Ol Miting Bilong Wok

Wik i Kirap Long Janueri 10

Singsing 223

10 min: Ol toksave bilong kongrigesen. Sampela Toksave bilong Wok Kingdom. Kirapim olgeta long skelim ol tok ol i bin raitim long kibung wantaim ol askim i stap long p. 1, bilong redi long bekim tok long Miting Bilong Wok long wik antap, taim yumi stori long “Wokabaut Wantaim God” Kibung Distrik. Mekim wok long ol tok i stap long p. 8 (sapos i stret long teritori bilong yupela) na mekim soim long pasin bilong tilim Wastaua bilong Disemba 15 na Awake! bilong Disemba 22. Yupela i ken bihainim ol narapela pasin i stret long teritori bilong yupela. Long soim pablisa i tilim magasin long wanpela wanblut bilong em i no wanpela Witnes.

15 min: Ol Yangpela​—⁠Yupela i Wok Long Kamap Strong Long Ol Samting Bilong Spirit? Wanpela elda i kamapim tok bilong Wastaua bilong Epril 1, 2003, p. 8-10. Kolim sampela mak ol i ken putim na i mas stret long ol na ol inap winim, na kirapim ol long putim sampela mak bilong spirit.

20 min: “Mekim Wok Long Tok i Stret Long Man Bilong Haus.” Toktok wantaim ol bratasista na kamapim ol askim long p. 6 bilong namel pepa. Mekim tupela soim long olsem wanem yumi ken bihainim dispela pasin taim yumi tilim buk long dispela mun. Long olgeta wan wan soim, pablisa i mas ritim wanpela skripsa i stori long samting em man bilong haus i tingting planti long en.

Singsing 143 na beten.

Wik i Kirap Long Janueri 17

Singsing 34

5 min: Ol toksave bilong kongrigesen.

40 min: “Kibung Distrik i Kirapim Yumi Long Wokabaut Wantaim God.” Wanpela elda i lukautim dispela hap. Kirap bilong tok i no ken abrusim wanpela minit, na bihain mekim wok long ol askim i stap pinis na toktok wantaim ol bratasista na kamapim ol askim long program bilong kibung. Skelim gut taim bambai yu inap mekim olgeta askim, ating yu ken kisim wanpela bekim tasol long sampela askim. I no olsem yu mas ritim olgeta skripsa ol i makim; ol dispela skripsa i bilong helpim yumi long painim ol bekim. Ol bekim bilong ol bratasista i mas kamapim klia olsem wanem ol i bin kisim helpim taim ol i bihainim ol samting ol i lainim.

Singsing 78 na beten.

Wik i Kirap Long Janueri 24

Singsing 163

12 min: Ol toksave bilong kongrigesen. Ripot bilong akaun. Stori olsem long p. 3-5 bilong namel pepa bilong dispela mun i gat ol tok bilong tilim sampela buk na nius em yumi bai tilim long ol mun i kam. Lukautim gut dispela pepa bambai yu ken yusim long dispela yia olgeta. Stori long olsem wanem yumi ken tilim buk Go Klostu Long Jehova long Februeri. Mekim tupela soim. Pablisa i ken mekim wok long ol tok ol i redim pinis em ol i gutpela long teritori bilong yupela.

22 min: “Mekim Ol Baibel Stadi i Save Helpim Ol Man​—⁠Namba 5 Hap.”a Mekim wanpela soim long wanpela pablisa husat i save gut long mekim ol Baibel stadi i stori wantaim wanpela nupela pablisa long olsem wanem em i ken abrusim ol hevi em par. 4-5 i kamapim.

11 min: Jehova i No Save Pasim Wanpela Gutpela Samting. (Sng. 84:11) Toktok wantaim sampela brata na sista em ol i bin i stap gut long Jehova long taim bilong hevi. Ol i bin karim wanem ol hevi? Wanem samting i bin helpim ol long karim ol hevi? Ol i bin kisim wanem ol gutpela blesing na ol amamas?

Singsing 200 na beten.

Wik i Kirap Long Janueri 31

Singsing 157

8 min: Ol toksave bilong kongrigesen. Kirapim ol pablisa long putim ripot bilong autim tok bilong Janueri. Mekim wok long ol tok i stap long p. 8 (sapos i stret long teritori bilong yupela), na mekim soim long pasin bilong tilim Wastaua bilong Janueri 1 o Awake! bilong Janueri 8. Yupela i ken mekim wok long ol narapela pasin bilong autim tok tu.

17 min: Tok bilong helpim kongrigesen o wanpela elda i ken kamapim dispela tok, “Mi Ken Mekim Wanem Bilong Kisim (na Holim!) Wanpela Wok?” long buk Askim Bilong Ol Yangpela, p. 166-73.

20 min: Yu Save Skelim Tok Bilong Baibel Long Olgeta De? Wanpela tok na toktok wantaim ol bratasista long tok i go pas long buklet Skelim Sampela Tok Bilong Baibel Long Olgeta De​—⁠2005. Stori olsem em i bikpela samting long olgeta i mas lusim haptaim long olgeta wan wan de bilong skelim teks bilong de. Sampela de paslain long miting, stretim rot bilong wanpela o tupela brata o sista i stori long pasin ol i save bihainim bilong skelim teks bilong de na olsem wanem dispela i bin helpim ol. Bilong pinisim tok, stori liklik long yiateks bilong 2005.

Singsing 184 na beten.

Wik i Kirap Long Februeri 7

Singsing 97

5 min: Ol toksave bilong kongrigesen.

17 min: Helpim Ol Nupela Man Long Laikim God na Ol Narapela Man. Wanpela tok i kam long Wastaua bilong Julai 1, 2004, p. 16, par. 7-9. Stori long olsem wanem olgeta wan wan insait long kongrigesen i gat wok long helpim ol nupela man long kamap disaipel bilong Krais.

23 min: “Bikpela Wok Bilong Tilim Nupela Buklet.”b Wasman autim tok i lukautim dispela hap. Mekim soim long ol tok bilong tilim ol buk na nius. Long wanpela soim, man bilong haus i no gat bikpela laik tumas long harim tok bilong Baibel na pablisa i givim em wanpela liklik nius.

Singsing 104 na beten.

[Futnot]