Ol Miting Bilong Wok

Wik i Kirap Long Ogas 8

Singsing 125

10 min: Ol toksave bilong kongrigesen. Sampela Toksave bilong Wok Kingdom.

12 min: Winim Ol Mak Bilong Kamap Pablisa. Wasman autim tok i mekim olsem wanpela tok i kamapim ol bikpela tok bilong buk Oganaisesen Bilong Mekim Laik Bilong Jehova, p. 79-81. Ol pablisa i no ken singautim wanpela i kam autim tok wantaim ol sapos em i no winim yet ol mak.

23 min: “Nau Em i Taim Bilong Autim Tok!”a Sampela de paslain long miting, stretim tok wantaim wanpela o tupela painia oltaim long stori long ol samting ol i bin mekim bambai ol inap mekim wok painia na wanem ol blesing dispela i bin kamapim.

Singsing 197 na beten.

Wik i Kirap Long Ogas 15

Singsing 11

10 min: Ol toksave bilong kongrigesen. Bihainim ol tok i stap long p. 6, o narapela tok i stret long hap bilong yupela, na mekim soim long pasin bilong tilim Wastaua bilong Julai 15 na Kirap! bilong Julai-Septemba.

15 min: Yu Tingim Yet? Toktok wantaim ol bratasista na kamapim ol askim long Wastaua bilong Epril 15, 2005, p. 30. Kirapim odiens long bekim tok long olgeta askim. Kamapim klia olsem wanem ol dispela tok inap helpim yumi. Strongim olgeta long ritim gut olgeta Wastaua na Kirap!

20 min: “Kirapim Ol Baibel Stadi Long Dua Bilong Haus na Long Telefon.”b Mekim sotpela soim long pasin bilong kirapim stadi taim pablisa i bungim man bilong haus long namba wan taim. Pablisa i skelim wanpela o tupela paragraf tasol long buklet Yumi Mas Mekim Wanem? Kamapim wanpela o tupela sotpela ekspiriens long ol pablisa i bin kirapim stadi long namba wan taim ol i bungim man.

Singsing 30 na beten.

Wik i Kirap Long Ogas 22

Singsing 161

8 min: Ol toksave bilong kongrigesen. Ripot bilong ol akaun na toksave long ol kontribiusen kongrigesen i bin kisim.

15 min: Sampela tok bilong helpim kongrigesen.

22 min: “Wok Bilong Autim Tok Bilong Kingdom​—⁠Wanpela Gutpela Wok Tru.”c Taim yu skelim par. 4, stori long rot i op long sampela husat i hatwok tru long autim tok, long wanem, ol i lapun o ol i gat bikpela sik. Ol i ken putim 15 minit 15 minit long ripot bilong ol long wok autim tok.​—⁠Lukim Wok Kingdom bilong Oktoba 2002, p. 16, par. 6.

Singsing 204 na beten.

Wik i Kirap Long Ogas 29

Singsing 45

10 min: Ol toksave bilong kongrigesen. Kirapim olgeta pablisa long putim ripot bilong wok autim tok bilong Ogas. Toksave tu olsem olgeta i mas bringim buk Lotuim God long Miting Bilong Wok long wik antap. Bihainim tok i stap long p. 6, o narapela tok i stret long hap bilong yupela, na mekim soim long pasin bilong tilim Wastaua bilong Ogas 1 wantaim nupela Awake! taim pablisa i mekim gobek long man i save kisim oltaim ol magasin.

15 min: “Gutpela Pasin Bilong Yumi i Litimapim Nem Bilong God.”d Pasim tok wantaim sampela pablisa long ol i ken stori long olsem wanem gutpela pasin bilong lain bilong God i bin helpim ol long kamap wokman bilong Jehova.

20 min: Mekim Wok Long Baibel Long Namba Wan Taim Yu Bungim Man. Wanpela tok na kamapim sampela askim. Kamapim ol tok i stap long Wok Kingdom bilong Septemba 2004, p. 6, par. 2, long pasin bilong stiaim man long tingim Tok Bilong God. Mekim soim long wanpela o tupela bilong ol dispela tok. Sapos i gat taim, yu ken stori na mekim soim tu long ol tok i stap long namel pepa bilong Wok Kingdom bilong Janueri 2005 bilong tilim buk.

Singsing 71 na beten.

Wik i Kirap Long Septemba 5

Singsing 98

10 min: Ol toksave bilong kongrigesen. Stori liklik long “Yu Save Yusim Ol Pepa Bilong Singautim Man i Kam Long Miting?” Kirapim odiens long stori long ol gutpela samting i bin kamap taim ol i yusim ol pepa bilong singautim man i kam long miting. Mekim sotpela soim long pablisa i yusim dispela pepa bilong singautim man i laik harim tok long i kam long miting.

15 min: “Mekim Ol Baibel Stadi i Save Helpim Ol Man​—⁠Namba 12 Hap.”e Sampela de paslain long miting, pasim tok wantaim wanpela o tupela pablisa long ol i ken stori long wanem samting i bin helpim ol long mekim gut wok bilong kirapim na lukautim ol Baibel stadi.

20 min: Yu Save Makim Ol Poroman Olsem Wanem? Toktok wantaim ol bratasista na kamapim ol askim long buk Lotuim God, p. 47⁠-⁠9. Mekim wok long ol askim na ol skripsa long par. 13, na askim odiens long stori long ol stiatok bilong Baibel i mas stiaim yumi long makim ol man yumi laik poroman wantaim ol.

Singsing 164 na beten.

[Ol Futnot]