Ol Miting Bilong Wok

Wik i Kirap Long Me 9

Singsing 217

10 min: Ol toksave bilong kongrigesen. Sampela Toksave bilong Wok Kingdom. Mekim wok long ol tok i stap long laspela pes o ol narapela tok i stret long hap bilong yupela, na mekim soim long pasin bilong tilim Wastaua bilong Epril 15 na Kirap! bilong Epril–Jun. Long wanpela soim, pablisa i tilim magasin long PMV.

15 min: Mekim Wok Long Baibel Bilong Putim Tok i Go Daun Long Bel. Wanpela tok i kam long Wastaua bilong Februeri 1, 2005, p. 28-31. Stori long olsem wanem Jisas i mekim wok long Baibel bilong helpim Pita. Stori long olsem wanem yumi ken bihainim pasin bilong Jisas taim yumi mas stretim tingting na laik bilong ol pikinini bilong yumi, ol Baibel sumatin, na yumi yet tu.

20 min: “Wokim Wanpela Gutpela Sediul Bilong Famili.” Kirap bilong tok i no ken winim 2-pela minit, na stori olsem em i bikpela samting long famili i mas i gat wanpela sediul, na stori long olsem wanem ol i ken raitim ol tok long sediul i no gat rait long en i stap long p. 6. Bihain mekim ol askim na bekim long dispela tok “Sediul Bilong Famili​—⁠Ol Miting Bilong Kongrigesen.” Askim odiens long stori long olsem wanem ol i no save larim ol narapela samting i pasim ol long go long ol miting bilong kongrigesen. Bai yumi skelim ol narapela hap bilong sediul bilong famili long ol wik i kam bihain.

Singsing 176 na beten.

Wik i Kirap Long Me 16

Singsing 201

8 min: Ol toksave bilong kongrigesen.

15 min: “Sediul Bilong Famili​—⁠Autim Tok.”a Askim odiens long stori long gutpela samting i save kamap taim famili olgeta i autim tok wantaim long olgeta taim.

22 min: “Mekim Ol Baibel Stadi i Save Helpim Ol Man​—⁠Namba 9 Hap.”b Taim yu stori long par. 2, kamapim wanpela o tupela tok bilong Wok Kingdom bilong Disemba 2004, p. 6. Mekim wanpela sotpela soim bilong wanpela Baibel stadi. Taim ol i pinisim stadi 2 long buklet Yumi Mas Mekim Wanem?, brata o sista i lukautim stadi i askim sumatin: “Bai yu stori olsem wanem long wanpela pren bilong yu long nem bilong God?” Sumatin i stori long olsem wanem em bai mekim wok long Kisim Bek 3:​15, sta, na bihain brata o sista i mekim stadi i tok amamas long sumatin.

Singsing 134 na beten.

Wik i Kirap Long Me 23

Singsing 194

12 min: Ol toksave bilong kongrigesen. Ripot bilong ol akaun. Sapos kongrigesen i bin salim sampela kontribiusen i go long brens ofis na ol i tok tenkyu long dispela, orait kamapim dispela long kongrigesen. Mekim wok long ol tok i stap long laspela pes o ol narapela tok i stret long hap bilong yupela, na mekim soim long pasin bilong tilim Wastaua bilong Me 1 na wanpela nupela Awake!

18 min: “De Bilong Jehova i Kam Klostu Pinis.”c Taim yu redim dispela hap, skelim tok bilong buk Tok Profet Bilong Daniel, p. 59, par. 28.

15 min: “Sediul Bilong Famili​—⁠Famili Stadi.”d Sampela de paslain long miting stretim rot long wanpela o tupela i ken stori long ol i save mekim famili stadi bilong ol olsem wanem na ol i mas mekim wanem bambai ol i ken mekim famili stadi long olgeta taim.

Singsing 152 na beten.

Wik i Kirap Long Me 30

Singsing 190

5 min: Ol toksave bilong kongrigesen. Kirapim olgeta pablisa long givim ripot bilong wok autim tok bilong Me.

20 min: “Tilim Buk Kisim Skul Long Bikpela Tisa.” Long Jun bai yumi tilim dispela buk. Stori long ol tok i stap long p. 7, par. 1 i go 3 bilong dispela buk. Askim odiens long stori long wanem samting ol i laikim long dispela buk. Stori long ol tok bilong tilim dispela buk. Stori long olsem wanem yumi ken mekim wok long ol piksa insait long buk taim yumi tilim. Makim wanpela yangpela long mekim namba wan tok bilong tilim dispela buk, na wanpela man i bikpela pinis i ken mekim wok long wanpela bilong tupela narapela tok bilong tilim dispela buk. Sapos narapela pasin bilong tilim dispela buk i gutpela moa long teritori bilong yupela, orait stori long dispela na mekim soim long en, no gat wok long mekim soim long ol narapela pasin bilong tilim dispela buk.

20 min: “Sediul Bilong Famili​—⁠Teks Bilong De.”e Askim odiens long stori long olsem wanem pasin bilong famili olgeta i skelim teks bilong de wantaim i save helpim famili bilong ol, na askim ol wanem taim i gutpela long famili bilong ol long skelim teks bilong de.

Singsing 115 na beten.

Wik i Kirap Long Jun 6

Singsing 155

10 min: Ol toksave bilong kongrigesen. Stori o mekim soim bilong wanpela ekspiriens i kamap long Mas, Epril na Me. Sampela de paslain long miting, stretim rot bilong wanpela o tupela brata o sista long stori long wok ol i mekim bilong insait moa long wok autim tok long taim bilong Memorial na ol blesing ol i bin kisim long dispela.

15 min: Helpim Ol Pikinini ‘i No Gat Papa.’ Wasman siaman i mekim dispela tok em i kisim long Wastaua bilong Jun 1, 1998, p. 22. Kamapim klia olsem God i givim wok long ol papamama Kristen long stadi wantaim ol pikinini bilong ol. Lukim Askim i stap long Wok Kingdom bilong Novemba 2003, p. 5, par. 3.

20 min: “Kirapim Ol Man Long Magasin-Raun Bilong Yu Long Harim Tok.”f Taim yu stori long par. 3, kamapim tok bilong buk Toktok Gut, p. 188-93. Yu ken yusim ol dispela tok bilong redim ol tok we yu ken kamapim wanpela skripsa i stori long samting Kingdom Bilong God bai mekim. Mekim wanpela soim long pasin bilong pablisa long toktok wantaim wanpela man long magasin-raun bilong em. Pablisa i mas stori liklik long skripsa na kamapim insait bilong en bilong helpim man bilong haus long kliagut long skripsa na olsem wanem dispela skripsa inap helpim em long i stap bilong em.

Singsing 107 na beten.

[Ol Futnot]