Ol Miting Bilong Wok

Wik i Kirap Long Novemba 14

Singsing 220

10 min: Ol toksave bilong kongrigesen. Skelim sampela Toksave bilong Wok Kingdom. Mekim wok long ol tok i stap long p. 8 (sapos i stret long teritori bilong yupela) na mekim soim bilong tilim Wastaua bilong Oktoba 15 na Awake! bilong Oktoba 22. Yupela i ken bihainim ol narapela pasin i stret long teritori bilong yupela. Long wan wan soim, kamapim narapela narapela pasin bilong autim tok long man i katim tok olsem, “Mi no laikim lotu.”​​—⁠Lukim buk Toktok Gut, p. 17.

15 min: Ol Kontribiusen God i Amamas Long En. Wanpela elda i mekim dispela tok em i kisim long Wastaua bilong Novemba 1, 2005, p. 26-​30.

20 min: “Tokaut Long Biknem Bilong Jehova.”a Taim yupela i stori long par. 4, askim odiens long kamapim ol sotpela ekspiriens i soim olsem gutpela pasin bilong yumi inap opim rot long yumi autim tok.

Singsing 24 na beten.

Wik i Kirap Long Novemba 21

Singsing 40

10 min: Ol toksave bilong kongrigesen. Long dispela mun yumi wok long tilim buk Kisim Skul Long Bikpela Tisa. Askim odiens long kamapim sampela ekspiriens ol i bin kisim taim ol i tilim dispela buk o taim ol i mekim wok long en long ol Baibel stadi. Askim ol papamama na ol pikinini long stori long olsem wanem dispela buk i bin helpim ol.

20 min: Mekim Jehova i Stap God Bilong Yu. Wanpela elda i mekim dispela tok em i kisim long Wastaua bilong Epril 1, 2005, p. 25-8. Stori long ol samting yumi ken mekim bilong bihainim pasin bilong Abraham, Devit, na Elaija.

15 min: “Tingim Gut Ol Narapela​​—⁠Long Rot Bilong Lukluk Gut Long Ol Samting.”b Mekim soim long wanpela pablisa i lukluk gut long samting i kamapim tingting bilong man bilong haus, na em i senisim tok bilong em na bai i stret long man bilong haus.

Singsing 67 na beten.

Wik i Kirap Long Novemba 28

Singsing 7

12 min: Ol toksave bilong kongrigesen. Ritim ripot bilong ol akaun. Sapos kongrigesen i bin salim sampela kontribiusen i go long brens na brens i bin tok tenkyu long dispela, orait kamapim dispela tok tenkyu long kongrigesen. Kirapim ol pablisa long putim ripot bilong wok autim tok bilong Novemba. Mekim wok long ol tok i stap long p. 8 (sapos i stret long teritori bilong yupela), na mekim soim long pasin bilong tilim Wastaua bilong Novemba 1 wantaim wanpela nupela Awake! Yupela i ken bihainim narapela pasin i stret long teritori bilong yupela. Tokim man long pasin bilong givim kontribiusen.

15 min: “Mipela Inap Helpim Ol Olsem Wanem?” Wanpela tok. Kolim sampela gutpela wok ol wokman bilong Jehova i mekim bilong helpim ol wanbilip i sot tru long ol samting (Lukim Awake! bilong Ogas 8, 2003, p. 10-​15; Novemba 22, 2002, p. 19-​24; na Kirap! bilong Janueri-Mas 2002, p. 19-23. Yu ken kamapim tu ol narapela stori.) Bihain toktok long ol bikpela tok bilong dispela stori i stap long p. 7 long Wok Kingdom. Kamapim klia olsem sapos wanpela i laik givim mani bilong helpim ol manmeri i kisim bagarap, i gutpela moa sapos em i salim dispela kontribiusen i go long mani bilong helpim wok autim tok long olgeta hap.

18 min: Wok Autim Tok Long Mun Disemba. Wanpela tok na kamapim sampela askim. Insait long 5-pela minit long kirap bilong tok, mekim sotpela riviu long ol tok i stap long hap, “Olsem Wanem Yumi Ken Yusim Ol Tok Ol i Redim Pinis,” long p. 10 bilong Wok Kingdom bilong Februeri 2005: (1) Yumi inap autim gut tok sapos yumi mekim ol tok bilong tilim ol nius long toktok bilong yumi yet. (2) Yumi mas bihainim gutpela tingting na senisim tok bilong yumi na bai i stret long hap bilong yumi. (3) Yumi mas tingim sindaun na tingting bilong ol man long teritori bilong yumi. (4) Yumi mas ritim gut sapta insait long buk o nius em yumi laik tilim na painim ol tok bai kirapim laik bilong man long harim tok. (5) Yumi ken mekim wok long ol narapela pasin tu bilong tilim ol nius. Stori long olsem wanem yumi ken mekim wok long ol dispela tok taim yumi tilim ol buk long Disemba. Yupela i ken mekim wok long ol tok i stap long namel pepa bilong Wok Kingdom bilong Janueri 2005 o ol narapela tok i stret long teritori bilong yupela. Mekim wanpela o tupela soim long pasin bilong tilim ol buk.

Singsing 123 na beten.

Wik i Kirap Long Disemba 5

Singsing 38

10 min: Ol toksave bilong kongrigesen.

15 min: Sampela tok bilong helpim kongrigesen.

20 min: “Wok Autim Tok i Inapim Wanem Ol Samting?”c Taim yupela i skelim par. 5, kamapim ol tok i stap long Wastaua bilong Februeri 15, 2004, p. 32.

Singsing 26 na beten.

[Ol Futnot]