Ol Toksave

◼ Disemba: Buk Baibel Stori Buk Bilong Mi o buk Nambawan Man Tru i Winim Olgeta Narapela Man. Janueri: Wanpela bilong ol buk ol i wokim paslain long 1990 long tok Inglis, tok Hiri Motu, o long Tok Pisin, sapos kongrigesen i gat sampela i stap yet. Sapos kongrigesen i no gat ol dispela buk, orait sekim ol narapela kongrigesen i stap klostu sapos ol i gat planti na yupela i ken yusim. Sapos i no gat ol dispela olpela buk, orait tilim buk Save. Februeri: Buk Go Klostu Long Jehova. Mas: Buk Save i Bringim Man Long Laip Oltaim. Wok strong long kirapim ol Baibel stadi.

◼ Long Awake! bilong Janueri 22, 2005, i gat dispela stori “Understanding Your Doctor,” em i bilong helpim ol manmeri long toktok gut wantaim ol dokta bilong ol. Tasol dispela stori tu i gutpela bilong ol dokta, long wanem, em i toktok long as na sampela dokta i bilip long tok bilong Baibel long ol man i ken wetim gutpela samting bai kamap bihain. Yu ken putim oda bilong kisim sampela moa bilong dispela Awake! na givim long dokta bilong yu na nes samting. Olgeta kongrigesen i mas toksave kwik long brens sapos sampela i laikim sampela moa bilong dispela nius.

◼ Ol brata i lukautim akaun bilong kongrigesen i mas tingim olsem: Long olgeta mun, ol i mas salim ol kontribiusen ol i kisim long bokis, Ol Kontribiusen Bilong Helpim Wok Long Olgeta Hap na Kontribiusen Bilong Wokim Ol Haus Kingdom, i go long brens. Ol i no ken yusim dispela kontribiusen long bekim dinau bilong Haus Kingdom, o baim rent, o long mekim ol narapela wok bilong kongrigesen.

◼ Klostu nau bai mipela i salim pepa bilong singautim ol man i kam long Memorial bilong 2005 long ol kongrigesen. HARIM: Ol dispela pepa bai kam wantaim ol fom bilong kongrigesen em brens i save salim long olgeta yia. Sapos yupela i laik kisim sampela pepa bilong singautim ol man i kam long Memorial long narapela tok ples em ol man long teritori bilong yupela i save mekim, orait putim oda kwik long pepa Literature Request Form (S-14-E).

◼ Plis tingim olsem Memorial bilong yia 2005 bai kamap long Trinde, Mas 24, long taim san i go daun pinis. Mipela i mekim dispela toksave hariap bambai ol brata inap putim nem o rentim wanpela ples bung samting sapos ol i mas painim narapela ples bilong mekim Memorial. Ol elda i mas stretim tok wantaim ol bos bilong dispela ples, nogut ol narapela samting i kamap long dispela ples na ol pairap samting i pulim tingting na yumi no inap mekim Memorial long gutpela pasin isi.

◼ Memorial em i bikpela samting, olsem na ol elda i mas makim wanpela brata em inap tru long mekim dispela tok na ol i no ken senis senis long mekim tok o makim wankain brata tasol long mekim tok long olgeta yia. Sapos i gat wanpela elda em i wanpela bilong ol Kristen God i bin makim long holi spirit na em inap mekim tok bilong Memorial, orait ol i ken makim em long mekim tok.