Ol Samting Bilong Helpim Yumi Long Abrusim Blut

Ol pablisa i baptais pinis na ol i bin raitim ol tok long kat Advance Medical Directive/​Release o Identity Card na dispela kat i no gat det long en bilong makim det ol i bin prinim o i gat det 3/99 long en, ol i no gat wok long kisim wanpela nupela kat long dispela yia. Long Miting Bilong Wok long wik i kirap long Janueri 3, kuskus bilong kongrigesen i mas i gat ol kat inap bilong ol pablisa i baptais nupela, ol pikinini bilong ol na ol bratasista em kat bilong ol i bin lus o i bagarap. Mipela i no inap salim ol dispela kat i go long ol kongrigesen. Sapos kongrigesen i no gat inap kat, orait kuskus i ken sekim long ol narapela kongrigesen i stap klostu o putim oda bilong kisim sampela kat moa wantaim oda bilong mun antap.

Ol bratasista i ken raitim olgeta tok long kat long haus tasol ol i NO KEN sainim. Long Buk Stadi Bilong Kongrigesen long wik antap, ol bratasista i ken sainim nem na raitim det samting, na wasman bilong buk stadi i ken helpim ol sapos ol i mas kisim helpim. Ol brata bilong sainim nem olsem witnes i mas lukluk i stap taim brata o sista i sainim nem bilong em long kat.

Ol pablisa i no baptais yet ol i ken kisim sampela tok i stap long kat Advance Medical Directive/Release na Identity Card na wokim kat bilong ol yet na bilong ol pikinini bilong ol.

This is a repeat of article in km 12/03 taken from km-E 12/03, “Provisions to Help Us Abstain From Blood.”