Ol Miting Bilong Wok

Wik i Kirap Long Epril 11

Singsing 4

15 min: Ol toksave bilong kongrigesen. Sampela Toksave bilong Wok Kingdom. Mekim wok long ol tok i stap long laspela pes (sapos i stret long teritori bilong yupela) na mekim soim long pasin bilong tilim Wastaua bilong Mas 15 na Awake! bilong Mas 22. Yupela i ken bihainim ol narapela pasin i stret long hap bilong yupela. Long wanpela soim, pablisa i autim tok long rot.

15 min: “Wok Strong Long Autim Tok.”a Askim odiens long kamapim sampela tok bilong ol skripsa.

15 min: “Mekim Gutpela Pasin na Helpim Ol Narapela.”b Kamapim sampela tok i stret long hap bilong yu, na stori long sampela samting yumi ken mekim bilong helpim ol narapela.

Singsing 47 na beten.

Wik i Kirap Long Epril 18

Singsing 76

13 min: Ol toksave bilong kongrigesen. Toktok wantaim ol bratasista long ol bikpela tok bilong “Pas i Kam Long Gavening Bodi.” Kirapim olgeta long ritim dispela pas bihain sapos ol i no bin mekim yet.

22 min: “Mekim Ol Baibel Stadi i Save Helpim Ol Man​—⁠Namba 8 Hap.”c Mekim wanpela soim long wanpela pablisa i givim buklet Ol Witnes Bilong Jehova​—⁠Ol i Husat? Ol i Bilip Long Wanem Samting? long wanpela nupela Baibel sumatin. Pablisa i soim sumatin long piksa i stap long p. 20 bilong buklet na stori liklik long Pablik Miting. Em i kolim nem bilong pablik tok bai kamap long narapela wik na em i singautim sumatin long kam long dispela miting.

10 min: Sampela ekspiriens. Askim ol bratasista long stori long sampela ekspiriens ol i bin kisim long taim bilong mekim bikpela wok long mun Mas na Epril na tu long taim bilong Memorial na spesel tok.

Singsing 169 na beten.

Wik i Kirap Long Epril 25

Singsing 111

12 min: Ol toksave bilong kongrigesen. Kamapim ripot bilong ol akaun na ritim pas brens i salim bilong tok tenkyu long ol kontribiusen em kongrigesen i bin salim. Kirapim ol pablisa long putim ripot bilong wok autim tok bilong mun Epril. Yusim ol tok i stap long laspela pes (sapos i stret long teritori bilong yupela), na mekim soim long pasin bilong tilim Wastaua bilong Epril 1 na wanpela nupela Awake! Yupela i ken mekim wok long narapela pasin bilong tilim nius i stret long hap bilong yupela. Long soim, pablisa i kamapim klia pasin bilong autim tok long man i laik katim tok olsem “Mi no laik harim.” (Lukim buk Toktok Gut p. 16.) Stori long ol magasin em ol man long teritori bai laikim.

21 min: “Olgeta Kain Man Bai Kisim Laip.”d Stori long olsem wanem olgeta i ken bihainim dispela tok long teritori bilong yupela.

12 min: Wok Strong Long Painim Save Wankain Olsem Man i Wok Long Painim Mani Samting Ol i Bin Haitim. Wanpela brata i save kamapim gut tok i mekim dispela tok i stori gut long olsem wanem Skripsa Indeks inap helpim Baibel ritim bilong yumi. Olsem, ating yumi laik save olsem wanem Judas Iskariot i bin dai bihain long em i givim Krais Jisas long han bilong ol birua. Matyu 27:5 i tok olsem Judas i “go hangamapim em yet.” Tasol Aposel 1:18 i tok: “Em i pundaun long dispela graun na bel bilong en i bruk, na olgeta bel bilong en i kapsait long graun.” Olsem na Judas i dai olsem wanem? Yu inap painim bekim bilong dispela askim long rot bilong sekim lista bilong ol dispela skripsa long Skripsa Indeks. Lukim Matyu 27:5 insait long buklet Skripsa Indeks na bai yu lukim dispela referens “w92 7/15 6.” Ritim ol tok insait long dispela Wastaua i stret long askim. Bai yu painim wankain referens aninit long Aposel 1:18 long Skripsa Indeks.

Singsing 8 na beten.

Wik i Kirap Long Me 2

Singsing 148

7 min: Ol toksave bilong kongrigesen.

15 min: Tok bilong helpim kongrigesen. O wanpela elda i mekim dispela tok “Taim Hevi Bilong Sik i Daunim Yu” i kam long Wastaua bilong Septemba 1, 2003, p. 15, par. 10-14.

23 min: “2005 ‘Bihainim Tok Bilong God’ Kibung Distrik Bilong Ol Witnes Bilong Jehova.”e Kuskus bilong kongrigesen i lukautim dispela hap. Mekim tok i stret long ol samting kongrigesen bai mekim bilong i go long kibung distrik. Na tu, kamapim sampela tok bilong namel pepa bilong Wok Kingdom bilong Mas 2004.

Singsing 112 na beten.

[Ol Futnot]