Ol Toksave

◼ Februeri 1-12: Go Klostu Long Jehova. Februeri 13–Mas 12: Bikpela wok bilong tilim Was i Stap! Mas 13-31: Save i Bringim Man Long Laip Oltaim. Wok strong long kirapim ol Baibel stadi. Epril na Me: Wastaua na Kirap!

◼ Wasman siaman o wanpela brata em i makim i mas skelim ol akaun bilong kongrigesen long Mas 1 o kwiktaim bihain long en. Sapos i gat narapela akaun, kain olsem akaun bilong stretim ol samting bilong Haus Kingdom o bilong konstraksen, orait stretim rot bilong skelim dispela akaun tu. Taim em i mekim pinis, orait toksave long kongrigesen long dispela samting taim yupela i kamapim ripot bilong ol akaun long narapela miting.

◼ Kuskus na wasman autim tok i mas skelim wok bilong olgeta painia oltaim. Sapos sampela i hatwok long winim ol aua bilong ol, orait ol elda i mas stretim rot bilong helpim ol. Bilong kisim sampela tingting long dispela samting, yupela i ken lukim ol pas S-201-MP, em yupela i save kisim long olgeta yia.

◼ Kirap long Februeri 1 i go Mas 6, ol wasman sekit bai kirap mekim nupela pablik tok, nem bilong en, “Bihainim Savepasin Namel Long Ol Lain i No Bihainim Gutpela Tingting.”

◼ Ol wan wan pablisa yet i no ken salim oda bilong ol buk samting i go long brens ofis. Long olgeta mun paslain long kongrigesen i salim oda bilong litresa i go long brens ofis, wasman siaman i mas stretim rot bilong mekim toksave olsem kongrigesen bai salim oda. Orait ol bratasista i laik kisim ol buk samting i ken toksave long brata i lukautim litresa. Tingim wanem ol buk samting i olsem spesel rikwes aitem.