na mekim soim long pasin bilong tilim Wastaua bilong Julai 15 na Kirap! bilong Julai-Septemba. Yu ken mekim wok long ol narapela pasin bilong tilim ol magasin. Tokim man long pasin bilong givim kontribiusen. Kirapim odiens long kisim buklet Yumi Mas Mekim Wanem? i kam long wik antap.

15 min: “Stap Strong na Kisim Prais.”a Kamapim sampela tok bilong Wastaua bilong Disemba 15, 2000, p. 22-23 par. 15-18.

20 min: Yusim Ol Liklik Nius Bilong Kirapim Ol Baibel Stadi. Wanpela tok na kamapim sampela askim long ol tok i stap long Wok Kingdom bilong Ogas 2002, p. 5-6. Kamapim klia olsem yumi bai amamas long senisim taim na bai i stret long sindaun bilong sumatin olsem par. 5 i kamapim. Bihainim tok i stap long par. 8-10 na mekim wanpela o tupela soim. Sapos i gat wanpela pasin bilong tilim dispela liklik nius i gutpela long teritori bilong kongrigesen, orait stori long en na mekim soim long dispela pasin. Askim odiens long stori long sampela ekspiriens ol i bin kisim taim ol i yusim liklik nius Yu Laik Kisim Sampela Save Moa Long Baibel?

Singsing 74 na beten.

Wik i Kirap Long Ogas 16

Singsing 189

5 min: Ol   toksave   bilong kongrigesen.

20 min: Putim Tok i Tru Long Bel Bilong Pikinini. Wanpela tok i kam long buk Famili i Ken Stap Amamas p. 55-59. Stori long 4-pela rot papamama i ken helpim ol pikinini bilong ol long kisim pasin bilong pas gut wantaim Jehova, na kamapim olsem wanem papamama i ken mekim wok long ol dispela tok.

20 min: “Mekim Ol Baibel Stadi i Save Helpim Ol Man—Namba 2 Hap.”b Mekim wanpela soim long 5 minit. Wanpela pablisa i askim wanpela elda long soim em long olsem wanem em i ken helpim wanpela sumatin bilong Baibel long kamap strong. Elda i stori long wanpela hevi i save kamap long taim bilong stadi, em pasin bilong lusim bikpela haptaim long stori long ol samting i no bikpela samting o long samting i no inap helpim bikpela tok bilong stadi. Elda i mekim wok long stadi 9 bilong buklet Yumi Mas Mekim Wanem?, na soim pablisa long olsem wanem em i ken (1) stori gut long ol bikpela tok bilong stadi, (2) mekim gutpela wok long ol skripsa em ol i no kamapim tok bilong en, na (3) redim stadi na bai i stret bilong helpim sumatin. Em i tok i bikpela samting long redi gut paslain long mekim stadi.

Singsing 85 na beten.

Wik i Kirap Long Ogas 23

Singsing 33

15 min: Ol  toksave  bilong kongrigesen. Ripot bilong ol akaun. Mekim soim long pasin bilong tilim Wastaua bilong Ogas 1 na wanpela nupela Awake! Long soim, mekim olsem pablisa i autim tok long wanpela tisa.

10 min: “Ol Bokis Kontribiusen,” na “Kontribiusen Ol Man i Givim.” Brata i lukautim ol akaun bilong kongrigesen o kuskus i stori long wok bilong ol wan wan bokis kontribiusen na wanem hap ol bokis i stap long en na ol bratasista i ken mekim wanem long kontribiusen ol man i givim. Kamapim tu olsem olgeta wan wan Buk Stadi Bilong Kongrigesen i mas i gat wanpela bokis kontribiusen. Mani i stap long dispela bokis i bilong helpim wok bilong kongrigesen.

20 min: “Tilim Buk Famili i Ken Stap Amamas Long Ol Man i Gat Kain Kain Krismas.” Wanpela elda i stori wantaim tupela o tripela strongpela pablisa long dispela tok. Kamapim klia olsem em i bikpela samting long helpim ol narapela long save, famili inap i stap amamas sapos ol i bihainim tok bilong Baibel. (Lukim buk Famili i Ken Stap Amamas, p. 10-12.) Mekim wanpela soim olsem i stap long dispela stori. Soim olsem wanem yumi ken tokim man long pasin bilong givim kontribiusen na pasin bilong stretim rot bilong mekim gobek. Na tu, soim olsem wanem yumi ken yusim tripela askim i stap long blok long p. 12 bilong buk long toktok wantaim man.

Singsing 220 na beten.

Wik i Kirap Long Ogas 30

Singsing 90

5 min: Ol  toksave  bilong kongrigesen. Kirapim ol pablisa long putim ripot bilong Ogas.

20 min: “Mekim Gutpela Wok Long Taim Bilong Yu.” Wanpela wasman bilong Buk Stadi i toktok wantaim wanpela o tupela pablisa i gat save, na ol pablisa i stori long olsem wanem ol i save skelim gut taim bilong ol bambai ol i ken mekim wok autim tok, inap tru long skel bilong ol. Ol i stori bilong wanem gutpela sediul em bikpela samting na ol i kamapim klia olsem yumi olgeta i mas wokim gutpela sediul. Ol i stori long olsem wanem ol i save abrusim ol samting em inap westim taim bilong ol, olsem: kirap mekim wok bihaintaim, i no stretim na skelim gut ol samting paslain yet, o bung bung na stori planti wantaim ol bratasista long taim bilong autim tok. Stori long sampela samting i save kamap long kongrigesen na kamapim sampela gutpela tok bilong helpim ol bratasista long olsem wanem ol i ken mekim gutpela wok long taim bilong ol.

20 min: Yu Kisim Helpim? Toktok wantaim ol bratasista na kamapim ol askim. Mekim riviu long ol dispela tok i bin kamap long Wok Kingdom long sevis yia i go pinis: Raitim sotpela tok long hap pepa na bai yu ken yusim long taim bilong autim tok. (km 10/03 p. 10) Yumi mas mekim gutpela tok amamas long ol brata wan wan na yumi mas kamapim stret long bel. (km 11/03 p. 1) Autim tok long taim ol man bai i stap long haus. (km 12/03 p. 1) Makim taim stret bilong ritim Baibel, redim ol miting, na mekim wok autim tok. (km 1/04 p. 4) Putim mak long ritim Baibel olgeta. (km 4/04 p. 1) Autim tok long bisnis teritori. (km 7/04 p. 4) Mekim wok long ol liklik nius bilong kirapim ol Baibel stadi. (km 8/04 p. 2) Askim odiens long stori long sampela gutpela samting ol i kisim taim ol i bihainim ol dispela tok.

Singsing 145 na beten.

Wik i Kirap Long Septemba 6

Singsing 197

5 min: Ol  toksave  bilong kongrigesen.

15 min: Tok  bilong  helpim kongrigesen.

25 min: “Kisim Tingting Olsem Bilong Ol Painia.”c Mekim inteviu wantaim wanpela o tupela painia oltaim. Tokim ol long stori long olsem wanem pasin bilong papamama, o elda, o ol narapela i bin kirapim ol long mekim wok painia.

Singsing 142 na beten.

[Ol Futnot]