Ol Miting Bilong Wok

Wik i Kirap Long Septemba 13

Singsing 43

10 min: Ol toksave bilong kongrigesen. Sampela Toksave bilong Wok Kingdom. Sapos ol tok i stap long p. 6 i stret long teritori bilong yu, orait bihainim ol tok i stap long p. 6 na mekim soim long pasin bilong tilim Wastaua bilong Ogas 15 na Awake! bilong Ogas 22. Yu ken mekim wok long ol narapela pasin bilong tilim ol magasin. Bihain long wan wan soim, stori liklik long sampela gutpela samting bilong soim.

17 min: “Kisim Helpim Long Rot Bilong Stadi Long Buk Go Klostu Long Jehova.” Wanpela wasman bilong Buk Stadi Bilong Kongrigesen i ken mekim dispela tok. Taim yu skelim par. 2, stori liklik long sediul bilong stadi. Long par. 3, ritim na stori long par. 23 long p. 25 bilong dispela buk.

18 min: Ol Man i Lukim Ol Gutpela Wok Yumi Mekim. (1 Pi. 2:12) Wanpela tok na kamapim sampela askim long Wastaua bilong Novemba 1, 2002, p. 12-14, par. 14-20. Askim odiens long stori long ol manmeri long hap yumi stap long en i gat wanem kain tingting long ol gutpela wok yumi mekim.

Singsing 162 na beten.

Wik i Kirap Long Septemba 20

Singsing 88

10 min: Ol toksave bilong kongrigesen. Stori liklik long pas i kam long brens, em i stap long fran pes bilong dispela Wok Kingdom. Kirapim olgeta long ritim Namba 16:1-35, na toksave long ol samting kongrigesen i mekim bambai olgeta i ken lukim dispela vidio Respect Jehovah’s Authority bilong redi long hap bilong Miting Bilong Wok long wik i kirap long Oktoba 4.

12 min: Olsem Wanem Long Wok Bilong Yumi Long Las Yia? Wanpela elda i mekim dispela tok, em i stori long ripot bilong wok autim tok bilong kongrigesen long sevis yia bilong 2004. Em i ken stori long gutpela samting bilong ripot, na tok amamas long ol gutpela wok kongrigesen i bin mekim. Kamapim stori long gutpela wok ol painia i bin mekim. Stori long wanpela o tupela samting kongrigesen i ken wok strong long en long nupela yia.

23 min: “Amamas Long Poromanim Ol Brata.” Ol askim na bekim. Stori long ol gutpela samting i save kamap taim yumi poromanim ol gutpela man.

Singsing 103 na beten.

Wik i Kirap Long Septemba 27

Singsing 221

12 min: Ol toksave bilong kongrigesen. Ripot bilong akaun. Kirapim ol pablisa long putim ripot bilong wok autim tok bilong Septemba. Mekim soim long pasin bilong tilim Wastaua bilong Septemba 1 na wanpela nupela Awake!

13 min: Tok Bilong Jehova i Gat Laip. Wanpela tok. Bilong Baibel ritim em sediul bilong Skul Tiokratik Bilong Autim Tok i makim i ken helpim gut yumi, nau long sampela Wastaua i gat ol stori nem bilong en “Tok Bilong Jehova i Gat Laip.” Mekim wok long Wastaua bilong Septemba 15, 2004, p. 24-27 na stori long ol wan wan hap bilong en. Dispela hap “Bekim Bilong Ol Askim Bilong Baibel” i kamapim insait bilong sampela tok bilong Baibel i hatwok long kisimgut. Ol tok i stap aninit long het tok “Skul Yumi Kisim,” i stori long olsem wanem ol tok yumi ritim inap helpim yumi. Tingim sampela tok i kamapim klia olsem wanem ol dispela stori bai helpim yumi long kliagut moa long Tok Bilong God. Kirapim olgeta long mekim wok long dispela stori taim yumi kirap ritim Buk Lo neks wik.

20 min: “Mekim Gutpela Wok Long Baibel.”a Mekim wok long ol askim i stap pinis. Kisim tok long buk Skul Tiokratik Bilong Autim Tok, p. 145, par. 2-3 bilong kirapim tok. Mekim tupela sotpela soim, wanpela soim i bilong autim tok na narapela i bilong mekim gobek, ol dispela soim i kamapim olsem wanem yumi ken bihainim ol dispela tok.

Singsing 38 na beten.

Wik i Kirap Long Oktoba 4

Singsing 5

5 min: Ol toksave.

15 min: Sampela tok bilong helpim kongrigesen.

25 min: “Yumi Mas Rispektim Wok Bos Bilong Jehova.” Ritim Jut 11, na kirap bilong tok i no ken winim tupela minit. Toktok wantaim ol bratasista na kamapim ol askim i stap long dispela hap bilong Wok Kingdom. Kamapim klia olsem bilong Jehova i ken orait long yumi, yumi mas abrusim pasin bikhet bilong Kora na yumi mas bihainim pasin bilong ol pikinini man bilong em, em ol i no larim wanpela samting i pasim ol long i stap gut long Jehova.

Singsing 99 na beten.

[Futnot]